ЯҢАЛЫКЛАР

Халкыбызның куңел җәүһәрләре: милли киемнәр, көнкүреш әйберләре, күнгә бизәк төшереп эшләнгән аяк киемнәре - болар барысы да гомумкешелек кыйммәтенә ия булган чын сәнгать әсәрләре. Балаларны халкыбызның күңел җәүһәрләре белән таныштыру максатыннан, Казаклар авылы китапханәсе клуб белән берлектә "Һәр җәүһәрдә - халкым тарихы" дип исемләнгән чара үткәрде. Чара барышында мәдәният хезмәткәрләре укучыларны "Халкыбызның милли җәүһәрләре" күргәзмәсе аша чигүле эшләнмәләр, калфаклар, көнкүреш әйберләре белән таныштырдылар. Бу күргәзмә балаларда зур кызыксыну уятты.

Дидактик уеннар – балаларны уйланырга, эзләнергә, фикер тупларга, берләштерергә, күнекмәләрне, гадәтләрне тормышта кулланырга өйрәтүче һәм тәрбия бирүче көчле чараларның берсе. Дидактик уеннарның балаларга акыл тәрбиясе бирүдә роле зур. Уен вакытында баланың сөйләме үсә, сүз байлыгы арта. Чөнки бала бу чакта күпләр белән бәйләнешкә керә, яңадан-яңа сүзләр ишетә һәм үзе дә аларны куллана

20 апрель көнне Айдар авыл китапханәсе, мәдәният йорты хезмәткәрләре, мәдәният волонтерлары белән берлектә Халыкара һәйкәлләр һәм тарихи урыннар көненә багышланган акциядә катнаштылар. Сугыштан исән кайткан, сугыш кырларында ятып калган һәм фидакарь тыл ветераннары хөрмәтенә куелган обелиск янындагы территорияләрдә җыештыру эшләре алып барылды. Аның тирә-ягын чистартылып, чүпләрдән арындырылды.                                                                                                                             Тарих һәм мәдәният һәйкәлләре турында кайгырту тарихи һәм мәдәни мираска сак мөнәсәбәтне популярлаштыруга юнәлтелгән.                                                                                                                                 Җиңү таңын якынайтуда үзләреннән зур өлеш кертән фидакарь затларны онытырга безнең хакыбыз юк!

Кар эри башлау белән кыш буена җыелып барган чүп-чар чыга башлый. Шул уңайдан Урта Мишә авылы мәдәният хезмәткәрләре “ЭКОЯЗ – 2022” республика акциясенә кушылып, өмәгә чыктылар. Алар үзләренең территорияләрен җыештырдылар, өелеп торган карларны тараттылар, чүпләрне себерделәр. Табигатьне чиста тоту, тирә-якның матурлыгын һәм төзеклеген тәэмин итү - безнең бурычыбыз.

Баландыш төп мәктәбенең мәктәпкә әзерлек төркемендә йөрүче балалар әкиятләр тыңларга бик яраталар. 21 апрель көнне без Г.Тукайның “Шүрәле” әкиятен укыдык һәм  мультфильмын карадык.

Бүген Теләче 3нче номерлы балалар бакчасының мәктәпкә әзерлек төркеменэ йөрүче балалар тәрбиячеләре (Сафина Р.К., Хадиева Ф.Г.) берлектә Теләче нең үзәк китапханәсенә  мультфильм төшерергә бардылар. Әлеге чарада  Шәмәрдәнов С., Сабирова А. үзләре иҗат иткән әкиятләре төшерелде. Балаларга иҗади уңышлар телибез.

Алан авыл китапханәсендә  Халыкара һәйкәлләр һәм тарихи урыннар көненә багышланган   «Халык хәтере-мәңгелек!" дип исемләнгән тарихи  сәгать үткәрелде. Аның кунаклары-Алан урта мәктәбенең 1 сыйныф укучылары.Чараның максаты - укучыларның  тарихи мирас турында белемнәрен баету, яшь буында үз ватанына мәхәббәт тәрбияләү, туып- үскән урыннарның тарихын өйрәнү, шулай ук җәмгыятьне һәйкәлләрне тәртипкә салуга  һәм аларга сакчыл карарга өндәүдән гыйбарәт. Халыкара һәйкәлләр һәм тарихи урыннар көненә багышланган чара «Тарихи ватаныбызны саклыйк» дигән девиз белән тәмамланды.

Безнең  Лесной  балалар бакчасында бу көннәрдә бөек шагыйребез Г. Тукай иҗатына багышланган районкүләм "Тукай язы" бәйгесенә рәсемнәр ясадык.  Балалар бик теләп Тукай әкиятләре, шигырьләре  белән танышалар. Бигрәк тә "Шүрәле", "Су анасы" әкиятләрен, “Кызыклы шәкерт”, “Бала белән Күбәләк”, “Эш беткәч-уйнарга ярый”  шигырьләрен  яратып тыңлыйлар. Әти-әниләре белән бергәләп аларга иллюстрацияләр ясыйлар. Шигырьләрен яттан сөйләргә өйрәнәләр.

Чарага “Шигырьләрдә күңел серләре” дигән китап күргәзмәсе куелды. Китапханәче Сания Әхмәтҗанованың тормышы һәм иҗаты турында сөйләде, танылган шигырьләрен укыды, шигырьләренә язылган җырлар тыңланды. Аның шигырьләре яхшылыкка, матурлыкка, ихласлыкка өнди, табигатькә, туган җиргә мәхәббәт хисләре тәрбияли. Китапханәче шагыйрәнең соңгы елларда басылып чыккан «Гәрәбә» китабына күзәтү ясады. Китапта шагыйрәнең лирик-фәлсәфи шигырьләре, милләтебез тарихында якты эз калдырган күренекле хатын-кызларга багышланган "Татар-кызлары" лирик-эпик циклы, фидакарь табиб һәм татар халкына фидакарь хезмәт иткән галим Карл Фуксның образын сурәтләгән "Сүнмәс балкыш" поэмасы һәм популяр җырлар текстлары тупланган.

 20 апрель көнне Теләче үзәк һәм балалар китапханәсе хезмәткәрләре «Яшь гаилә» кызыксындыру клубына йөрүчеләр белән татар халкының бөек шагыйре Г.Тукайның иҗатына багышлап «Тукай – милләтебез кояшы» дип исемләнгән кичә үткәрде. Габдулла Тукай кыска гына гомере эчендә гасырларга җитәрлек бай мирас калдырган. Яшь буын шушы мирасны киләчәктә дә югалтмыйча сакласын, бөек шәхесләребезне онытмасын өчен шушындый чаралар аша балалар күңеленә үтеп керергә тырышабыз.