ЯҢАЛЫКЛАР
III Халыкара “Җәлил укулары” әдәби бәйгесенең район турында призлы урынга чыккан Олы Мишә авылы китапханәчесе Газизова Р.Ш. Казан шәһәрендә үткәрелүче финал ярышында “Җәлил татар теле” номинациясендә катнашты.
2021 елның 17 мартында Теләче муниципаль районы Шәтке урта мәктәбендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина, ZOOM ярдәмендә, 10 сыйныф укучылары арасында «Кулланучы хокукларын өйрәнәбез» һәм «Бөтендөнья кулланучылар хокукларын яклау көне»дигән темага сыйныфтан тыш дәрес үткәрде.
Якшәмбе көнне Әбде авылында кыш белән саубуллашуга багышланган традицион күңел ачулар узды. Халыкны бай музыкаль программа көтте. «Задоринка» ансамбле башкаруында дәртле халык җырлары кәефне күтәрде. Күңелле әйлән-бәйлән, көрәктә шуу, киез итекләр ыргыту, кышкы балык тоту һ.б. уеннар кунакларны сөендерде, ә чара ахырында Кыш карачкысы яндырылды. Барлык катнашучылар пылау, тәмле коймак һәм кайнар чәй белән сыйланды.
12 март көнне балалар өчен «Китап дуслыкка дәшә» дип исемләнгән әдәби кунакханә оештырылды. Чараның кунаклары татулыкка чакырган китаплар белән таныштылар, бердәмлек һәм дуслыкны сынаган әкият, шигырьләр укыдылар, туган телнең бар матурлыгын күрсәтеп, бер-берсенең күркәм гадәтләрен санадылар.
Туган телләр һәм халыклар бердәмлеге елы кысаларында Татарстанның халык язучысы, Габдулла Тукай исемендәге Дәүләт бүләге лауреаты Фоат Миңлеәхмәт улы Садриевка 80 яшь тулу уңаеннан Айдар авыл китапханәсендә 10-12 март көннәрендә "Ф.Садриев - авыл тормышы җырчысы" дип исемләнгән китап күргәзмәсе эшләде. Фоат Садриев гомере буе Мөслимдә яшәп, эшләп, шушы төбәкнең гап-гади хезмәт кешеләрен әсәрләренә кертеп зурлаган язучы. Күргәзмәдә язучының повесть һәм хикәяләре тупланган. Язучының әсәрләре тормышны тагын да мәгънәлерәк, яшәүне тагын да ямьлерәк, кадерлерәк итеп тоярга ярдәм итә.
Чарада катнашучылар бәйрәмнең гореф-гадәтләре һәм тарихы белән таныштылар, шулай ук Масленица атналыгының һәр көне ничек аталуын белделәр. Чара уен программасы белән дәвам итте, анда балалар бик теләп табышмакларга җавап бирделәр, төрле конкурсларда һәм уеннарда катнаштылар: «Тылсымлы коймак», «Аркан тарту», «Бер-береңне коймак белән сыйла», «Әтәч сугышы». Китапханәдә әлеге көн уңаеннан «Масленица белән!» дигән күргәзмә куелды, анда яшь китап укучылар үзләренә ошаган китаплар һәм әлеге бәйрәм турында мәкаләләр белән таныштылар. Бәйрәм бик күңелле үтте!
11 март көнне Казан шәһәренең Халыклар дуслыгы йортында җирле керәшеннәр иҗтимагый оешмасы тарафыннан оештырылган "Җәгез эле, җырак тутейләр" Республика конкурсы булып узды. Конкурста Васильева Анна һәм Субаш авыл клубы "Нардуган" керәшен халык фольклор ансамбле дә катнашты. Анна Лазеревна "Борынгы киемнәребезне саклаучы хәзинәбез" номинациясендә җиңү яулады.
Ул кешедә курку хисе уята, чөнки сугыш, бәла-каза, гаепсез кешеләрнең үлеме белән бәйле. Террорчылыкның кайчан һәм кайда булуын беркем әйтә алмый. 13 март көнне Урта Мишә авыл китапханәсендә клуб белән берлектә “Террорчылык – гасыр җинаяте” исемле темага әңгәмә үткәрелде. Әлеге чараның максаты: укучыларда террорчылык һәм экстремистлык кебек куркыныч күренешләргә каршы тискәре караш тәрбияләү иде.
Теләче урта мәктәбендә беренче сыйныф укучылары өчен "Саубул, Алифба " дигән бәйрәм үткәрелде. Башлангыч сыйныф укучыларын 5 нче сыйныф укучылары, укытучылары Кошкина Э.М., Хазеева А.Х һәм әти-әниләр бәйрәм белән котладылар. Укучыларга уңышлар телибез !
15 нче март көнне Баландыш төп мәктәбенең башлангыч сыйныф укучылары “Мин-тикшеренүче” дип исемләнгән районкүләм фәнни эшләр һәм проектлар конкурсында катнашып, уңышлы чыгыш ясадылар. Бәйге нәтиҗәләре буенча 2 нче сыйныф укучысы Гыйләҗева Тәнзилә 2 нче урын, 3 нче сыйныф укучысы Саруханян Милена һәм 4 нче сыйныф укучысы Җаббарова Фәридә 3 нче урыннарны яуладылар. Кызларны матур нәтиҗәләре белән котлыйбыз һәм киләчәктә дә зур уңышларга ирешүләрен теләп калабыз!