ЯҢАЛЫКЛАР

“Экстремизмга - юк” айлыгы кысаларында  12 сентябрь көнне Урта Мишә авыл китапханәсендә “Сак бул, экстремизм!” темасына күргәзмә куелып, китап укучылар белән әңгәмә оештырылды. Барыбызның да теләгебез бер: халыклар дус яшәсен, дөньялар тыныч булсын.

 Безнең нинди һаваны сулавыбыз урманнарның күләме һәм  нинди халәттә  булуыннан тора. Аннан башка урман безне туендыручы   да, киендерүче дә, җылытучы һәм дәвалаучы да. Шуңа күрә кемнең хезмәте урман хуҗалыгы белән бәйле , аларны без  киләчәкне саклаучылар дип атый алабыз.

    15-17 нче сентябрь көннәрендә безнең илебездә иң зур масштаблы экологик бәйрәмнәрнең берсе – Россия урман көне билгеләп үтелә. Бу вакытка гадәт буенча массакүләм урман утыртулар, табигатьне саклау  акцияләре оештырыла.

Шармыш авылыннан Пашагин Роман (7 яшь) һәм Маланина Альбина (11 яшь) авылның библиотекаре Терентьева И.В. җитәкчелегендә “Минем Пушкиным” исемле бөтенроссия күләмендә узучы балалар рәсемнәре конкурсында катнаштылар. Алар язучыга һәм аның иҗатына булган хисләрен кәгазь битенә төшерделәр. Балаларның иҗат эшләре бөтенроссия конкурсы комиссиясе каравына җибәрелде.

Кешенең киләчәге – үз кулында. Бу көнне Олы Нырсы авылы җирлегендә яшәүчеләр Республикабызның, районыбызның, үзләренең hәм якыннарының язмышына битараф калмадылар. Олы Нырсы җирлегендә сайлаулар бик актив үтте. 

Җәй буе Максабаш башлангыч мәктәбе коллективы мәктәп яны тәҗрибә участогында тырышып эшләде. Безнең хезмәтебез нәтиҗәсендә мәктәбебез, тирә-якка ямь биреп, аллы-гөлле чәчәкләргә күмелеп утыра. Без шулай ук яшелчәләр үстерүгә дә зур игътибар бирәбез. Бигрәктә кишер һәм чөгендердән мул уңыш җыеп алабыз. Чөнки алар составында кеше организмы өчен кирәкле витаминнар күп.