Муниципаль районнар Теләче муниципаль районы

ЯҢАЛЫКЛАР

октябрь, 2015 ел

сишәмбе

Мәдәният йортын һәм аның эшчәнлеге белән таныштылар.

21 октябрь көнне Төмән өлкәсе делегациясе районга эшлекле сәфәр вакытында Югары Кибәхуҗа авыл мәдәният йортында булдылар. Алар Республика Президенты программасы нигезендә төзелгән мәдәният йортын һәм аның эшчәнлеге белән таныштылар.

Укучыларыбыз түгәрәкләрдә.

Олы Мишә урта мәктәбендә спорт түгәрәкләре белән беррәтттән иҗади түгәрәкләр дә эшләп килә.Балалар иҗат үзәгенә караган ” Яшь хәбәрче”, “Гарәп теле графикасы” түгәрәкләренә укучыларыбыз теләп йөриләр.23 октябрь көнне “Гарәп теле графикасы” түгәрәгенә йөрүче башлангыч сыйныф укучылары татар телендә “Кагу” дип исемләнгән кинофильм карадылар. Әхлаклылык сыйфатларының берсе- күңел сафлыгы, үз-үзеңне начар гадәтләрдән арындыру турындагы фильм укучыларны уйланырга мәҗбур итте.

Мәгъсүм Насыйбуллинның тууына 90 ел тулу уңаеннан Теләче җирлекара китапханәсендә язучының иҗатына күзәтү уздырылды.

Язучының әсәрләрендә хокук һәм тикшерү оешмаларында эшләүче кешеләрнең авыр да, хәтәр дә хезмәт атмосферасы тасвирлана, тормышта очрый торган күптөрле җинаять, хокук бозу күренешләренең һәм социаль тамырлары һәм сәбәпләре эзләнелә, җәмгыятьтә тәртип һәм законнарны саклауда һәр кешенең җаваплы икәнлеге искәртелә.

СӨЙ ҺӘМ БЕЛ, ҮЗ ТӨБӘГЕҢНЕ.

Үзәк балалар бакчасында тәрбияче Валентина Степанованың патриотик тәрбия бирү буенча "Сөй һәм бел, үз төбәгеңне" дигән автор программасын тормышка ашыру дәвам итә. Мәктәпкәчә яшьтәге балалар туган җир тарихы , аның мөхтәрәм халкы белән таныша. Бүген зурлар һәм мәктәпкә әзерлек төркеме балалары тәрбиячеләре белән экскурсиягә бардылар.

октябрь, 2015 ел

дүшәмбе

Коррупциягә каршы корәш комиссиясенең чираттагы утырышы булып үтте.

Муниципаль район башлыгы Илдус Зарипов рәислегендә узган утырышта 5 көн тәртибе каралды.

26 нчы октябрь көнне 9.30 сәгатьтә район башлыгы И.Ф. Зарипов катнашында Теләче муниципаль район Советының бюджет һәм салым мәсьәләләре комитеты утырышы узды.

Утырышта 27 нче октябрь көнне узачак сессиянең көн тәртибенә керәчәк сораулар каралды.

26 октябрь көне Теләче муниципаль районы администрация хезмәткәрләре өчен Ак Барс банкының вәкилләре чыгыш ясады

Алар Ак Барс банкының яңа нәтиҗәләре турында презентация күрсәттеләр. Презентацияне онлайн карарга була.

октябрь, 2015 ел

җомга

Профориентация эше.

Профориентация эше мәктәптә тәрбия бирүнең төп юнәлешләреннән санала. Ул дәресләрдә, сыйныфтан тыш чараларда тормышка ашырыла. Укучыларның һөнәргә карата кызыксынуын, сәләтен, эшче һөнәрләрнең популярлыгын арттыру максатыннан ,22 октябрь көнне, Баландыш төп мәктәбендә, 7-8 сыйныф укучылары һөнәри юнәлеш буенча тест эшләделәр.

2015нче ел рәсми рәвештә “ӘДӘБИЯТ ЕЛЫ” дип игълан ителде.

Әдәбият елы уңаеннан Татарстанда бик күп чаралар үткәрелеп килә. Безнең Олы Нырсы урта мәктәбе дә читтә калмый. Шул уңайдан мәктәбебездә дә түбәндәге чаралар планга кертелде һәм уздырыла: китаплар буенча фикер алышу, яңа килгән китапларга күзәтү һәм күргәзмәләр тәкъдим итү, слайд – шоулар күрсәтү, викториналар, конкурслар, әдәби ункөнлекләр, шигырь сәгатьләре, язучылар белән очрашулар ,әдәби музыкаль кичәләр.

Тест эшләделәр.

Теләче районы Югары Кибәхуҗа урта мәктәбендә 12- 17 яшьлек укучылар арасында психологик тест үткәрелде. Укучылар 142 сорауга җавап бирделәр. Сораулар укучыларны төрле фактор буенча тикшереп, эмоциональ ныклыкларын , үз-үзләрен тотышларындагы узгәрешләрне , характер билгеләрен ачыкларга ярдәм итәчәк. Укучылар сорауларга теләп җавап бирделәр, актив катнаштылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ