ЯҢАЛЫКЛАР

25 мартта Балалар иҗат үзәге ел саен үткәрелә торган «Теләче йолдызчыгы» диеп исемләнгән конкурс-фестиваленең мәктәпкәчә белем бирү учрежденияләренә йөрүче  балалар арасында сайлап алу туры уздырды. Сайлап алу турында 7 төрле номинациядә   барлыгы 170 тән артык бала  катнашты.

Чара балалар китабы атналыгы ачылуга багышланган иде. Балалар китап хәзинәләре утравына сәяхәт иттеләр, ә аны әйләнеп узу өчен берничә тукталыш ясарга кирәк булды. «Белмәмеш»нең беренче тукталышында «Бу кем?» уены герое образын тасвирласалар, «Кечкенә китап сөючеләр» дә табышмакларга җавап бирергә һәм табылган сүзләрнең беренче хәрефләреннән яңа сүз төзергә кирәк иде. Ә «Алтын эзләүчеләр» привалында язучының фамилиясе буенча, ул язган әсәрнең исемен белергә, «Әкият белгечләре» дип аталган соңгы тукталышта «Вакыйгалар буенча әкиятне тап» викторинасы сорауларына җавап бирергә туры килде. Уен бик күңелле һәм кызыклы үтте.

Яшь укучылар Җир планетасының экологик проблемалары белән таныштылар, киләчәк буынга табигатьнең матурлыгын саклап калу өчен сакчыл караш кирәклеге турында белделәр. Шулай ук, «Мин табигать дусты булам!» дигән экологик уен уздырылды, анда катнашучылар «Үсемлек», «Бу кызыклы хайваннар», «Экология», «Минем туган ягым» конкурсларында үз белемнәрен сынап карадылар. «Табигать белән дус бул» китап күргәзмәсендә балалар планетабызның үсемлекләр һәм хайваннар дөньясының төрлелеге, суның гаҗәеп үзлекләре һәм кеше тормышында аның әһәмияте, хайваннар һәм үсемлекләрнең сирәк һәм юкка чыккан төрләре турындагы әдәбият белән таныштылар.

Бу бәйрәм шигъри сүзнең матурлыгын һәм аның һәр кеше тормышында әһәмиятен искә төшерә. Шигърият - кеше иҗат иткән иң бөек сәнгатьләрнең берсе. Шул уңайдан, 22 март көнне Айдар авылы китапханәсендә «Пушкин картасы» проекты кысаларында «Шигъри ассорти» дип исемләнгән квизбук үткәрелде. Квиз һәр катнашучыга үз белемнәрен, сәләтләрен күрсәтергә мөмкинлек бирде.

Бу вакыйга авылның барлык халкын, яшьләренә һәм социаль хәлләренә карамастан берләштерә. Нәүрүз бәйрәмен 21 мартта — язгы көн белән төн тигезләшкән көнне билгеләп үтәләр. Яңа көн башлануын символлаштырган бу традициянең күп гасырлык тарихы бар. Әлеге бәйрәм уңаеннан авыл китапханәсендә «Нәүрүз – яз бәйрәме» дип исемләнгән этнографик дәрес үткәрелде. Дәрестә китапханәче балаларга бу бәйрәмгә нинди милли ризык әзерләнүе турында, аның табигатьнең яңаруын, уянуын, яхшылыкның явызлыкны җиңүен символлаштыруы турында сөйләде. Бу чара балаларның бәйрәм турында күзаллауларын формалаштырды һәм милли гореф-гадәтләр турындагы белемнәрен тирәнәйтте.

21 март көнне безнең тәрбияләнүчеләр Биектау районының Бөреле авылы мәдәният йортында «Созвездие - Йолдызлык - 2025» эстрада сәнгате республика яшьләр фестиваленең районкүләм сайлап алу турында катнаштылар. Теләче 3нче номерлы балалар бакчасының Мингазова Г.Р.- музыка җитәкчесе, тәрбияче Хуҗина Р.Г. җитәкчелегендә безнең тәрбияләнүчеләр Шамарданов Бахтияр һәм Хафизова Алисә- конферанста чыгыш ясадылар.

Нәүрүз – татар халкының иң матур йола бәйрәмнәреннән берсе, ул 21 мартта көн белән төн тигезләшкән көнгә туры килә. Бу бәйрәм, язны каршылап, язгы чәчү эшләре алдыннан үткәрелә торган халык бәйрәме булып санала. Ул – дуслык, киң күңеллелек, кунакчыллыкны үз эченә ала. Нәүрүз – фарсыча “яңа көн” дигәнне аңлата, икенче төрле язгы Яңа ел, дип тә әйтәләр. Бу көнне кешеләр кунак чакыралар, бер-берсенә булган үпкә-ачуларын оныталар, җырлыйлар һәм бииләр, рәхәтләнеп күңел ачалар, уеннар уйныйлар. Бәйрәм хуҗасы – Нәүрүзбикә.

Биектау муниципаль районында мәктәпкәчә белем бирү учреждениеләр арасында үткәрелүче «Ин милли тәрбияче -2025» Республикакүләм бәйгедә жинүче тәрбиячеләребезне Минһаҗева Г.Р. (2 урын), Шакирова Г.И.(3 урын) котлыйбыз!

Чара Бөтендөнья шигърият көненә багышланган иде. Балалар яраткан шагыйрьләренең шигырьләрен искә төшерделәр, шигырьләрен кычкырып укыдылар, туган як шагыйрьләре белән таныштылар. Шулай ук, конкурслар барышында алар әсәрләрне беренче юлларыннан ук танып, кыскача биография буенча шагыйрьләрне атадылар. Бигрәк тә «Шигырьне дәвам ит» һәм «Таны» конкурслары истә калды, алар анда үзләрен чын шагыйрьләр итеп хис итә алдылар.

Әлеге көн уңаеннан, Шәтке авылы китапханәсендә мәдәният хезмәткәрләре балалар өчен «Су көне» дигән танып-белү сәгате үткәрделәр. Балалар кеше сәламәтлеге өчен су ресурсларының гаять мөһим булуын, алардан рациональ файдалану һәм су ресурсларын саклау кирәклеген белделәр. Шулай ук, балалар төрле халәттәге су турындагы табышмакларны чиштеләр, мәкальләр төзеделәр. Чара ахырында балалар суга сакчыл һәм экономияле карарга кирәк дигән нәтиҗәгә килделәр.