ЯҢАЛЫКЛАР

Бәйге онлайн форматта узды, Татарстан Республикасының 22 шәһәре һәм районыннан: Казан, Арча, Түбән Кама, Яр Чаллы, Минзәлә, Әлмәт, Бөгелмә, Буа, Алабуга, Кукмара, Нурлат, Апас, Азнакай, Теләче, Тукай, Чирмешән, Актаныш, Биектау, Мөслим, Мамадыш, Саба һәм Балтач районнары.

«Сизә алам» проекты яшүсмерләр арасында эмоциональ грамоталылыкны үстерүгә юнәлдерелгән. Катнашучы оешмалар яшүсмерләрне фильм карау яки китап уку өчен үз мәйданчыкларына җыялар, ә аннары алар тудырган хис-кичерешләр турында фикер алышалар. Чара сәнгатьне һәм психологияне берләштерергә, үзеңне танып белергә мөмкинлек бирә. Китапханәдә «Сизә алам» Бөтенроссия проекты сугыш турындагы китапларны уку һәм фикер алышу, патриотик материал карау белән үрелеп барды. Чара барышында яшүсмерләр геройлар кичергән хисләрне тирәнрәк аңлый алдылар һәм аларны анализларга өйрәнделәр. «Геройларга мәңгелек хәтер» ролигын карау беркемне дә битараф калдырмады.

Татар халкының гореф - гадәтләрен торгызу, татар халык уеннарын һәм җырларын өйрәтү максатыннан Казаклар авылы китапханәсендә «Пушкин картасы» проекты кысаларында «Кич утыру» фольклор кичәсе үткәрелде. Чара барышында китапханәче татар халкының гореф - гадәтләре, 50 ел элек бабаларыбызның кышкы озын кичәләр оештырулары, ни өчен мондый кичәләрнең «Кич утыру» дип аталуы турында сөйләде. Чараның беренче өлешендә кызлар җырлар җырладылар һәм кулъяулыклар чиктеләр, ә икенче өлешендә төрле милли уеннар уйнап күңелле вакыт үткәрделәр. Чара ахырында катнашучылар милли ризыклар һәм самавырдан тәмле чәй белән сыйландылар.

Чара «Китап битен югалтмас өчен, кулыңа кыстыргычны алырга онытма» девизы астында узды. Мастер - класс башында балалар кыстыргычның ни өчен кирәклеген, кыстыргычны нәрсәдән ясауларын һәм китап кыстыргычыннан ничек файдаланырга кирәклеген искә төшерделәр. Кыстыргыч - зур булмаса да, китап укыганда бик файдалы әйбер. Китап кыстыргычы текстның кирәкле битен истә калдырырга һәм тиз табарга ярдәм итә. Яшь осталар кулы белән ясалган кыстыргычлар күптөрле, күңелле һәм матур булып чыкты. Мастер - класс уңышлы үтте, үз куллары белән ясаган эшләнмәләрне алар үзләре белән алып киттеләр. Чара ахырында алар: «Китап кыстыргычы китапларга сакчыл караш тәрбияли, китапның сакланышын яхшыртуга хезмәт итә» - дигән нәтиҗә ясадылар.

Чарада катнашучылар үзләренең белемнәрен һәм тапкырлыкларын күрсәттеләр. Квиз 3 турдан торды: «Портретны таны», «Бу юлларның авторын әйт», «Шигыреңне исеңә төшер». Беренче турда катнашучылар язучыларны портретлардан белергә, икенче турда әсәрләрнең һәм шагыйрьләрнең исемнәрен табарга, ә өченче турда сүз тәртибен үзгәртергә һәм шигырь юлларын сайларга тиеш иделәр. Чара барлык катнашучыларга да яхшы кәеф бүләк итте һәм белемнәрен ныгытырга ярдәм итте. Әйдәгез, шигъриятне яратыйк, тормышыбызны яктылык, мәхәббәт һәм матурлык белән тулыландыра торган шигырьләр укыйк!

Китапханәче балаларны татар халкының мәдәнияте, милли киемнәре, орнамент үзенчәлекләре, көнкүреше, бәйрәмнәре белән таныштырды. Чара барышында татар халкының милли киемнәре: камзул, калфак, түбәтәй сүзләренең мәгънәсе аңлатылды. Балалар үзләре дә кайбер йолаларда катнаша алдылар, алар теге яки бу йола вакытында нинди көнкүреш әйберләре, кирәк-яраклар кулланылуын белделәр, татарларның чигүләре, милли киемнәре, дини культ әйберләре белән таныштылар. «Әбием сандыгы»ндагы бай мираслы киемнәр, сөлгеләр, чигүләр  белән үзара фикер уртаклаштылар.

16 март көнне Баландыш төп мәктәбе укучылары "Алабуга Политех" та булдылар. Белем бирү үзәгенең төп аергыч билгесе-дуаль программа буенча укыту (эш+көллияттә укыту). Укучыларга керү кагыйдәләре һәм һәр юнәлеш турында җентекләп сөйләделәр.

Кошлар безнең өчен кадерлеләр, алар гүзәл табигатьнең бер өлеше. Күңелле, моңлы тавышлары табигатьне яшәртә, күңелләребезгә дәрт һәм шатлык өсти. Кошлар көне ел саен үткәрелә торган экологик бәйрәм. 1906 елдан башлап дөнья күләмендә кошлар көне үткәрелә. Мондый бәйрәм яз көне билгеләп үтелә, чөнки нәкъ менә шушы вакытта канатлы дусларыбыз туган якларга карата мәхәббәт хисләрен уяталар, күчмә кошлар туган якларга әйләнеп кайталар.  Күкчә авыл китапханәсендә клуб белән берлектә  "Кошлар безнең дусларыбыз" дигән исем астында рәсем конкурсы үткәрелде. Чарада 3 бала катнашты. Балалар кошларга багышланган рәсемнәрне бик теләп ясадылар.

Очрашу барышында китап укучылар авторның иҗаты һәм тормышыннан кызыклы фактлар белән таныштылар, шулай ук Артур Александрович әсәрләре буенча төшерелгән мультфильмнар карадылар. Язучының популяр әсәрләреннән төзелгән «Веселый, умный, заводной Артур Гиваргизов» дигән китап күргәзмәсе чарага яхшы өстәмә булды. Әлеге китапларның барысы да гадәти булмаган бизәлеше һәм иллюстрацияләре белән аерылып тора. 

Китапханәчеләр кунакларны яңа китаплар белән таныштырдылар, яңа мәгълүмати ресурслар турында сөйләделәр. Алар китапханәнең заллары, китап фонды, вакытлы мәгълүмат белән таныштылар. Китапханәдә укучылар өчен докладлар, проектлар, хәбәрләр, презентацияләр язу өчен кулланыла торган компьютерлар бар.  Шулай ук биредә  мәктәптә бирелгән  өй эшләрен дә башкарырга мөмкин, укучылар  китапханәдә китаплар уку белән беррәттән,  төрле кызыклы интеллектуаль уеннар уйнадылар.