ЯҢАЛЫКЛАР

17 апрель көнне Теләче балалар китапханәсендә мөһим кыйммәтләргә – күп милләтле Россия халыкларының дуслыгына, аларның үзара аңлашуына һәм какшамас бердәмлегенә багышланган «Халыклар дуслыгы турында әкият» дип исемләнгән танып-белү сәгате узды. Әлеге чара һәркемгә илебез бердәмлегенең ныклы нигезе булып хезмәт итүче мәдәни күп төрлелекнең байлыгын һәм кабатланмас матурлыгын искә төшерү максатыннан оештырылды.

Быел Чернобыльдәге атом станциясе шартлап, барлык Җир шарын үлем сөременә төргән ул дәһшәтле көнгә 40 ел була. Бу шартлау Хиросимага ташланган атом бомбасыннан 40 тапкыр көчлерәк иде. Чернобыль  зонасында авария нәтиҗәләрен бетерүдә 600 меңгә якын кеше катнаша. Егетләребез, батырлык үрнәкләре күрсәтеп, үзләренә йөкләнгән бурычны зур җаваплылык тоеп башкаралар. Ликвидаторларның хезмәте – чын мәгънәсендә зур батырлык. Аларның берсе дә онытылмасын, һәрберсе тиешле хөрмәтне күреп яшәсен иде. Еллар узган саен сафларыбыз кими бара. Чернобыль вакыйгасы, кыю йөрәкле ир-егетләребезнең батырлыгы турында мәгълүмәт бирү максаты белән 17 нче апрель көнне Олы Мәтәскә авылы мәдәният хезмәткәрләре мәктәп укучылары белән “Чернобыль. Без хәтерлибез” дип исемләнгән мәгълүмати сәгать үткәрделәр.

Бу көн алдыннан китапханәдә «Россия көче- халык бердәмлегендә» исемле мәгълүмат сәгате узды. Чараны уздыру өчен Россия Федерациясе Президентының иҗтимагый проектлар буенча идарәсеннән алынган материаллар кулланылды. Өлкән сыйныф укучылары тарихның фаҗигале битләре, тыныч халыкны массакүләм юк итү, совет кешеләренең батырлыгы һәм ныклыгы турында, шулай ук тарихи дөреслекне саклау һәм аны киләсе буыннарга тапшыруның мөһимлеге турында белделәр. Геноцид корбаннары турындагы хәтер-ул кайгы гына түгел, ә дөнья, ирек һәм кеше тормышы — сакларга кирәк булган югары кыйммәтләр икәнлеген искә төшерү дә мөһим.

Татарстан Республикасында Хәрби батырлык һәм Хезмәт фидакарьлеге елы кысаларында Айдар авыл китапханәсендә «Якташларыбызның хезмәт батырлыгы» дип исемләнгән хәтер сәгате үткәрелде.  Әлеге чара авылдашларыбыз һәм райондашларыбызның хезмәт батырлыгына багышланган иде. Очрашуда катнашучылар авылыбызның тыл ветераннары, тракторчы хатын-кызлары, төрле дәрәҗәдәге Дан ордены кавалерлары турындагы истәлекләр белән уртаклаштылар һәм Социалистик Хезмәт Герое Гөлбикә Каримовага багышланган яңа гына нәшер ителгән «Ил үстергән кыз Гөлбикә» китабы белән таныштылар. Аларның шәхси уңыш тарихлары, хезмәт батырлыгы бүген дә яшьләр өчен үрнәк булып тора.

Россия халыклары бердәмлеге елы, Хәрби батырлык һәм хезмәт фидакарьлеге елы, Мәктәпкәчә белем бирү елы, Теләче муниципаль районының 35 еллыгы кысаларында   бүген 17 апрель көнне Теләченең 3нче номерлы балалар бакчасы мәгариф бүлеге белән берлектә “Асылташлар” районкүләм бәйгесе узды. 

Теләче муниципаль районы «Низамов М.Х.» крестьян-фермер хуҗалыгында тракторларга хәм арбаларга дәүләт техник карау уздырылды.

Теләче үзәк китапханәсендә өлкән буын өчен "Цифрлы образлар дөньясында" дип исемләнгән компьютер грамоталылыгына өйрәтү курслары үткәрелә. Китапханәче Имамиева Д.М.  заманча гаджетларның барлык мөмкинлекләрен җиңел һәм аңлаешлы формада күрсәтә. Өлкәннәр вакытны экономияләргә, тормыш сыйфатын яхшыртырга һәм көндәлек бурычларны үтәүне гадиләштерергә ярдәм итә торган яңа мобиль кушымталар белән эшләргә өйрәнделәр.

Теләге булган һәркемне китапханәбездә көтеп калабыз!

Шатлыкны да, кайгыны  да ул җырлар аша белдерә. Гүя халык җырларында татар халкының фаҗигале үткәне көйләре яңгырый, ул аның йөрәгенә барып җитә һәм анда яхшы хисләр уята.

Казаклар авыл китапханәсендә укучыларны сәламәт яшәү рәвеше турында әдәбият белән кызыксындыру максатыннан «Доктор градусник киңәш итә» дип исемләнгән китап күргәзмәсе оештырылды. Китап күргәзмәсе киң укучылар өчен тәкъдим ителә. Күргәзмәдә тәкъдим ителгән китаплар сәламәтлекне сакларга һәм ныгытырга, сәламәт яшәү рәвеше гадәтләрен формалаштырырга ярдәм итәчәк. Китапларда укучы иммунитетны ничек ныгытырга, сәламәт туклану нәрсә ул, кеше сәламәтлеге өчен витаминнар һәм микроэлементлар роле, дару үсемлекләре ярдәмендә авыруны ничек җиңәргә икәнлеге турында мәгълүмат табачак.

Алар балалар бакчасының ишегеалдын ,тирә-якны  көзге яфраклардан,  чүп-чардан арындырдылар, карларлар тараттылар.