ЯҢАЛЫКЛАР
Бу көнне рус этнографы, фольклор җыючы һәм язучы, «Рус теленең аңлатмалы сүзлеге» авторы Владимир Иванович Даль туган. Шул уңайдан Айдар авылы китапханәсендә «Барысын да беләләр: энциклопедияләр, сүзлекләр, белешмәлекләр» дигән библиографик сәгать үткәрелде. Чара энциклопедияләр, сүзлекләр, белешмәлекләр белән танышуга, алардан файдалану күнекмәләренә өйрәтүгә багышланды. Китапханәче катнашучыларны китапханә фондындагы сүзлекләрнең күптөрлелеге белән таныштырды һәм алардан ничек дөрес файдаланырга кирәклеген аңлатты. Орфографик сүзлек ярдәмендә уен формасында балалар тексттагы хаталарны төзәттеләр, чит ил сүзләре сүзлегендә чит телдән килеп чыккан сүзләрнең мәгънәсен таптылар, искергән сүзләрнең мәгънәсен аңлаттылар, фразеологик сүзлектә канатлы сүзләрнең мәгънәсен бик теләп таптылар. Чара ахырында китапханәче тагын бер тапкыр сүзлеккә көндәлек мөрәҗәгать итүнең сүзлек запасын арттыру, сөйләмне баету һәм белемнәрне тулыландыру өчен иң җиңел юл булуын тагын бер кат искәртте. Иң мөһиме - аларга мөмкин кадәр ешрак мөрәҗәгать итәргә онытмаска!
«Әни - минем тормышымның башы» музыкаль – әдәби кунак бүлмәсе әниләрне һәм Шармыш авылы китапханәсе укучыларын җылы, күңелле атмосферада җыйды. Бәйрәмне алып баручы барлык катнашучыларны иң якты көн — Әниләр көне белән котлады. Ул һәр кешенең тормышында әнинең әһәмияте турында сөйләде, аның ярдәм һәм илһам чыганагы буларак ролен ассызыклады.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 11 декабрендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
Битараф булмаган авыл халкы китапханәче белән берлектә махсус хәрби операциядә катнашучы егетләргә токмач кистеләр. Акциядә катнашучылар өй җылысын, хатыннары һәм әниләре әзерләгән тәмле ризыкны сагынган солдатларыбыз өчен бөтен күңел җылысын һәм изге хисләрен үзләренең хезмәтләренә салдылар. Якын арада кискән токмач гуманитар ярдәм белән бергә махсус хәрби операция зонасына җибәреләчәк. “Бу өй ризыгы егетләребезнең йөрәкләрен җылытсын һәм аларга туган як җылысын бүләк итсен”, - дигән теләктә калды катнашучылар.
Чара барышында һәр катнашучыга район прокурорына хокук бозуларны кисәтүгә кагылышлы сораулар бирү мөмкинлеге бирелде.
Айдар авылы китапханәсендә үткәрелгән «Үз-үзеңнән киләчәкне тартып алма!» дип исемләнгән чара начар гадәтләрне кисәтүгә багышланды. Сәламәтлек - кешегә табигать бирә торган кыйммәтле бүләк ул. Бары тик кешедән, яшәү рәвешеннән генә аның гомер буена нинди булачагы тора. Китапханәче сәламәт яшәү рәвешенең, спортны һәм физик культураны начар гадәтләргә альтернатива буларак кабул итүнең файдасы турында әңгәмә үткәрде. Чара барышында яшьләр наркомания, алкоголизм һәм тәмәке тарту кебек куркыныч бәйлелекләр белән җентекләп таныштылар. Китерелгән мисаллардан тәмәке, алкоголь һәм наркотикларның яшь организмга нинди коточкыч йогынты ясавын, яшүсмернең шәхесе ничек үзгәрүен, аның сәламәтлеге, гомумән тормышы ничек бозылуын белделәр.
«Балаларны – сәламәтләндерү белем бирү(профильле) үзәге» бадминтончылары командасы«Татарстанның бадминтон өметләре - 4 тур» сайлап алу этабында катнашты.
Кеше гасырлар дәвамында үзенә рәхәтлек китерү, газапларын җиңеләйтү яки чынбарлыктан качу өчен наркотиклар куллану юлларын эзли. Наркоманиянең барлык төрләре күптәннән бар, һәм соңгы елларда наркотиклар куллану Бөтендөнья проблемасына әйләнде. Бу мәсьәлә, бигрәк тә, яшьләр, яшүсмерләр һәм кызлар арасында киң таралган. Наркотикларга ияләшү өчен иң куркыныч яшь булып яшүсмерлек чоры санала. Сәламәт яшәү рәвешен пропагандалау максатыннан, 23 ноябрь көнне Олы Мәтәскә авылы мәдәният хезмәткәрләре «Киләчәк үзебезнең кулларда» темасына әңгәмә үткәрделәр. Бу чарада яшьләргә наркотикларның зарарлары, сәламәтлекне саклау һәм тормышның кыйммәте турында сөйләшүләр булды. Әңгәмәдә катнашучылар наркотиклардан ерак тору, спорт белән шөгыльләнү, иҗади эшчәнлеккә вакыт бүлү кебек сәламәт яшәү рәвешен пропагандалау юлларын карадылар.
Халык авыз иҗатында табышмаклар аерым урын тота, чөнки алар зиһенне баетуда, акыл сәләтен үстерүдә һәм уйлау — фикерләүне тирәнәйтүдә зур әһәмияткә ия. “Отканга — мәкаль, тапкырга — табышмак” дигән әйтем дә бу хакта сөйли. Табышмаклар мең еллар дәвамында сакланып килгән, аларда предметның үзенчәлекләре, сыйфатлары ярдәмендә җавап табу мөмкинлеге бирелә. 19 ноябрь көнне Олы Мәтәскә авылы мәдәният хезмәткәрләре «Табышмак әйтәм-беләсеңме?» дигән мәдәни чара үткәрделәр. Чарада катнашучы укучылар “Шигъри табышмаклар”, “Шаян табышмаклар”, “Сорау табышмаклар”, “Арифметик табышмаклар” һәм “Әкият” геройлары турында кызыклы табышмакларга җавап бирүдә катнаштылар. Табышмаклар ярдәмендә халык авыз иҗатының байлыгын һәм фольклорның әһәмиятен аңлау мөмкинлеге туды. Чара, шулай ук, яшь буынга халык мәдәниятен һәм традицияләрен танытуга ярдәм итте.
Әдәби батлда иң актив һәм талантлы яшь укучылар ярышты, алар үзләренең әдәби белемнәрен һәм иҗади сәләтләрен күрсәттеләр. Чара барышында катнашучылар яшүсмерләр арасында иң популяр булган китаплар турында мәгълүмат алдылар. Викторина сораулары классик һәм заманча әсәрләрне үз эченә алды, һәр команда үзләренең белемнәрен сынап карады. Шулай ук укучылар яраткан әсәрләре турында сөйләшеп, үзләренең тәэсирләре белән уртаклаштылар.