Муниципаль районнар Теләче муниципаль районы

ЯҢАЛЫКЛАР

октябрь, 2015 ел

дүшәмбе

4нче октябрь көнне Район мәдәният йортында Укытучылар көненә багышланган тантана булып узды.

Бәйрәмдә Теләче муниципаль районы башлыгы урынбасары – Айрат Фатхуллин һәм мәгариф булеге җитәкчесе Карпова Наталья мөгаллимнәргә тәбрикләү сүзләрен җиткерделәр. Безнең балалар бакчасы мөдире Габдулхакова Г.В. , тәрбия һәм методик эшләре буенча мөдир урынбасары Сафина Е.В., тәрбияче Замалиева Г.Г. катнашты. Алар бу бәйрәмнән зур тәэсирләр алдылар, барлык оештыручыларга зур рәхмәтләрен җиткерәләр.

3 октябрь көнне Айдар мәдәният йортында көзге уңышка багышланган кичә- авылның традициясенә әйләнеп уздырыла торган бәйрәм " Кабак бәйрәме-2015" дип аталган конкурслы тамаша уздырылды.

Әлеге бәйрәм оешуына 5 ел-үзенә күрә кечкенә юбилей. Бәйрәм күңелле, оешкан төстә үтте. Тамашада авыл халкы һәм оешмалар, шулай ук балалар куанып катнаштылар. Төрле номинацияләр буенча көч сынаштылар. Айдар мәдәният йорты, китапханә белән берлектә " Иң зур кабак" хуҗасына , "Иң матур композиция" ясаучыга, "Иң матур рәсем" иясенә, " Иң оста җыр яки шигырь" чыгаручыларга, " Иң тәмле ризык" пешерүчегә, "Иң матур фотосүрәткә" истәлекле бүләк һәм диплом тапшырылды.

3 октябрь көнне Әбде мәдәният йортында Өлкәннәр көненә багышланган кичә уздырылды.

Мәдәният хезмәткәрләре, мәдәният үзэшчәннәр коллективы белән әзерләнгән концерт программасын өлкәннәр җылы кабул итте. Кичәдән сон өлкәннәребез чәй табыны артында сөйләшеп утырдылар.

3 октябрь көнне Югары Мәтәске авыл клубында терроризмга каршы яшьләр белән тулы эчтәлектәге әңгәмә үткәрелде.

Яшьләргә терроризмның нинди зур афәтләргә китерүе, анын нәтиҗәсендә күпме яшь гомернең өзелүен, балаларнын ятим, йорт-җирсез калулары турында клуб мөдире С.Х.Гарипова аңлатты.

1 октябрь көнне Кече Мирәтәк авыл клубында Өлкәннәр көне уңаеннан бәйрәм кичәсе уздырылды.

Төрле елларда тырышып эшләгән, ә бүгенге көндә лаеклы ялда булган өлкәннәребез кабат бәйрәмгә җыйналды. Бәйрәм табыны артында алар рәхәтләнеп сөйләштеләр.

«Без киләчәк балалары»

Иске Җөри мәдәният йортында берләшмәләргә йөрүче балалар белән берлектә, сәламәт яшәү рәвешен пропагандалау йөзеннән «Без киләчәк балалары» дип исемләнгән, спорт уеннарыннан торган чара үткәрелде. Бу чарада теннис уеннары, сәламәтлекне ныгыту өчен төрле спорт күнегүләре, шашка,шахмат уеннары уйналды. Чара ахырында мәктәпкәчә яшьләр өчен дискотека үткәрелде.

1 октябрь Өлкәннәр көне уңаеннан без Олы Тиләҗе авылы мәдәният хезмәткәре һәм авыл җирлеге башлыгы белән берлектә Өлкәннәребезне өйләренә барып котладык.

Аларның хәлләрен белештек. Аларга пакетлар тапшырдык. Авылыбызның өлкән кешеләре бик канәгать булып рәхмәт әйтеп калдылар.

Җир йөзенең бөтен матурлыгын килә Сезгә бүләк итәсе"

Шәтке авылы мәдәният хезмәткәрләре авылы җирлеге белән берлектә 2 октябрь көнне өлкәннәрне хөрмәтләп "Җир йөзенең бөтен матурлыгын килә Сезгә бүләк итәсе" дип исемләнгән бәйрәм кичәсе үткәрделәр. Бәйрәмне котлау сүзе белән авылы җирлеге башлыгы Ф.Г. Кадыйров ачып җибәрде. Өлкәннәребез башта матур эчтәлекле концерт карадылар. Бәйрәм фоейда чәй табыны артында тәмамланды.

Без Өлкәннәрне онытмаска, аларны хөрмәтләргә тиешбез. 1 октябрь көнне Шармыш авылы клубында өлкәннәр очрашуы уздырылды.

Табын артында җырлашып, элеккеге вакытларны искә алып утырдылар Өлкәннәребез бу көнне. Аларга авыл җирлеге ярдәме белән алынган күчтәнәч пакетлар таратылды. Ә бәйрәмгә килә алмаган әби-бабаларыбызга бүләкләр өйләренә барып тапшырылды.

5 октябрь- укытучылар көне.

Ямбулат башлангыч мәктәбендә Энҗе Насыйрова 22 ел белем бирә. Ямбулат авылы клубы мөдире Халиуллина Гөлфия авылдагы мәктәпкә әзерлек төркеме балаларын җыеп, укытучыларын бәйрәм белән котлауны оештырды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ