ЯҢАЛЫКЛАР
Бу бәйрәм җәмгыятьнең өлкән буынына хөрмәт күрсәтү өчен оештырыла. Бүгенге өлкәннәр – илне үсешнең алдынгы чигенә күтәргән кешеләр. Өлкәннәр – безнең әти-әниләр, әби-бабаларыбыз, хезмәт юлын лаеклы үткән ветераннарыбыз. Алар күп авырлыклар кичергән һәм без, яшь буын, аларны хөрмәт итәргә тиеш. 30 сентябрьдә Олы Мәтәскә авылында өлкәннәрне хөрмәтләү йөзеннән «Олы җанлы, батыр өлкәннәр» дип исемләнгән әдәби-музыкаль кичә үткәрелде. Кичә чәй өстәле артында котлаулар, концерт номерлары белән үрелеп барды. Бәйрәмдә җылы атмосфера хөкем сөрде, өлкәннәрнең тормыш юлына, тәҗрибәсенә рәхмәт сүзләре белдерелде. Бу чара өлкән буынга булган хөрмәтне һәм игътибарны арттыруга ярдәм итте.
Сентябрь аенда туган татар язучыларының әдәби мирасын анализлау һәм популярлаштыру максатыннан Олы Мәтәскә авылы китапханәчесе «Сентябрь аенда туган юбиляр-язучыларыбыз» дип исемләнгән тематик күргәзмә оештырды. Чарада «Җәүһәр» иҗат коллективы катнашты. Катнашучылар Таҗи Гыйззәт, Кәрим Тинчурин, Гариф Ахунов, Мәхмүт Галәү һәм Абдулла Алиш кебек танылган татар язучыларының әсәрләре белән таныштылар. Күргәзмәдә тәкъдим ителгән китаплар авыл китапханәсеннән теләгән һәркем укырга ала. Бу чара татар әдәбиятының байлыгын һәм аның мәдәнияткә кертелгән өлешен популярлаштыруга ярдәм итә.
Чара Донбасс һәм Новороссиянең Россиягә кушылу көненә багышланган иде. Чара барышында балалар белән бергә тарихка экскурсия ясалды, яңа регионнарның Россия Федерациясе составына керүе белән бәйле вакыйгалар турында фикер алышынды. Шулай ук игътибар берничә ел элек булган һәм тарихи гаделлекне торгызган референдумнарның әһәмиятенә дә юнәлтелде. Донецк һәм Луганск халык республикалары, Запорожье һәм Херсон өлкәләрендә яшәүчеләр ясаган сайлау яңа тарихи чор башлану символы булды. Патриотик сәгать үз илең һәм аның тарихы өчен горурлык хисе формалашуга ярдәм итте. Бу көн бөтен Россия халкы өчен дөреслек, гаделлек һәм берләшү көне буларак мәңгегә калачак. Донбасс кешеләрнең күңелләрендә һәрвакыт безнең илнең аерылгысыз өлеше булып калды һәм кала бирә.
1 нче октябрь - Өлкәннәр көне. Шул уңайдан авылыбыз мәдәният йортында “Сокланырлык сезнең гомерләр” дип исемләнгән бәйрәм чарасы үткәрелде. Әлеге чарада Баландыш төп мәктәбе укучылары актив катнашты. Бәйрәм чәй табыны артында җыр-моңга үрелеп барды. Өлкән кешеләр – безнең әти-әниләребез, әби-бабайларыбыз, хезмәт юлын лаеклы узган ветераннарыбыз. Алар бик күп авырлыклар күргән, дөньяның ачысын-төчесен татыган кешеләр. Без – яшь буын һәрберсен хөрмәт итәргә тиешбез.
27 сентябрь көнне Урта Мишә авылы китапханәчесе клуб белән берлектә «Көзге табигать» темасына рәсем конкурсы үткәрделәр. Һәр фасылның үз матурлыгы бар, көз ае — алтын чорларның берсе, ул тирә-юньне якты, матур итеп сүрәтли. Балалар рәсем конкурсында бик яратып катнаштылар, һәр катнашучы үз иҗаты аша көзнең матурлыгын чагылдырды. Рәсемнәрдә алтын яфраклар, уңышлы җимешләр, көзге пейзажлар һәм табигатьнең башка матурлыклары урын алды. Конкурс балалар өчен иҗади сәләтләрен күрсәтү һәм табигатькә булган мәхәббәтен арттыру өчен зур мөмкинлек булды. Барлык катнашучылар үзләренең эшләре белән горурланып, яңа тәҗрибә һәм уңай эмоцияләр алдылар. Бу чара балаларның иҗади үсешенә һәм табигатькә карата кызыксынуларын арттырырга ярдәм итте.
25 сентябрь көнне Баландыш авылы китапханәсендә «Әдәби кунакханә» дип исемләнгән чара уздырылды. Кичәгә “Сердәш” берләшмәсенә йөрүче ханымнар чакырылды. “Әдәби кунакханә”нең төп кунагы, авылдашыбыз, җирле шагыйрәбез Суфия апа Хасаншина иде. Чара барышында Суфия апаның тормыш юлы һәм иҗаты белән таныштырылды. Ул үзенең шигырьләрен укыды, барлык катнашучылар да аның иҗатын яратып тыңладылар. Кичә җылы атмосферада үтте, һәркемгә бу әдәби чара ошады. Ахырдан катнашучылар Суфия апаның иҗаты турында фикер алыштылар һәм мондый очрашуларның дәвам итүен теләделәр, чөнки алар әдәбиятка һәм иҗатка кызыксынуны арттыра, авылда мәдәни тормышны баетуга ярдәм итә.
Казаклар авылы китапханәсе клуб белән берлектә «Ярдәм янәшә» дип исемләнгән токмач әзерләү һәм матди ярдәм җыю кичәсе оештырды. Бу чара махсус хәрби операция зонасында булган егетләргә ярдәм итүгә юнәлдерелгән иде. Клуб фойесына авылның апалары һәм киленнәре җыелып, 90 йомырка кулланып токмач әзерләделәр. Чара барышында хатын-кызлар бергәләп эшләп, бердәмлек һәм теләктәшлек рухын ныгыттылар. Токмачлар әзерләнгәннән соң, җыелган материаль ярдәм һәм азык-төлек хәрби хезмәттәге егетләргә җибәреләчәк. Әлеге чара авыл халкының ватанпәрвәрлек хисен, махсус хәрби операция зонасында булган авылдашларга хөрмәтен арттырды, ярдәмчеллеген күрсәтте.
Күркәм гадәт буенча октябрь башында Теләче 3 нче номерлы балалар бакчасы коллективы хезмәт ветераннарын Халыкара өлкәннәр көне белән котладылар. Өлкәннәр көне-олы яшьтәге кешеләрнең игътибарын җәлеп итә торган бәйрәм ул.
25 сентябрь көнне Әбде авылы китапханәсендә мәктәп белән берлектә «Коррупцияне бергәләп туктатыйк» дип исемләнгән мәгълүмат сәгате үткәрелде. Чара барышында катнашучылар коррупция сүзенең мәгънәсен, эчтәлеген һәм чагылышын, аның белән ничек көрәшергә кирәклеген белделәр. Чарада катнашучылар “Ришвәт нәрсә ул?” һәм “Ришвәт бүләктән нәрсә белән аерыла?” дигән сораулар буенча фикер алыштылар.
Мобилизация игълан ителгәннән соң, күпләр өчен аеруча зур мәгънәгә ия бу әйтем. Маскировкалы сеткаларның сугыш зонасындагы иң мөһим әйберләрнең берсе булуын истә тотып, Теләче 3 нче номерлы балалар бакчасы коллективы маскировка сеткасын үрү эшендә актив катнаштылар. Егетләребез исән-имин әйләнеп кайтсын, илебездә тынычлык, иминлек урнашсын, дип бергәләп теләкләр теләп эшләделәр. Юкка гына халкыбыз күп көч һәм вакыт таләп итә торган эшләрне күмәкләшеп, өмә ясап башкармаган. Иң мөһиме – ир-егетләр безнең ярдәмне тойсыннар, исән-имин әйләнеп кайтсыннар дигән теләктә калабыз.