Муниципаль районнар Теләче муниципаль районы

ЯҢАЛЫКЛАР

сентябрь, 2015 ел

пәнҗешәмбе

Ел саен үткәрелүче көзге кросста быел бездә 3нче балалар бакчасыннан 97 бала катнашты.

Көне искиткеч матур иде. Балалар бакчасы балалар белән гөр килеп торды. Катнашучыларга килсәк, зурлар һәм мәктәпкәчә төркем балалары түземлек белән стартбирелүен көтте, ә инде уртанчылар төркем балалры янатарлар булдылар. Нәтиҗәләр ниндирәк соң?

Районда туфракны эшкэрту хэм бэрэнге жыю дэвам итэ.

Район буенча туфракны эшкэрту 17,8 мен га мэйданда башкарылган, шул исэптэн тирэнтен эшкэрту – 5,6 мен га, оске катламын - 12,2 мен га, бу барлык мэйданнын 74% ын тэшкил итэ. Туфракны топ эшкэртудэ кон саен 30-35 агрегат катнаша.Уртача бер конгэ 450 га якын мэйдан жир эшкэртелэ.

ГИБДД инспекторы белән очрашу.

Юл-траспорт фаҗигасе безнең көннәрдә бик ешайды. Күп очракта моның сәбәпчесе балалар булырга мөмкин. Юл кагыйдәләрен тиешенчә белмәү, игътибарсызлык- моның нәтиҗәсе. Шуларны кисәтү максатыннан 16 сентябрь көнне безнең мәктәптә 1-6 класс укучылары арасында ГИБДД инспекторы белән очрашу оештырылды.

15 сентябрь көнне Шәтке авылы китапханәсендә драматург Таҗи Гыйззәтнең тууына 120 ел тулу уңаеннан "Талир тәңкә чыңнары" дип аталган китап күргәзмәсе ясалды.

Күргәзмәгә драматургның аеруча популяр булган пьесалары куелды. Т. Гыйззәт зур һәм күпкырлы иҗади миас калдырган язучы. Ул кырыкка якын драма әсәрләре, йөзләгән публицистик мәкаләләр,рецензияләр, җырлар авторы.

"Күпкырлы талант иясе".

16 сентябрь көнне Югары Кибәхуҗа авылы китапханәсендә танылган прозаик, драматург, публицист һәм күренекле җәмәгать эшлеклесе Г.Ахуновның
тууына 90 ел тулу уңаеннан "Күпкырлы талант иясе" дип исемләнгән күргәзмә оештырылды. Язучының күргәзмәгә куелган әсәрләре китап укучыларда кызыксыну уятты.

15 нче сентябрьдә инглиз язучысы Агата Кристига 125 яшь тулды.

Бу язучы иң күренекле детектив авторы булып санала. Аның детектив прозасын иң күп басылучы һәм укылучылар исәбенә кертергә була. Ул 60 тан артык детектив роман язган.
Агата Кристиның туган көне уңаеннан Олы Мишә авыл китапханәсендә “Иң уңышлы детектив авторы” дип исемләнгән китап күргәзмәсе оештырылды.

16 нчы сентябрь көнне Үзәк урта мәктәбенең беренче сыйныф укучылары сыйныф житәкчесе Фахрутдинова М.С. белән бергә авыл китапханәсендә кунакта булдылар.

Балалар белән "Безнен китаплы йортыбыз" темасына әңгәмә корылды. Китапханәче Халикова М.Г. балаларны китапханә һәм китапларны саклау кагыйдәләре белән таныштырды. Алар өчен “Минем яраткан китапларым”
китап күргәзмәсе оештырылган иде. Балалар китапларны зур кызыксыну белән карадылар һәм китапханәгә укучы булып язылдылар.

Олы Нырсы урта мәктәбе укучылары “Без халыклар дуслыгы өчен! Без көч куллануга каршы!” исеме астында уздырылучы республика конкурсының район этабына әзерлекне башладылар.

Конкурсның район этабы 1енче сентябрьдән 30ынчы сентябрьгә кадәр уздырыла. Аның максатлары һәм бурычлары булып, Татарстан республикасында халык ара бердәмлекне ныгыту, толерантлык һәм социаль нормаларны аңлау, балаларда һәм яшүсмерләрдә терроризмга һәм экстримизмга каршы булган дөньяви күзаллауны формалаштыру, Татарстан республикасында яшәүче балалар һәм яшүсмерләрдә халыклар тарихына карата кызыксыну уяту.

“Терроризмга-юк!”

16 сентябрь көнне Урта Мишә авыл клубы, китапханә белән берлектә “Терроризмга-юк!”исеме астында укучылар белән әңгәмә уздырдылар. Чарада терроризм,экстремизмның ни икәнлеге аңлатылды.Укучыларга дуслык,тынычлык турында шигырьләр укылды.

Куркынычсызлык айлыгы кысаларында Теләче №2 балалар бакчасы тәрбиячеләре зурлар һәм мәктәпкә әзерлек төркемнә йөрүче балаларны район электр челтәренә экскурсиягә алып бардылар.

Андагы эшчеләр балаларны ачык йөз белән каршы алдылар, үзләренең профессияләренең үзенчәлекле яклары белән таныштырдылар, электр җиһазларын кулланган вакытта үтәлергә тиешле төп кагыйдәләрне тагын бер кат искәртеп үттеләр. Экскурсия бик кызыклы үтте, балалар күп мәгълүмат алдылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ