ЯҢАЛЫКЛАР
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 11 декабрендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
Бу кичэ әниләр көнен билгеләп үтүнең искиткеч ысулы булды һәм барлык катнашучыларга онытылмаслык тәэсирләр бүләк итте.
28 ноябрь көнне Теләче гомуми белем бирү мәктәбенең актлар залында Нурания Гыйльметдинованың “Яшик әле, Теләче” дип исемләнгән китап тәкъдим итү кичәсе үткәрелде. Нәкъ менә бу көнне районыбызның административ берәмлек буларак кабат торгызылуына 34 ел тулды. Китапта Теләче районы яңадан торгызылганнан алып бүгенге көнгә кадәр булган үзгәрешләр сурәтләнә. Яшәешебезнең һәр өлкәсенә караган бу үзгәреш-уңышлар матур күзәтүләр аша укучыларга җиткерелә. Әлеге чарада Теләче муниципаль районы башлыгы Айрат Гыйлван улы Фәтхуллин, районыбызның хөрмәтле җитәкчеләре, укытучылары һәм укучылары катнашты. Кичә мөхтәрәм кунакларыбызның чыгышлары, якташларыбыз — Рәсим Низамов, Инсаф Бәдретдинов җырлары, Дамирә Миннебаеваның Альмир Галиуллин башкаруында шигыре белән үрелеп барды.
Халыкара Әниләр көне алдыннан Теләче балалар китапханәсе хезмәткәрләре кече яшьтәге мәктәп укучылары белән «Әниләр елмайсын» дип исемләнгән викторина үткәрделәр. Китапханәчеләр балаларны әниләр көне бәйрәменең тарихы белән таныштырдылар: әлеге бәйрәм ничек, кайчан һәм ни өчен барлыкка килгән, ул башка илләрдә билгеләп үтеләме, әниләргә нинди теләкләр теләргә һәм нәрсә бүләк итәргә була. Балалар рус һәм татар язучыларының әниләргә багышланган шигырьләрен сөйләп күрсәттеләр. «Әнинең ярдәмчеләре», «Әниеңнең һөнәрен беләсеңме?» бәйгеләрендә катнаштылар, мультфильм геройларын, аларның әниләре турында әйткән сүзләрен искә төшерделәр. Чара азагында китапханә хезмәткәрләре балаларга әниләренә ешрак ягымлы сүзләр әйтергә һәм үз-үзләрен тотышлары белән сөендереп торуларын теләделәр.
Бүген Балалар иҗат үзәгенең Олы Мишә урта мәктәбендә эшләп килүче «Нур» театр коллективы, җитәкчесе Хәмидуллина Фирүзә Зөфәр кызы, Шәүкәт Биктимеров исемендәге XIII Республика балалар театр сәнгате конкурсында катнашып, 3нче урынны яулады! Артистларыбызга алга таба да уңышлар теләп калабыз!
Теләче 3нче номерлы балалар бакчасында әниләр көне алдыннан мәктәпкә әзерлек төркеме балалары белән (тәрбиячеләре Хабирова Ф.Ф.,Минһаҗева Г.Р., Нуртдинова Р.С., Гайнутдинова Р. М), җылы атмосферасында «Әни белән акыллы уеннар» чарасы үткәрелде. Теләче урта гомуми белем бирү мәктәбе укучылары балаларыбыз өчен “Алдынгылар хәрәкәте”нең остазлары булып торалар һәм алар балаларның әниләре өчен күңелгә үтеп керә торган үз куллары белән эшләнгән бүләкләр тудырдылар һәм чарада актив катнаштылар.
Киңәшмәдә, агымдагы елның 4 кварталы дәвамында узачак мәдәни чаралар, аларга әзерлек һәм киләсе 2026 елга эш планының төп темалары каралды. Моннан тыш, мәдәният бүлеге җитәкчесе Иксанов Д.С. үзенең чыгышында террорчылык куркынычын кисәтү темасын җентекләп яктыртты һәм җәмәгать тәртибен һәм иминлекне саклау өчен барлык структураларның көчләрен берләштерүнең мөһимлеген ассызыклады. Террорчылыкка каршы комиссиянең күптән түгел узган утырышында кабул ителгән төп карарлар һәм тәкъдимнәр каралды. Мәдәни чаралар вакытында хезмәткәрләрнең экстремизм билгеләре турында хәбәрдарлык дәрәҗәсен арттыру мәсьәләләренә аерым игътибар бирелде.
Әлеге мөрәҗәгатьләрнең төп мәсьәләләре заем алучыларга өстәмә хезмәтләр тагу белән бәйле.
Агымдагы елның 19 ноябрендә Теләче муниципаль районының «Мишә» ҖЧҖендә тракторларга, үзйөрешле машиналарга һәм прицепларга техник тикшерү уздырылды. Карауга 11 берәмлек техника куелган иде.
Әлеге көн уңаеннан 15 ноябрьдә Айдар авылы китапханәсендә мәдәният йорты белән берлектә «Толерантлык - ул дуслык, хезмәт һәм хөрмәт» темасына тематик әңгәмә үткәрелде. Чараның төп максаты - тынычлык сөючәнлек тәрбияләү, башка кешеләрне кабул итү һәм аңлау, алар белән уңай мөнәсәбәтләр урнаштыру, шулай ук көч куллануга һәм агрессиягә тискәре мөнәсәбәт формалаштыру. Катнашучылар толерантлык, толерант мөнәсәбәт, теләктәшлек, шәфкатьлелек, яхшылык кебек төшенчәләр белән таныштылар. Чара барышында катнашучылар төрле фикерләр алыштылар, кешеләрнең барысы да төрле булуын, һәркемнең үзенчәлекләре һәм эчке дөньясы барлыгын ассызыкладылар. Дуслык, хөрмәт, түземлелек темаларына тукталып, алар нинди яхшы эшләр һәм гамәлләр кылырга мөмкинлеге турында уйландылар. Шулай ук, чарада катнашучыларның үзләренә һәм башкаларга, аларның мәдәниятенә хөрмәте турында сөйләшенде.