ЯҢАЛЫКЛАР

Бу бәйгедә егетләр  җиде турда көч сыныштылар. Аларның  һәр чыгышлары тамашачыларның көчле алкышларына күмелде.  Жюри әгъзаларына нәтиҗә чыгару авыр булды, чөнки аларның барсыда беренче урынга лаек иде. Бәйге дә дуслык җиңде. Катнашучы егетләргә истәлекле бүләкләр тапшырылды.  Кичә барышында ир-егетләргә бик күп котлаулар җиткерелде.

21 февраль көнне Иске Җөри авылы китапханәсендә Халыкара туган тел көненә багышланган  «Җыр булырлык сүзләр биргән, туган телем рәхмәт сиңа» дип исемләнгән тематик сәгать үткәрелде.   Әлеге чарада башлангыч сыйныф укучылары катнашты. Балалар китапханәченең телнең безнең көндәлек тормышыбыз, тарихыбыз, мәдәниятебез турында сөйләвен зур кызыксыну белән тыңладылар  Укучылар “Тапкырлар” һәм “Зирәкләр”  командасына бүленеп  “Уйла һәм әйт”, “Дөрес җавапны тап”, “Мәкаль төзү”, “Шигырьне тап” уеннарында катнаштылар, туган тел турында шигырьләр укыдылар. Әлеге чараныӊ максаты  укучыларда туган телгә мәхәббәт, горурлык  хисләре тәрбияләү иде. Шулай ук укучылар китапханәдә куелган китап күргәзмәсе белән дә таныша алдылар. Чара  “Туган тел” җыры белән тәмамланды.

21 февраль көнне Шармыш авыл клубында Бөек Ватан сугышында Җиңүнең 75 еллыгына һәм ТАССРның 100 еллыгына багышланган «Ватанны саклаучылар көне» нә багышланган шахмат турниры булып узды. Шахмат акыл ияләренең һәм хакимиятләрнең эзләнгән мәзәкләре булып саналса да, әкренләп акыл һәм йөрәкләрне яуладылар.  Турнирда 10 кеше - 22 яшьтән 53 яшькә кадәрге ир-атлар һәм кызлар катнашты.Барлык уенчылар да истәлек сувенирлар белән бүләкләнде.

Унынчы тапкыр оештырылучы «#әдәбимарафон»ның финалына меңнән артык катнашучы республика районнарыннан гына түгел, хәтта чит төбәкләрдән дә килде.        Дөньякүләм үткәрелә торган бу бәйге - социаль челтәрләрдә китап уку гадәтен формалаштыра торган проект. 21 көн дәвамында укылган китаплардан иң матур өзекләрне социаль челтәрләргә куеп барган катнашучылар  Пирамида сәхнәсенә күтәрелде. Аларны  язучы - шагыйрьләр, китап нәшрияты, министрлыклардан килгән төрле дәрәҗәле шәхесләр котлады, истәлекле бүләкләр тапшырды.Чара матур концерт белән үрелеп барды.Әлеге чарада Шәтке китапханәчесе Кәүсәрия Галимуллина да катнашып, диплом белән бүләкләнде.
   Без - ана телебез сакчылары, китап сакчылары, бай әдәби мирасны киләчәккә тапшырачак буын! Шушы дәрәҗәле исемнәргә тап төшерми, туган телебезне кадерләп яшәсәк иде. 

Мәдәният йортларынды, мәктәпләрдә, китапханәләрдә бик күп чаралар үткәрелә. 20 февраль көнне Шәтке  авыл мәдәният йортында "Җиңү безнең йөрәкләрдә" дип исемләнгән район фестивале кысаларында әлеге авыл җирлеге үзешчәннәре тарафыннан әзерләнгән бәйрәм концерты булып узды.

Җырчының юбилее уңаеннан Күкчә авыл китапханәсендә "Җырлы тормыш" дип исемләнгән китап күргәзмәсе оештырылды. Балалар күргәзмә ярдәмендә Илһам Шакировның татар мәдәниятенең күренекле вәкиле булуын, үзенең вокаль - башкару мәктәбен булдыруын белделәр. Халык башкару манерасына ия булып, ул үз репертуарына татар халык җырларын гына түгел, ә классик әсәрләрне (арияләр, романслар) һәм татар композиторларының әсәрләрен, шулай ук заманча татар эстрада җырын да керткән.

Анда балалар сәнгать мәктәбе коллективлары: «Карамельки» хореография коллективы (җитәкчеләре Ахметова З.Р), «Мисолька» вокаль ансамбле (җитәкчеләре Биктимирова Р.Р) , Гасимов Ф.М. җитәкчелегендә халык уен кораллары оркестры катнашты. Фойеда Алеева М.Т. җитәкләгән гитаристлар ансамбле үзләренең моңлы койләре белән тамашачыны җәлеп итте.

Этот день стал отмечаться в 2000 году по решению ЮНЕСКО. В связи с этим в Среднемешинской сельской библиотеке, совместно с клубом, был проведен литературный час  на тему: "Туган телне кадерләгән халык, кадерле булыр". Говорили о произведениях татарского народа, дошедших до наших дней из поколения в поколение – преданиях и легендах, пословицах и поговорках, загадках, народных песнях. Была организована книжная выставка "Туган телнең асыл байлыклары ".

Һәр халыкның – үз тарихы, үз гореф-гадәтләре, үз теле. Һәркемгә туган телен саклау, аны киләчәк буынга исән - имин җиткерү максаты мөһим булырга тиеш. Шул максаттан, 21 февраль көнне Максабаш авылы китапханәсендә, мәдәният йорты белән берлектә “Ак калфак” татар хатын - кызлар оешмасы белән “И, газиз ана телем” дип исемләнгән тематик чара уздырылды. Чара ахырында  “И туган тел ” җыры башкарылды.

Бу көн ел саен Олы Мәтәскә  мәдәният йортында билгеләп үтелә. Шул уңайдан 19 февраль көнне  “ Үз ана телем-минем өчен матур, иң матур тел ” дип исемләнгән мәдәни чара үтте. Бу чарада төрле сыйныф укучылары катнаштылар.  Алар Туган телгә багышланган шигырьләр укыдылар, мәкальләр әйтештеләр. Мәдәният хезмәткәрләре бу көн турында кыскача аңлатма бирделәр. Чараның ахыры Туган тел җыры белән тәмамланды.