ЯҢАЛЫКЛАР

23 майда Татарстанның яшь it-чемпионнарына Татарстан Республикасы Премьер-министры урынбасары — Татарстан Республикасы мәгълүматлаштыру һәм элемтә министры Роман Шәйхетдинов 135 смартфон тапшырды.  Бүләкләү В. Г. Тимирясов исемендәге КИУ территориясендә узды. Бүләкләнүчеләр арасында-Теләче районыннан Шугаепова Фәридә (Теләче урта мәктәбе), Габдрахманова Алисә (Теләче урта мәктәбе) һәм Сабирҗанов Илмир (Олы Мәтәскә урта мәктәбе).

     Иң актив районнар булып Саба, Теләче һәм Чүпрәле районнары танылды.

2019 елның 21 маенда Саба муниципальрайонының " Сәләтле балалар өчен аерым фәннәрне тирәнтен өйрәнүле урта гомуми белеем бирү интернат - мәктәбендә” «Мәдәният һәм фән: яңа караш» VI Халыкара яшьләр фәнни-гамәли конференциясе узды. Әлеге конференция фәнни-тикшеренү эшчәнлеген активлаштыру, сәләтле мәктәп укучыларын һәм студентларны ачыклау һәм аларга ярдәм итү, гомумибелем бирү учреждениеләрендә укучыларның иҗади башлангычын үстерү максатыннан үткәрелде. Теләче районыннан Теләче урта мәктәбенең 6 нчы сыйныф укучысы Ибраһимова Алисә 3 нче урынны алды һәм Мәгариф һәм фән министрлыгының Дипломы белән бүләкләнде.Укучының фәнни җитәкчесе татар теле һәм әдәбияты укытучысы Асадуллина Зөлфия Наил кызы.

Җиңүчеләр – Теләче урта мәктәбеннән Антонова Латифа (1 сыйныф), Имамиев Данис(2 сыйныф), Кыямов Искәндәр (3сыйныф), Баландыш мәктәбенең 4 сыйныф укучысы Гарипова Динә, “Иң мәдәниятле әти –әни” номинациясендә җиңүче Кыямова Лилия дипломнар һәмистәлекле бүләкләргә лаек булдылар. Бәйрәм “Солтан патша турында әкият” спектаклен карау белән тәмамланды. Әкият геройлары белән очрашу балаларда җылы тәэсирләр калдырды. Алар әлеге сәяхәттән бик канәгать булып кайттылар.

2019 елның 21-22 май көннәрендә Байлар Сабасында 2008-2009 елларда туган егетләр арасында футбол буенча кече шәһәрләр һәм районнар арасында Татарстан Республикасы беренчелегенең зона этабының беренче әйләнеше узды. Әлеге ярышта Теләче, Үзәк мәктәпләре егетләре (өстәмә белем бирү педагоглары Артур Рөстәм улы Хәбиров, Рөстәм Габделгазиз улы Хәбиров) катнашты.

2019 елның 21-23 май көннәрендә Казан шәһәрендә «Казан Экспо» Халыкара күргәзмәләр үзәге мәйданчыгында 2019 елда «Яшь профессионаллар» (WorldSkillsRussia) VII Милли чемпионаты финалы ярышлары узды. Милли чемпионатны уздыру эшче һөнәрләрнең абруен күтәрүгә юнәлдерелгән иде. 21 май көнне Теләче урта мәктәбенең 40 укучысы әлеге чемпионатта булдылар.

Балаларның мәктәпкә әзерлеге 3 төрле методика нигезендә өйрәнелде. Мониторинг балалар бакчалары тәрбиячеләре катнашында район мәгариф бүлеге методисты Саетова Анна Николаевна,  мәгариф бүлеге педагог-психологы Хәҗипова Сәйлән Нәгыйм кызы, Теләченең №3 нче балалар бакчасы укытучы-логопеды Шәймәрдәнова Миләушә Наиль кызы, Теләченең №2 нче балалар бакчасы рус теле тәрбиячесе Ярмиева Зөльфия Мидхәт кызы, Теләченең №3 нче балалар бакчасы педагог-психологы Баева Әдилә Геннадьевналар тарафыннан үткәрелде.

Безнең районнан бәйгедә Олы Нырсы урта мәктәбе укучылары Макарова Анна - 5 сыйныф (җитәкчесе Иванова Мария Ильинична) катнашты, ул 3 нче урынны яулады һәм Хәйретдинова Илсөяр - 11 нче сыйныф (җитәкчесе Зарипова Лилия Гаптеравеф кызы) катнашты.

17 нче май көнне Теләченең 3 нче номерлы балалар бакчасы базасында Теләче муниципаль районының мәктәпкәчә яшьтәге балалар арасында шахмат буенча турнир узды. Шахмат бәйгесендә Абдурахманов Алхамжан Пазилджанович җитәкчелегендәге Теләче №1, № 2, №3 балалар бакчаларында «Шахмат» түгәрәгенә йөрүче 6-7 яшьлек 20 бала көч сынашты.

Турнирның барышын мәгариф бүлегенең мәктәпкәчә белем бирү буенча методисты - Саетова Анна Николаевна, Татарстан Республикасы Теләче муниципаль районының өстәмәбелем бирү үзәге директоры - Имамиев Тимур Рамиль улы күзәтте. Турнир барышында катнашучылар кызыклы уен комбинацияләре, шахмат партияләренең гадәти булмаган карары белән гаҗәпләндерде. Дулкынлануны җиңеп, һәр катнашучы җиңүгә омтылды. Турнир балаларның яхшы әзерлек дәрәҗәсен күрсәтте һәм мәктәпкәчә яшьтәге балаларда уенга карата кызыксыну формалаштыруга ярдәм итте. Турнирда катнашучыларга грамоталар һәм бүләкләр тапшырылды.

“Укучылар һәм яшьләр өчен җәй айлары кагыйдәләре”, - дип исемләнгән бу очрашуда Теләче районы участок полицияләренең башлыгы, полиция майоры Зиннатуллин Илнар Наилевич катнашты. Ул укучыларны җәйге каникулларга таралышканчы, балалар һәм яшьүсмерләргә кагылышлы законнар, җәйге кич йөрү вакыты, велосипедта һәм скутерларда йөрү кагыйдәләре һ.б. таләпләр белән таныштырды. Ә укучылар үзләрен кызыксындырган сорауларга җаваплар алдылар.

Тиздән чәчәкләребез тишелеп, үсеп тә чыгар. Бакчабыз шау чәчәккә күмелер дип өметләнәбез.