ЯҢАЛЫКЛАР
Юрий Гагаринның "Восток"корабле белән Җир тирәли космик сәяхәтенә 61 ел. Шул уңайдан Субаш авыл мәдәният хезмәткәрләре балалар өчен "Кеше - галәмдә" дип исемләнгән танып белү сәгате уздырдылар. Чара вакытында катнашучылар галәм турында фильм карадылар һәм рәсем ясадылар. Шулай ук "Йолдызларга юл" күргәзмәсе белән таныштылар.
Без шимбә көнне коллектив белән өмәгә чыктык. Өмә- электән калган, кешеләрнең барысын бергә җыйган. Апрель ае чисталык таләп итә торган ай. Бөтен дөнья яшәрә, яшелләнә. Ләкин табигать уяну белән без дә игьтибарсыз калмаска тиеш. Кар астыннан чыккан чүпләрне җыештыру, карлар тарату безнең язгы иң мөһим эшләрдән санала. Бакча тирәсендә кипкән җирләрне себереп, чүпләрен түктек, бакчага кергәндәге агач араларын чистарттык, карлар тараттык.
«Һәр канатлы дуска бер оя» акциясе- кошларга булышу өчен бик яхшы мөмкинлек. Туган якка килү белән канатларын җилпи-җилпи, талпына-талпына, чут-чут итеп сайрый башлаучы яшькелт- кара сыерчыкларга ясаган матур уңайлы, җылы сыерчык оялары бик кирәк.
Быел кешенең галәмгә беренче очуына 61 ел тулды. Бу вакыйга уңаеннан Алан авыл китапханәсендә «Юрий Гагарин - беренче космонавт» дип исемләнгән рәсем конкурсы үткәрелде. Чарада катнашучылар космос киңлеген үзләштерү тарихына багышланган мавыктыргыч космик сәяхәт кылдылар, Ю. Гагарин һәм космонавтика турында китаплар тәкъдим ителгән китап күргәзмәсе белән таныштылар.
Язгы чорда су объектларында булган хәлне кисәтү өчен без тематик әңгәмә уздырдык һәм МӘГЪЛҮМАТИ мультфильм карадык. Балалар әңгәмәгә актив кушылдылар, сораулар га жавап бирделәр. Мондый чаралар бозда үз-үзеңне тоту кагыйдәләрен үтәү өчен бик кирәк.
Китапханәче яшь катнашучыларга космос һәм беренче совет космонавтлары турында сөйләде һәм күргәзмә белән танышнырды. Балалар беренче "Восток-1" космик корабле, Юрий Алексеевич Гагаринның беренче тапкыр космоска очуы турында белделәр. Китапханәче балаларга Җирнең беренче иярчене турында сөйләнә торган кызыклы китапларны да күрсәтте. Катнашучылар “Космоска сәяхәт” дип исемләнгән викторинада катнаштылар.
Шул исәптән, безнең канатлы дусларыбыз да җылы яклардан туган якларына кайта башлыйлар. Кошларны сөендереп, Олы Кибәхуҗа башлангыч мәктәбе укучылары сыерчык оялары ясап әзерләнәләр. Менә быел да традициядән читтә калмадылар. 1 сыйныф укучысы Әхмәтҗанов Риназ да әтисе белән үзенең беренче сыерчык оясын ясап алып килде.
Яз турында шигырьләр һәм проза әсәрләрендә күп сөйләнә, аңа җырлар һәм картиналар багышлана. Субаш авыл китапханәсендә «Безнең якта яз» дип исемләнгән балалар өчен үткәрелгән рәсем конкурсы нәкъ менә шул темага багышлана. Катнашучылар - кече һәм урта мәктәп яшендәге балалар. Алар үзләренең рәсемнәрендә яз килүнең бөтен гүзәллеген, аның гадәти булмаган табигатен ачык төсләр белән ачып бирә алдылар.
Субаш авылы мәдәният хезмәткәрләре яшьләр арасында экстремизм һәм терроризм идеологиясен таратуга каршы тору мәсьәләләре буенча "Стоп терроризм" дигән тематик әңгәмә үткәрделәр. Очрашуның максаты - экстремистлык күренешләренә һәм терроризм идеологиясен тарату, яшь буынны радикаль экстремистик оешмалар эшчәнлегенә җәлеп итүгә юл куймау, шулай ук яшьләр арасында экстремистлык һәм террорчылык идеологиясен профилактикалау буенча күрелә торган уртак чараларның нәтиҗәлелеген арттыру иде.
1961 елның 12 апрелендә кешелек хәтерендә мәңгегә калачак. 61 ел элек Юрий Алексеевич Гагарин тарихта беренче тапкыр космос киңлегенә очкан – Җир шарын 1 сәгать 48 минут эчендә очып узган һәм җиргә исән-сау әйләнеп кайткан. Хәзер космоска очулар безнең өчен гадәти күренеш.