ЯҢАЛЫКЛАР
Казаклар авыл китапханәсендә "Авыл урамнары буйлап китап белән" дип исемләнгән акция узды. Китапханәче авыл урамнары һәм эш урыннары буйлап үтте. Китапханәгә язылмаган авыл халкын китапханәгә чакырды, шулай ук китапханәдә булган әдәбиятны рекламалап, китапханәгә кайткан яңа китаплар, газета - журналлар белән таныштырды. Китапханәгә күптән йөрмәгән кешеләрне китапханәдә булган әдәбият кызыксындырыр һәм алар китап укучы булып язылырлар.
Олы Кибәхуҗа авыл клубында Олы Кибәхуҗа балалар бакчасында тәрбияләнүче балалар һәм аларның әти-әниләре катнашында зур театраль-концерт булып үтте. Быел бу концертны 2020 елдан башлап 4 нче елын куябыз. Тамаша халык белән шыгрым залда үтте.
Теләче муниципаль районы зона этабына 8 номинация буенча муниципаль этап җиңүчеләрен тәкъдим итте, шулай ук «Декоратив-кулланма эшләнмә», «Осталарның гаилә династиясе», Белоусовлар гаиләсе һәм «Иң яхшы күргәзмә экспозициясе» номинацияләрендә катнашты. Чарада гомуми белем бирү учреждениеләреннән һәм Балалар иҗат үзәгеннән 100 дән артык бала катнашты.
Бу тамаша яз көне кара жир күренә башлагач, каргалар килү хөрмәтенә үткәрелә торган бәйрәм. Шушы бәйрәмгә карты-яше, бала-чагасы - барысы да җыелды. Төрле ярмалардан зур казанда тәмле ботка пешерелде, бәйрәмебез кунаклары әлеге боткадан, кайнар коймактан, самовар чәеннән авыз иттеләр. Язның хәерле, иген-ашлыкның күп, дөньялар тыныч булуын теләп, калган ризык каргаларга сибелде. Чара концерт номерлары, төрле уеннар белән үрелеп барды. Эчтәлекле һәм күнелле узган бәйрәм барысына да күтәренке кәеф бүләк итте.
Биредә Шармыш авылы тарихы, истәлекле урыннары турында китаплар һәм фотоматериаллар тәкъдим ителде, алар җирлекнең искиткеч матурлыгын һәм П. Г. Пятницкийның архитектура мирасын ача. Шулай ук күргәзмә белән кызыксынучылар Теләче районыннан чыккан һәм районыбызда яшәп иҗат итүче язучыларыбызның һәм шагыйрьләребезнең биографияләре, иҗади юлы белән таныша ала. Әлеге әсәрләр татар халкы тарихы, туган якның матурлыгы, гореф-гадәтләре, көнкүреше турында сөйли.
2024 елның 13,14 апрелендә Саба муниципаль районында гомуми белем бирү оешмалары командалары арасында мәктәп волейбол лигасы Чемпионатының зона этабы узды. Ярышларда Саба, Әтнә, Балтач, Арча, Теләче, Кукмара, Питрәч, Биектау районнары командалары катнашты.
Ел саен 12 апрельдә бөтен дөньяда Космонавтика көне билгеләп үтелә. Бу бәйрәм көне совет космонавты Юрий Алексеевич Гагаринның 1961 елның 12 апрелендә Восток-1 космик корабында беренче космик очышын искә алу уңаеннан билгеләп үтелә. Бу көн шулай ук фән һәм бүгенге көндә космик тармакта эшләүчеләрне һәм галактиканы, космосны өйрәнүче барлык кешеләрне дә берләштерә.
«Почемучки» клубына йөрүчеләр Экологик белемнәр көненә багышланган "С кузовком, лукошком по лесным дорожкам" дип исемләнгән экологик сәяхәт үткәрделәр. Табигатьнең уянуын күзәтеп, балалар урманда үз-үзләрен тоту кагыйдәләрен һәм табигатьне саклауның мөһимлеге турында белделәр. Урман сукмаклары буйлап йөргәндә яшь экологлар табигать белән бәйле мәкальләрне һәм әйтемнәрне искә төшерделәр. Шулай ук «Русский лес – край чудес» викторинасында һәм «Лес - источник вдохновения», «Лесная аптека», «Что в лесу растет, кто в лесу живёт» конкурсларында катнаштылар. Бу биремнәрне үтәү балаларга үзләрен табигать тикшерүчеләре итеп хис итәргә ярдәм итте.
Бу көнне 1961елда космоска кешенең беренче очуы ясалды. 13 апрель көнне Урта Мишә авыл китапханәсендә клуб белән берлектә әлеге датага карата “Кеше. Галәм. Космос” исемле сәяхәт-дәрес үткәрелде. "Галәм киңлекләре" исемле күргәзмәгә күзәтү ясалды, беренче космик очыш, беренче космонавт Юрий Гагарин турында мәгълүмат бирелде. Укучылар "Космовикторина" интеллектуаль уенында актив катнаштылар һәм ракета рәсемнәрен җыйдылар.
12 апрель кешелек тарихында истәлекле дата - Космонавтика көне. Шул уңайдан Субаш авылы китапханәсендә клуб белән берлектә укучыларга “Йолдызларга юл” дип исемләнгән тематик сәгать үткәрелде. Укучылар космоска дүртаяклы дусларыбызның сәяхәт кылуын, беренче очучы -космонавт Ю.А.Гагарин язмышы, аның галәмгә тәүге очуы, Титов, Попович, Терешкова кебек космонавтлар белән таныштылар. Космонавт булу өчен ныклы сәламәтлек, түземлек, төрле көтелмәгән ситуацияләрдә югалып калмаслык аек акыл кирәклеге турында мәгълүмат алдылар. Шулай ук "Йолдызларга юл" китап күргәзмәсе белән дә танышу булып узды.