ЯҢАЛЫКЛАР

3
март, 2015 ел
сишәмбе
Бөек Җиңүнең 70 еллыгына багышланган «Идел йорт Төбәкара театарлары» фестивалендә катнашу өчен «Сердәш» халык театры Аяз Гыйләҗевның «Яра» повесте буенча Мансур Гыйләҗев тарафыннан сәхнәләштерелгән драма өстендә эшчәнлеген дәвам итә.


 

  
27 нче февраль көнне Түбән Саурыш авылында яшәүче Шаһи кызы Корбанбикә Фатхуллинага 90 яшь тулды.

Шул уңайдан аны истәлекле бәйрәме белән Олы Мишә авылы җирлеге башлыгы Габделнур Аглямзянович тәбрик итте. Килгән кунак Корбанбикә Шагеевнага иң җылы теләкләрен җиткереп, Россия  Президенты Владимир Путинның һәм Теләче муниципаль район башлыгының тәбрикләмәсен тапшырды. Моннан тыш, юбилярга чәчәк һәм истәлекле бүләк тә бирелде.

 

 
1 март көнне Югары Мәтәске авыл клубында «Спорт ул – сәламәтлек» дигән исем астында спорт ярышлары узды.
Ярышта бик теләп һәм актив булып авыл яшьләре катнашты. Кул көрәше, шашка, шахмат турнирлары уздырылды.  
Үзәк мәдәният йорты директоры сугыш ветераны Малов Василий белән гел очрашып тора.
1 март көнне дә ул  аны «Язның беренче көне» белән тәбрик итте.
Теләче урта мәктәбенең 10 а сыйныфы укучысы Андрей Ершов 18 яшькәчә егетләр һәм кызлар арасында кул көрәше буенча Россия беренчелегендә катнашты.
Андрей 50 кг кадәр авырлыктагы егетләр арасында беренчелекне яулады һәм Чемпион исеменә лаек булды. Андрей киләчәктә Болгариянең София шәһәрендә узачак Европа беренчелегендә Россия данын яклаячак. Аннан соң Малайзия башкаласында узачак дөнья беренчелегендә катнашачак. Андрейны зур җиңүе белән котлыйбыз һәм уңышлар телибез!
Бөек Җиңүнең 70 еллыгы якынлашу уңаеннан 2 март көнне Әбде урта мәктәбендә ветераннарга медаль тапшыру тантанасы үткәрелде.
Укучылар ветераннарга авыл мәдәният йорты белән берлектә әзерләгән концерт тамашасын күрсәттеләр.Концертны оештыручыларга һәм катнашучыларга рәхмәт сүзләрен Бөек Ватан сугышы ветераны Никитин П.П.җиткерде.
Балалар иҗат үзәгенең «Мастерица» түгәрәгенә йөрүче укучылар, өстәмә белем бирү педагогы Загидуллина Р.Т. җитәкчелегендә, Афганистаннан гаскәрләр чыгарылуга 26 ел булуына багышланган тематик выставка оештырылды
 Выставка үзебезнең якташыбыз Афган җирләрендә ятып калган, Миннегали Ногманов истәлегенә багышланды.
Математика, химия , физика укытучылары өчен утырыш үткәрелде.
3 март көнне  Олы Мишә урта мәктәбендә төгәл фәннәр методик берләшмә җитәкчесе - Муллахметова Әлфирә Рәшитовна җитәкчелегендә математика, химия , физика укытучылары өчен  утырыш үткәрелде. 
Тыл ветераннарының хәлләрен белешеп йөрделәр.
Субаш авылы мәдәният хезмәткәрләре  клуб мөдире  Татьяна Романова һәм китапханәче Лидия Петрова  2 март көнне  авылда яшәүче тыл ветераннарының өйләренә йөреп, хәлләрен белешеп йөрделәр. Бүгенге вакытлы матбугат белән таныштырдылар. 
“Ел укытучысы-2015”.
Бүген  Алан авылы клубында “Ел укытучысы-2015” конкурсының муниципаль этабы финалы үтте. Анда Югары Кибәхуҗа урта мәктәбеннән  математика укытучысы  Замалутдинова Айгөл Рауфовна катнашты
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International