ЯҢАЛЫКЛАР
Әлеге көн бөтен китап бүләк итүчеләрне берләштерә, укуга мәхәббәт тәрбияли. 2022 елның 10-12 февралендә Казаклар авылы китапханәсендә «Дарите книги с любовью» дигән акция узды. Китап иң кыйммәтле бүләкләрнең берсе, аны без якыннарыбызга һәм дусларга бүләк итә алабыз. Борын-борыннан китап бирү - үзеңең хөрмәтеңне белдерү яки танышу мөмкинлеге булып саналган. Халыкара китап бүләк итү көне алдыннан китапханәче үзенең китап укучыларына дусларга гына түгел, таныш булмаган кешеләргә дә китаплар бүләк итәргә тәкъдим итте.
2022 елның 17 февралендә Балаларны сәламәтләндерү – белем бирү(профильле) үзәге чаңгы базасында ДОСААФ мәгариф идарәсе белән берлектә 5-8 сыйныф укучылары арасында чаңгы ярышы һәм 9-11 сыйныф укучылары арасында биатлон ярышы, сугышчы-интернационалист Хәйруллин Илшат Гыйлемхан улы истәлегенә багышланган Теләче муниципаль районы Беренчелеге үткәрде. Ярышларда районның 11 мәктәбеннән 71 укучы катнашты.
Тәрбиячеләре Гөлназ Мингазова белән берлектә, балаларны онытыла барган әкиятләр белән таныштыру максатыннан, “Тарихи әкиятләр иленә сәяхәт” дип исемләнгән чара үткәрде. Әкиятләр — ул халкыбызның рухи байлыгы, мәдәнияте, тарихы. Ул үткән белән киләчәк буынны бәйли. Балалар татар халкының "Үги кыз", "Камыр батыр" әкиятләрен бик кызыксынып тыңладылар. Чара барышында “Әкиятләр илендә – күңелле стартлар” дип исемләнгән спорт ярышларында катнаштылар. Балалар бу ярышларда әкият геройлары ролендә булып, төрле әкиятләргә сәяхәт иттеләр.
Әбде авыл китапханәсендә «Как вечно пушкинское слово» дип исемләнгән әдәби сәгать үткәрелде. Катнашучыларга ел саен 10 февраль - Александр Сергеевич Пушкинны искә алу көнен искә төшерделәр. Балалар «Из какого произведения эти строки?» викторина уенында катнашты. «У Лукоморье» дип исемләнгән кроссвордын чишеп яхшы белемнәрен күрсәттеләр. Шулай ук балалар игътибарына «Следы исчезнут поколений, но жив талант, бессмертен гений» дип исемләнгән китап күргәзмәсе тәкъдим ителде һәм «Я знаю: век уж мой измерен…» презентациясе күрсәтелде.
16 февраль көнне Байлар Сабасында Татарстан Республикасы пенсионерлары арасында шахмат һәм шашка буенча ХІ республика темпо-турниры булып узды. Ярышларда Теләче районы командасы катнашты һәм гомумкоманда зачетында 3 нче урынны яулады. Шәхесләр арасында Заһидуллина Илүзә Хәким кызы 2 урынны яулады.
Безнең катнашучыларны призлы урын белән котлыйбыз! Киләчәктә дә уңышлар телибез!
Сауш авыл мәдәният йорты хезмәткәрләре бөек татар шагыйре, Советлар Союзы Герое, Ленин премиясе лауреаты Муса Җәлилнең, тууына 116 ел тулу уңаеннан «Каләм бн җиңдем дошманы»дип исемләнгән шигърият сәгате үткәрделәр. Чара барышында тыңлаучылар шагыйрьнең тормышыннан, балалар һәм яшүсмерләр елларыннан кызыклы фактлар, әдәби эшчәнлек, аның ничек сугышуы, әсирлеккә эләгүе турында белделәр. Ә очрашу ахырында барлык катнашучылар да бер шигырь укыды, кемдер китаплар буенча, ә кемдер яттан сөйләнде.
Гражданлык-патриотик тәрбия айлыгы кысаларында, бөек татар шагыйре, Советлар Союзы Герое Муса Җәлилнең тууына 116 еллыгы уңаеннан Баландыш төп мәктәбендә “ Батырлыгы белән җырларга кергән шагыйрь”интеллектуаль уены узды. Китапханәче Мөбарәкшина Ф.Г. 2 командага М. Җәлилнең тормышы һәм иҗатына бәйле сораулар бирде. Уен кызыклы һәм мавыктыргыч булды.
Дөнья әдәбиятында шагыйрьләр күп, герой буларак, Муса Җәлил фашист лагерьларында язылган шигырьләре һәм җырлары, үлеме-батырлык белән танылган шәхес буларак билгеле. 15 февраль көнне Айдар авыл мәдәният йортында китапханә белән берлектә "Нәфис сүз"клуб берләшмәсе активистлары катнашында әдәби сәгать үтте, анда шагыйрьнең катлаулы биографиясе, аның иҗаты турында сөйләнде. «М.Җәлилнең Үлемсез юллары» исемле кычкырып уку чара барышында герой-шагыйрьнең шигырьләре һәм аның сүзләренә язылган "Җырларым"җыры яңгырады.
Муса Җәлил - әнә шундый исемнәрнең берсе. Бу исемне телгә алуга, аның кабатланмас шигырьләре һәм күпләр өчен кыюлык һәм батырлык үрнәге булган көрәше һәм эшчәнлеге күз алдына килеп баса. Ул – ялкынлы шигырьләр язган шагыйрь дә, илнең азатлыгы өчен көрәшкән курку белмәс, үлемне ирләрчә каршылаган каһарман да. 15 февраль көнне Муса Җәлилнең тууына 116 ел тулуга карата Урта Мишә авыл китапханәсендә клуб белән берлектә “Гомерем минем моңлы бер җыр иде” дип исемләнгән батырлык сәгате узды. Китапханәче шагыйрьнең тормыш юлы, иҗаты, Бөек Ватан сугышындагы батырлыгы турында сөйләде. Җәлил иҗат иткән шигырьләрне укучылар кычкырып укыды. Шулай ук Җәлилнең тормыш юлы һәм иҗатына багышланган китап күргәзмәсе оештырылган иде.
Чөнки бала өчен рәсем ясау шатлыклы һәм илһам китерә торган эш. Әлбәттә, моңа баланы берничек тә мәҗбүр итеп булмый, ә бары тик омтылдырырга кирәк. Үзләренең теләгәннәрен ясау белән аларның рәсем ясауга карата кызыксынулары арта. Бу аларга күңел күтәренкелеген тоярга ярдәм ярдәм итә.
12 февраль көнне Күкчә авыл клубында төрле берләшмәләргә йөрүче балалар "Минем сиңа бүләгем" дигән исем астында төрле рәсемнәр ясадылар.