ЯҢАЛЫКЛАР
«Сизә алам» Бөтенроссия проекты яшүсмерләрнең эчке хисләрен ачарга ярдәм итә. Проект 10 яшьтән 18 яшькә кадәрге яшүсмерләр өчен каралган һәм аларның эмоциональ интеллектын үстерүгә юнәлдерелгән. Фильм, картина яки китап турында фикер алышу аларга үз хис-кичерешләрен аңларга, эчке дөньяны аңларга мөмкинлек бирә.
Язучы - әкиятче, сценарист һәм драматург Г.М. Цыферовның тууына 95 ел уңаеннан Теләче балалар китапханәсендә кече яшьтәге балалар өчен «Геннадий Цыферовның иң яхшы әкиятләре» дип исемләнгән китап күргәзмәсе төзелде. Цыферовның әкиятләр китабы беренче тапкыр 1957 елда «Малыш» нәшриятында дөнья күрә. Язучының тәрбияви эчтәлекле әсәрләре балачактан ук һәркемгә таныш. Китапханәче балаларны «Про цыплёнка, солнце и медвежонка», «Лягушонок ищет папу», «Паровозик из Ромашково», «История про поросёнка», «Жил на свете слонёнок» һ.б. кебек һәрвакыт бер-берсенә ярдәмгә килергә әзер булган китап геройлары белән таныштырды.
Мәдәният - ул халыкның асылы, аның күңел көзгесе, гүзәллеге, горурлыгы. Бүген сәнгать дөньясы мәдәният әһелләреннән җәмгыятьнең милли үзаңын үстерү, кешелеклелек, мәрхәмәтлелек, туган җиребезгә карата мәхәббәт, горурлык хисләре уяту кебек кыйммәтле төшенчәләрне алга куеп, матурлык дөньясына ныклы, ышанычлы адымнар белән атлауны сорый. Әлеге дата уңаеннан, Урта Мишә авылы мәдәният хезмәткәрләре «Сезнең хезмәт – үзе батырлык» дип исемләнгән темага түгәрәк өстәл артында әңгәмә үткәрделәр. Әңгәмә ахырында катнашучылар: «Халыкта, җәмгыятьтә, сәясәттә бердәмлек хисләрен уятуда мәдәниятнең роле бихисап зур», - дигән нәтиҗәгә килделәр.
Аны комбинацияләрне белгән һәм аңлаган кешеләр генә уйный ала. Россия - шахмат уены киң таралган һәм бик күп көчле шахматчылар тәрбияләгән ил. Шуны исәптә тотып, Күкчә авылы клубында, авыл китапханәсе белән берлектә яшүсмерләр белән «Играем в шахматы» дип исемләнгән уен үткәрелде. Һәр партия уникаль һәм уенның нәтиҗәсе көндәшләрнең осталыгына бәйле иде. Балалар уенга җитди караулары, үз адымнарын алдан күрә белүләре белән сөендерделәр. Уен ахырында җиңүчеләр билгеләнде һәм истәлекле бүләкләр тапшырылды.
Татнетны үстерү фонды катнашында, мәктәпкәчә муниципаль бюджет белем бирү учрежденияләр арасында «Күңелем сәйләннәре» III төбәкара онлайн шигырь укучылар бәйгесенең нәтиҗәләре билгеле булды. Шулар арасында безнең Теләче 3нче номерлы балалар бакчасына йөрүче Галимова Индира – 1 дәрәҗәле диплом Һәм Ханиповлар гаиләсе - 1 дәрәҗәле дипломга лаек булдылар и (балаларны әзерләде Минһаҗева Г.Р., Шакирова Г.И.). Җиңүчеләрне котлыйбыз һәм киләчәктә дә зур иҗади уңышлар телибез!
Балалар белгечлекләр, керү шартлары, алга таба эшкә урнашу мөмкинлекләре, уку йортында үткәрелә торган чаралар турында мәгълүмат алдылар. Алар көллият җитәкчелеге, педагоглары һәм укучылары белән аралаштылар.
Теләче районы мәктәпләренең 9 сыйныфын тәмамлаучыларның күбесе урта һөнәри белем алу өчен Саба аграр көллиятенә теләп керә
Укучыларның «Академик Тәлгать Касимович Сираҗетдинов исемендәге укулары» III ачык фәнни-гамәли конференциясе тәмамланды. Академикның улы Рифкать Тәлгатович тантаналы ачылышта чыгыш ясап, мәктәп һәм югары уку йорты хезмәттәшлегенең инженер-техник белгечлекләр әзерләү мәсьәләсен хәл итүдә әһәмиятен ассызыклады. Ул билгеләп үткәнчә, "бүген актив яшьләргә үз потенциалларын үстерүгә, үз-үзләрен камилләштерүгә, яңа биеклекләргә ирешүгә омтылуда ярдәм итү аеруча мөһим, чөнки нәкъ менә яшьләр яңа Россия төзергә тиеш".
Онлайн режимда безнең районның 5 мәктәпкәчә яшьтәге баласы үзләренең белемнәрен һәм осталыкларын 5 һөнәр буенча тәкъдим итте: эколог, флорист, сити-фермер, чәчтараш, ресторан сервисы. Әлеге чемпионатны уздыру өчен мәйданчыклар булып Теләченең 1 нче һәм Теләченең 3 нче балалар бакчалары билгеләнде. Техник экспертлар булып мәктәпкәчә учреждениеләр педагоглары билгеләнде. Аларга яшь осталар тарафыннан биремнәрне үтәүне, видеога төшерүне оештыру буенча зур җаваплылык йөкләнде. Әлеге чараны уздырган өчен мәйданчыкларны оештыручыларга, остазларга, техник экспертларга, ата-аналарга һәм катнашучыларга зур рәхмәтебезне белдерәбез.
2025 елның 25 мартында «Батыр» спорткомплексында Ватанны саклаучылар елына һәм Бөек Ватан сугышында Җиңүнең 80 еллыгына багышланган 1-2 һәм 3-5 сыйныф малайлары арасында мини – футбол буенча Теләче районы Беренчелеге узды.
Балалар әкиятләр тыңларга яраталар, ә инде хәреф таный башлагач үзләре рәхәтләнеп укыйлар. Бигрәк тә матур иллюстрацияле китапларны үз итәләр, ә аларны чынга ашыручыларны «рәссамнар» дип йөртәләр. 25 март көнне кече яшьтәге мәктәп укучылары өчен Теләче балалар китапханәсе хезмәткәрләре «Әкияткә иллюстрация» дигән мастер – класс үткәрделәр. Теләге булган һәркем үзен рәссам – иллюстратор ролендә сынап карый алды. Мастер - класста балалар әкиятнең аерым фрагментларыннан битләр туплап үз куллары белән китапчык ясадылар. Нәтиҗәдә мөстәкыйль рәвештә буярга мөмкин булган буягыч - китап килеп чыкты.