ЯҢАЛЫКЛАР
Районнын авыл жирлеклэрендэ шэхси затлардагы трактор хэм тагылма арбаларга техник карау бара.
“Балаларга Бөек Ватан сугышы турында укыйбыз” Халыкара акциясе-1941-1945 еллардагы Бөек Ватан сугышы турында балалар әдәбиятының иң яхшы үрнәкләре мисалында балаларда һәм яшүсмерләрдә укуга, гражданлык һәм патриотизм тәрбияләүгә ярдәм итү буенча зур масштаблы чара.
Акция Ватанны саклаганда һәлак булган сугышчылар турында истәлекне саклау максатыннан уза һәм 1941-1945 еллардагы Бөек Ватан сугышында Җиңүнең 79 еллыгына багышлана. Георгий тасмасы - ул дөньяны фашизмнан коткарып калучыларга - хәтер символы; фронт өчен барысын да биргән кешеләргә -рәхмәт билгесе, ветераннарга- хөрмәт һәм Бөек Җиңү өчен- горурлык символы. Безнең киемне бизи торган Георгий тасмасы аерым горурлык хисе тудыра. Бәйрәм көннәрендә күкрәкнең сул ягында Георгий тасмасын элмәк һәм бант рәвешендә бәйләү һәм горур рәвештә йөртү традициясе бар. Бу тасмаларга карап, һәркем үз Героен искә ала, чөнки Россиядә сугыш кагылмаган бер генә гаилә дә юк. Җиңүчеләр турында тарихи истәлекләрне саклап калу безнең изге бурычыбыз.
7 май көнне Бөек Җиӊүнеӊ 79 еллыгы уӊаеннан Иске Җөри авылы модель китапханәсендә «Китап хәтерендә сугыш мизгелләре» дип исемләнгән китап күргәзмәсе куелды. Күргәзмәдәге китаплар аша Бөек Ватан сугышында катнашучылар Ватан өчен, Туган ил өчен нинди батырлыклар кылганын, аларның аяусыз көрәшләрен, сугыш вакытындагы тормыш көнкүреш вакыйгаларын укучыларыбыз игътибарына тәкъдим ителә.
8 нче май көнне, Иске Җөри авыл җирлегендә Бөек Җиңүнең 79 еллыгына багышланган тантаналы митинг узды. Митингка авыл халкы һәм кунаклар, мәктәп укучылары һәм педагоглар, авыл советы, мәдәният йорты хезмәт коллективлары җыелды. Бәйрәмне сугыш чоры балаларын үзенең котлавы белән Иске Җөри авыл җирлеге башлыгы Мараков Р.Р. башлап җибәрде. Сугыш чоры баласы Галиуллин Илгиз Галиуллович сугыш вакытында күргән авырлыклар турында сөйләде. Бәйрәм укучыларның җырлары, шигырь, биюләре белән үрелеп барды. Бәйрәм тантанасы ахырында һәйкәл-обелискка чәчәкләр куелды.
8 май көнне, Югары Кибәхуҗа авыл мәдәният йортында китапханә, мәктәп, авыл җирлеге белән берлектә, Җиңүнең 79 еллыгына багышланган «Җиңү кайтавазы мәңгелек» дип исемләнгән тантаналы чара үткәрелде. Кунакларыбыз үзләренең авыр балачак хатирәләре белән уртаклаштылар, мәктәп укучылары тәкъдим иткән концерт программасы карадылар. Соңыннан обелискка веноклар салынды.
Әлеге билгене дөрес итеп беркетү һәм тагу буенча киңәшләр бирелде.
Георгий тасмасы – дөньяны фашизмнан саклап калу өчен һәлак булганнар истәлегенә дан, ветераннарга карата хөрмәт билгесе, Бөек Җиңү өчен горурлык һәм фронт өчен барлык көчләрен биргән кешеләргә рәхмәт хисләрен аңлата.
Илебез өчен Бөек бәйрәм, Җиңү көне алдыннан Баландыш авылы мәдәният хезмәткәрләре батырлар һәйкәле янында "Тыныч булсын күгебез" дигән бәйрәм чарасы оештырдылар. Чара барышында авыл җирлеге башлыгы Мөхәммәтшин Р. Ш. һәм мәктәп директоры Ю.Р. Хуҗин тантаналы чыгыш ясадылар. Тематик шигырьләр һәм җырлар яңгырады. Традиция буенча, бу сугышта һәлак булганнарның якты истәлеген бер минут тынлык белән хөрмәтләделәр һәм һәйкәлгә Ватаныбызны коткарган өчен гомерләрен биргән якташларыбыз истәлегенә дан таҗы салдылар.
Митингта тыл ветераннары, афган сугышы ветераннары, мәдәният хезмәткәрләре, Шәтке урта мәктәбе укучылары катнашты.
Тантаналы митингны авыл җирлеге башлыгы Кадыйров Ф.Г. ачып җибәрде. Ул барлык катнашучыларны да бәйрәм белән котлады. Соңыннан мәдәният йортында бәйрәм концерты булды. Китапханәдә сугыш чоры балалары һәм СВО да катнашучыларның әтиләрне белән чәй табыны артында очрашу- кичә үткәрелде.
Шәтке авыл китапханәсе Бөек Ватан сугышында Җиңүнең 79 еллыгына багышланган ел саен үткәрелә торган «Балаларга сугыш турында укыйбыз» Халыкара Акциясенә кушылды. Акциядә Шәтке урта гомуми белем бирү мәктәбенең 6 нчы сыйныф укучылары катнашты. Күргәзмә-инсталляция әзерләнде, анда Бөек Ватан сугышы вакыйгалары турында китаплар һәм балаларның кул эшләре тәкъдим ителә. Җиңү көненнән ничә ел узса да, китаплар һәм тарихи документлар безгә Бөек Ватан сугышы вакыйгаларына шаһит булган буынның батырлыкларын онытырга мөмкинлек бирмәячәк.