ЯҢАЛЫКЛАР
Ул үзенең иминлеге, сәламәт тәне һәм нык рухы турында кайгыртучы, шулай ук әйләнә-тирә мохитне саклауга һәм экологик хәлне яхшыртуга омтылучы һәркем өчен мөһим бәйрәм булып тора.
7 апрель - Бөтендөнья сәламәтлек көне. Урта Мишә авыл китапханәсендә клуб белән бергә, авыл фельдшеры Хайретдинова Айгөл белән «Минем сәламәтлегем – тормышымның нигезе» дип исемләнгән очрашу үткәрелде.
7 апрель көнне Теләче балалар китапханәсендә «В гостях у Витаминки» дип исемләнгән кызыклы күргәзмә һәм аңа күзәтү оештырылды. Чара барышында сәламәтлек темасына әңгәмә үткәрелде, витаминнарга багышланган кроссворд һәм ребуслар чишелде. Балалар организм өчен кечкенә, ләкин бик тә әһәмиятле ярдәмчеләр - «витаминнар» төшенчәсе белән таныштылар.
Чөнки ул булмаса, кеше бик күп нәрсәләрдән мәхрүм. Сәламтлекне саклау, ныгыту һәркемнең кулыннан килердәй эш. Саулыгының байлык икәнен аңлаган кеше, сәламәтлеген саклау турында алдан кайгырта. Сәламәтлек бөтен кешегә дә бирелгән, ләкин аны ничек сакларга? Нинди кеше турында сәламәт яшәү рәвеше алып бара дип әйтеп була? Сәламәтлекне саклау һәм ныгыту кагыйдәләрен белеп кенә сәламәт булып буламы? Балаларның сәламәт яшәү нигезләре турындагы белемнәрен камилләштерү максатыннан 7 апрель көнне Олы Мәтәскә авылы мәдәният хезмәткәрләре башлангыч сыйныф укучылары белән ”Сәламәтлек-зур байлык” дип исемләнгән сәламәтлек сәгате үткәрделәр.
5 апрель көнне Олы Мишә авылы китапханәсендә мәдәният йорты белән берлектә «Яраткан әкиятләр битләре буенча» исемле уен-сәяхәт үткәрелде. Чарада китапханәче балаларны әкият төшенчәсе белән таныштырды, әкиятләрнең нинди төрләре булуы турында сөйләде. Китапханә — ул әкиятләр яши торган йорт, биредә балалар төрле авторларның һәм халыкларның бик күп төрле әкиятләрен таба алачагын искәртте. Балалар үзләренең яраткан әкиятләрен искә төшерделәр. Төрле әкиятләр буенча әзерләнгән конкурс сорауларына җавап бирделәр. Әкият персонажларын танып үзләренең белемнәрен күрсәттеләр. Чарада балалар әкият яратуларын һәм китап белән дус булуларын расладылар.
Сәламәтлек –ул кешегә табигать биргән иң зур байлык. Бу көн сәламәтлекнең кеше тормышындагы ролен һәм аны ничек сакларга икәнен аңлату өчен билгеләп үтелә. Әлеге көн уңаеннан Теләче җирлекара китапханәсендә “Сәламәт булу шәп” дип аталган сәламәтлек дәресе үткәрелде. Укучылар сәламәт яшәү нигезләре һәм шәхси гигиена кагыйдәләре һәм шулай ук "Сәламәт тәндә – сәламәт акыл" дип исемләнгән китап күргәзмәсе белән таныштылар.
7 апрельдә Бөтендөнья сәламәтлек көне билгеләп үтелә. Әлеге дата кешеләрне үз сәламәтлегенә игътибар итәргә өнди. Көн формаль рәвештә генә уздырылмый, ә җәмәгатьчелекне актив тормышка җәлеп итүче чаралар белән үрелеп бара.
Россия халыклары бердәмлеге елы һәм Бөтенроссия балалар һәм яшүсмерләр китабы атналыгы кысаларында Айдар авыл китапханәсендә «Дөнья халыклары әкиятләре сандыгы» дигән кычкырып уку үткәрелде. Очрашу илебезнең гаять зур һәм күпмилләтле булуы турындагы сөйләшүдән башланды. Һәр халыкның үз гореф-гадәтләре, үз мәдәнияте һәм, әлбәттә, үз әкиятләре бар, алар туган якның зирәклеген һәм матурлыгын чагылдыра. Китапханәче укучыларга әсәрләрдән өзекләр уку белән беррәттән, фикер алышуда да катнашырга тәкъдим итте.
Балалар һәм яшүсмерләр китабы атналыгы кысаларында Иске Җөри авылы модель китапханәсе китапханәчеләре «Периодика твой друг, поможет скоротать досуг» дигән библиографик уен үткәрделәр. Балалар журналның тышлыгы журналның йөзе икәнен, анда барлык кирәкле мәгълүмат барлыгын белделәр. Балалар журналлары өстәмә уку, әйләнә-тирә дөнья турында кызыклы мәгълүмат алу, фикерләү, күңел ачу һәм ял итү үсеше өчен кирәклеген ачыкладылар. Балалар журналлардагы танып белү һәм күңел ачу материалларын кызыксынып карадылар, төрле табышмакларны, кыскача сөйләмнәрне, ребусларны чиштеләр, кәгазьдә ясалган рәсемнәрне буядылар.
Районда эшләүче дәүләт техник күзәтчелек органы эшчәнлегенең төп юнәлеше булып, әлеге җирлектә булган трактор, үзйөрешле машиналар хәм аларга тагылма прицепларны куллану вакытында кешеләр сәламәтлегенә хәм аларның милкенә зыян китермәү тора. Ә авыл хуҗалыгында бу төр хезмәт әлеге тармакта кулланышта булган үзйөрешле машиналарның тиешле тәртиптә эксплуатацияләнүенә күзәтчелек итә.