Муниципаль районнар Теләче муниципаль районы

ЯҢАЛЫКЛАР

май, 2015 ел

чәршәмбе

8 май көнне Кече Кибәхуҗа төп мәктәбе авыл җирлеге белән берлектә Бөек Җиңүнең 70 еллыгына багышланган митинг үткәрде.

Митингта тыл ветераннары катнашты. Ветераннарны мәктәп директоры Әхмәтҗанова Н.Н., авыл җирлеге башлыгы Усманов Р.И., районнан килгән вәкил Фазлыев Д.М. кайнар котладылар. Укучылар үзләренең эчтәлекле чыгышлары белән сөендерделәр, бүләкләр тапшырдылар.

1-9 класс укучылары тарафыннан “Хәтер белән без мәңгелек” дигән бәйрәм чарасы күрсәтелде.

Сугыш китергән хәсрәт, михнәт дәрьсын соңгы тамчысына хәтле эчеп, өсләренә ишелгән бөтен авырлыкларга чыдап-түзеп, ил-көн өчен сәламәтлекләрен, яшьлекләрен, бәхетләрен корбан итүче тыл ветераннары, сугыш чоры балалары 8 май көнне Баландыш мәктәбенә кунакка чакырулы иде.

9 май көнне Ямбулат авылында Бөек Җиңүнең 70 еллыгы уңаеннан Митинг үткәрелде.

Клубта китапханә белән берлектә "Беркем дә онытылмады" дип исемләнгән әдәби - музыкаль кичә үткәрелде.Соңынан кичә тыл ветераннары һәм сугыш чоры балалары белән чәй табыны янында дәвам итте.

12 май көнне Югары Кибәхуҗа авылы китапханәсендә “Китап дөньясына сәяхәт “ исеме астында яңа китаплар көне үткәрелде.

Китапханәче яңа кайткан китапларга күзәтү ясады. Р.Бәшәровның “Нәни кунаклар”, Нур Әхмәдиевның “Мырауҗанның туган көне”китапларыннан шигырьләр укылды. Ел фасылы яз турында табышмаклар чишелде.

9 май күңелләргә иң якын, кадерле бәйрәмнәрнең берсе.

Бу көн якынлашкан саен без әби-бабайларыбызның йөрәк яралары сыкравын ишетәбез. Ветераннарның сөйләве безгә куркыныч төш кебек кенә. Тарихи үткәнебез, Ватаныбыз, туган ягыбызның каһарман шәһесләрен, тынычлык хакына корбан булган якташларыбызны белү һәм кадер-хөрмәт белән искә алу, балаларда милли горурлык хисләре тәрбияләү максатыннан 8 май көнне Айдар авылында стела ачу тантанасы һәм “Яу кырыннан килгән хәбәрләр бәгырьләрне телә әле һаман” исемле тематик кичә-митинг үткәрелде.

8 май көнне Максабаш авылында Бөек Җинүнен 70 еллыгына багышланган митинг үткәрелде.

Һәйкәлгә чәчәкләр һәм виноклар куелды. Соңыннан мәдәният йортында “Җинү юллары буйлап ” дип исемләнгән концерт программасы күрсәтелде.

Шулай ук “Дәһшәтле еллар иде” исеме астында китап күргәзмәсе дә төзелде.

Алан мәчете тирә-юнен чистарту.

12 май көнне Алан урта мәктәбе укучылары Алан мәчете тирә-юнен чистарту, яшелләндерү өмәсендә катнаштылар. Аларның хезмәтеннән соң мәчет тирәсе чистарып, матурланып калды.

12 май көнне Теләче Үзәк китапханәсенең уку залында “Яңа китап – яңа дус” дип исемләнгән китап күргәзмәсе куелды.

Күргәзмәгә китапханәгә яңа кайткан: «Казан Кремле», «Республика Татарстан», «Татарстан Республикасы хәзинәләре”, “Православные храмы Татастана”, “Мечети Татарстана” һәм башка китаплар куелды.

8 май көнне Шәтке авылында Бөек Җиңүнең 70 еллыгын каршылап митинг узды.

Митингта мәктәп укучылары, укытучылар, авылдагы оешмалар катнашты. Иң кадерле кунаклар, сугыш һәм тыл ветераннары иде. Митингны авыл җирлеге башлыгы Ф.Г. Кадыйров ачып җибәрде. Районнан килгән вәкилгә һәм ветераннарыбызга сүз бирелде.

май, 2015 ел

сишәмбе

Җиңүнең 70 еллык юбилей уңаеннан " Җиңүгә илткән юллар!" фестивале кысаларында 7 май көнне район мәдәният йортында Айдар җирлеге үзешчәннәре көче белән куелган С. Шакуровның «Саф күңелгә тап төшми» драмасы сәхнәләштерелде.

Әсәр эчтәлекле, эпизодларның да тетрәндергеч булуы, күңелгә үтеп керердәй һәм күз яшьләрсез карап утыру мөмкин булмаган күренешләре белән аерылып тора. Тол калган хатыннар, улларын җуйган аналар, мәһәббәт һәм нәфрәт турында барган әлеге әсәрнең эчтәлеген ачып бирә алды Айдар мәдәният йорты үзешчәннәре.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ