ЯҢАЛЫКЛАР
1 сентябрь - Белем көне уңаеннан, Теләче үзәк китапханәсе хезмәткәрләре ел саен үткәрелә торган «Йөгерүче китап» Бөтенроссия социомәдәни акциясенә кушылдылар. «Йөгерүче китап» акциясе Россиянең барлык почмакларында да китапханә җәмәгатьчелеге вәкилләрен һәм китап сөючеләрне берләштерә. Әлеге акция укуга кызыксыну уятырга, игътибарны китапханәләргә һәм китапка җәлеп итүгә юнәлдерелгән.
Ата-аналар җыелышында мөдир Габделхакова Г.В. яңа уку елына максатлар һәм бурычлар тәкъдим итте, ә тәрбия һәм методик эшләре буенча мөдир урынбасары Сафина Е. В. белем бирү процессының үзенчәлекләрен яктыртты. 2025-2026 уку елына ата-аналар комитеты формалаштырылды. Катнашучылар балалар бакчасына вакытында түләү, көн режимын үтәү һәм ата-аналарның белем бирү эшчәнлегенә җәлеп ителүе мәсьәләләре буенча фикер алыштылар.
30 августта Татарстан Республикасы көнен бәйрәм итү уңаеннан, Югары Кибәхуҗа авылы китапханәсендә “Татарстан - минем Республикам” дип исемләнгән мәгълүмати-танып белү сәгате үткәрелде. Китапханәче катнашучыларга Татарстанның тарихи үткәне, төп символлары, тарихи-мәдәни һәм әдәби мирасы, шулай ук Татарстан Республикасы территориясендә яшәүче халыкларның гореф-гадәтләре турында күп кызыклы мәгълүмат җиткерде. Шулай ук статистик мәгълүматлар да тәкъдим ителде. Мәгълүмати сәгатьтән соң, катнашучылар өчен әлеге тематика буенча викторина үткәрелде, анда балалар Татарстан Республикасы символларын рәсемгә төшереп, үз иҗади сәләтләрен күрсәттеләр. Бу чара Татарстанның тарихы һәм мәдәнияте турында белемнәрен арттыруга, шулай ук яшь буынның патриотик хисләрен ныгытуга ярдәм итте.
Велосипедта йөрү — сәламәтлекне ныгыту һәм авыруларны профилактикалауның мөһим чарасы. Чара барышында балалар юл хәрәкәте кагыйдәләрен һәм велосипед белән куркынычсыз идарә итү кагыйдәләрен искә төшерделәр. Алар юл хәрәкәтендә катнашучыларның кагыйдәләрне бозу очраклары турында фикер алыштылар, бу исә балаларга юлда үзләрен ничек тотарга кирәклеген аңларга ярдәм итте.
Аннары, балалар велосипедта үзара ярышып, бер-берсе белән көч сынаштылар. Ярышның иң күңелле моменты, әлбәттә, бүләкләү булды. Бер бала да бүләксез калмады һәм һәркем үзенең уңышлары белән горурланды. Катнашучылар ярыштан бик канәгать калды, бу чара алар өчен күңелле һәм файдалы тәҗрибә булды.
Күкчә авылы китапханәсендә «Пушкин картасы» программасы кысаларында “Келәм чигүе” дип исемләнгән мастер-класс үткәрелде. Мастер-класс барышында балалар тукымага үзләренең сайлап ясаган бизәкләрен төшереп, келәм чигүе техникасы белән эшләделәр. Алар инде икенче эшләрен яңа баштан эшли башлаулары белән горурланалар, чөнки һәр эш алар өчен уникаль һәм шәхси булып тора.
Күкчә авыл клубы территориясендә китапханәче һәм клуб мөдире белән берлектә асфальтта рәсем ясау чарасы оештырылды. Асфальтта рәсем ясау – балалар өчен күңелле һәм кызыклы шөгыль, ул иҗатны һәм әйләнә-тирә дөньяны танып белүне берләштерә. Төсле акбурлар белән рәсем ясау, чыннан да, карандаш яки пумала белән эшләүдән бик аерыла, чөнки монда бөтенләй башка тойгылар һәм мөмкинлекләр ачыла.
Әлеге истәлекле вакыйга уңаеннан 27 август көнне Айдар авылы китапханәчесе мәдәният йорты хезмәткәрләре белән берлектә “Татарстан - туган илем, минем газиз Ватаным!” дип исемләнгән тематик сәгать үткәрделәр.
27 август көнне Әбде авылы китапханәсендә мәдәният йорты мөдире һәм мәктәп белән берлектә “Толерантлык - уңышка юл!” дип исемләнгән мәгълүмат сәгате үткәрелде. Чарада катнашучылар толерант шәхеснең төп сыйфатлары, төрле халыкларның гореф-гадәтләрен һәм мәдәниятен хөрмәт итүнең мөһимлеге турында белделәр. Һәрбер кешенең кыйммәте турында фикер алышканда, балалар тирә-юньдәгеләр тарафыннан безгә еш кына игътибар һәм аңлау, бер-беребезгә карата түземлелек һәм хөрмәт җитмәве турында уйландылар.
Бәйрәм Россия Федерациясе, Татарстан Республикасы, Теләче районы флагларын күтәрү тантанасыннан башланды. Укучыларны һәм педагогларны котлау өчен район хакимиятеннән кунаклар, районның төрле учреждениеләре директорлары, авыл Советлары рәисләре һәм аларның секретарьлары, шулай ук мәгариф бүлеге методистлары килде.
Туфан Миңнуллин пьесалары илебез сәхнәләрендә иң күп уйнала торган татар драматургларының берсе. Ул Татарстан өчен генә түгел, аннан читтә дә күренекле шәхес. Аның иҗат иткән пьесалары, балалар әкиятләре, повестьләре, хәзерге тормыш турында күпсанлы хикәяләре һәм публицистик мәкаләләре бихисап. Депутат буларак ул һәрвакыт татар теле, мәдәнияте, милләте язмышы турында чыгышлар ясап, татар халкын дәүләт дәрәҗәсендә яклый иде. Шул уңайдан Теләче үзәк китапханәсендә “Милләтемнең асыл баганасы” дип исемләнгән китап күргәзмәсе куелды. Күргәзмәдә язучының пьесалары, шигырьләре һәм публицистик эшләре тәкъдим ителде.