ЯҢАЛЫКЛАР
17 нче гыйнвар көнне Теләче балалар китапханәсендә «Салтыков-Щедринның иҗаты һәм тормыш юлы» дигән китап күргәзмәсе төзелде һәм аңа күзәтү үткәрелде.
Татар әдәбияты классигы, атаклы драматург, публицист һәм күренекле җәмәгать эшлеклесе Галиәсгар Камалның тууына 145 ел тулу уңаеннан Иске Җөри авылы модель китапханәсендә “Татар театр сәнгатенә нигез салучы” дип исемләнгән китап күргәзмәсе куелды. Әлеге күргәзмәдә драматургның күп кенә китаплары урын алды. Китапханәгә килгән укучылар белән күргәзмәгә күзәтү ясалды.
Фронтовик-шагыйрь Фатих Кәримнең тууына 115 ел тулу уңаеннан Иске Җөри авылы модель китапханә хезмәткәрләре Иске Җөри мәктәбенең башлангыч сыйныф укучылар белән “Фатих Кәрим фронтовик шагыйрь” дип исемләнгән түгәрәк өстәл үткәрделәр. Китапханәчеләр укучыларны шагыйрьнең биографиясе һәм иҗаты, аның әсәрләре белән таныштырдылар. Укучылар шагыйрьнең шигырьләрен кычкырып укыдылар.
Китапханәчеләр яшь укучыларны бездә кышлаучы кошлар белән таныштырдылар, кошларны нинди ризык белән тукландырырга һәм каурыйлы дусларыбыз өчен җимлекләр ясарга кирәклеге турында сөйләделәр. Балалар кошлар турында табышмаклар чиштеләр. Аннары укучылар кошлар өчен әзерләнгән җимлекләргә көнбагыш, бодай тараттылар һәм «кошлар ашханәләрен» агач ботакларына элеп куйдылар.
Фатих Кәрим күренекле татар шагыйре, язучы, әдәбият эшлеклесе, йөзләгән шигырьләр, поэмалар, повестьлар, драмалар, дистәләгән публицистик һәм әдәби-тәнкыйди мәкаләләр авторы. Аның иҗаты турында күп кенә басмалар басыла. Ләкин Ф.Кәрим иҗатының зурлыгы һәм асылы аның белән түгел, ә иң беренче чиратта шагыйрьнең тормышында һәм иҗатында халык язмышы ничек чагылдырылуы белән билгеләнә.
Айдар авыл китапханәсендә шагыйрь Фатыйх Кәримнең тууына 115 ел тулуга багышланган «Тәвәкәллек, батырлыкта җыр булып калсаң иде» дип исемләнгән китап күргәзмәсе оештырылды. Фатих Кәрим күренекле татар шагыйре, язучы, әдәбият эшлеклесе, йөзләгән шигырьләр, поэмалар, повестьлар, дистәләгән публицистик һәм әдәби-тәнкыйди мәкаләләр авторы, батыр сугышчы һәм татар халкының герое. Аның иҗаты турында күп кенә мәкаләләр һәм басмалар басыла. Шагыйрьнең иҗатында татар халкына, гаиләсенә, ватанына мәхәббәт темасы зур урын алып тора. Китапханәче китап укучыларны шагыйрьнең тормышы һәм иҗаты, аның әсәрләре белән таныштырды, фронт лирикасы турында фикер алышынды.
Баландыш авыл китапханәсендә "2024 елның беренче укучысы" дип аталган акция узды. Акциядә катнашучыларга бу көнне килүчеләгә бүләкләр әзерләнде. Нәтижәдә, беренче укучы булып 9 нчы сыйныф укучысы Зәлия Хасаншина танылды. Зәлиягә матур теләкләр теләнде һәм бүләк тапшырылды.
Югары Кибәхуҗа авыл китапханәсендә, фронтавик- шагыйрь Фатих Кәрим иҗаты буенча “Исеме калды данга күмелеп” дип исемләнгән патриотик сәгать үтте. Китапханәче шагыйрьнең тормыш юлы һәм иҗаты белән таныштырды, китап күргәзмәсенә күзәтү ясады. Укучылар шагыйрьнең шигырьләрен кычкырып укыдылар.
Казаклар авыл китапханәсендә "Хыялый балачак" берләшмәсенә йөрүче балалар белән татар драматургы һәм язучысы Галиәсгар Камалның тууына 145 ел тулуга багышланган «Татар театр сәнгатенә нигез салучы» дип исемләнгән әдәби сәгать үткәрелде. Чарага китап күргәзмәсе ясалды һәм аның буенча күзәтү үткәрелде. Укучыларга Галиәсгар Камалның тормышы һәм иҗаты турында сөйләнде. Слайдлар күрсәтү белән Г. Камал исемендәге театр буйлап виртуаль сәяхәт ясадык.
Җирдәге барлык илләр дә елына бер тапкыр бу әкияти бәйрәм - яңа елны билгеләп үтәләр, һәм барлык балалар да аны бик яраталар һәм зарыгып көтәләр. Казаклар авылы китапханәчесе яшь китап укучыларны “Яна елда яңа әкият” дип исемләнгән чарага чакырды. Балалар өчен кызыклы әкиятләр укылды. Чара барышында алар әкиятләргә багышланган викторинада катнаштылар. Викторина сорауларына җавапларны «Яңа ел әдәби геройлар белән» дигән китап күргәзмәсеннән табарга мөмкин иде. Чара ахырында балалар актив катнашкан өчен татлы призлар алдылар.