ЯҢАЛЫКЛАР

13
октябрь, 2015 ел
сишәмбе
Күргәзмә эшли башлады.
13 октябрь көнне Әбде авыл китапханәсендә рус халык язучылары һәм шагыйрьләренең алтын көзнең матурлыгын тасвирлаучы әсәрләрен үз эченә алган күргәзмә эшли башлады. Көз үзенең әкияти матурлыгы белән күңелләрне сихерли, җанга дәва бирә, шагыйрь һәм язучыларны иҗатка рухландыра.
Баландыш авыл китапханәсендә яңа кайткан китаплардан “Яңа китаплар - Сезне көтә” дигән күргәзмә куелды.
Китаплар алар кешенең иң якын дуслары, авыр вакытларда ярдәмче, киңәш бирүче. Кадерле балалар һәм хөрмәтле олкәннәр! Күңелле,мавыктыргыч китаплар сезне көтә, укырга ашыгыгыз дуслар!!!
10 октябрь көнне Казаклар авылы китапханәсе каршында эшләп килүче “Ахирәтләр мәҗлесе” әгъзалары һәм балалар белән берлектә татар халкының онытылып барган көнкүреш йоласы -“Кич утыру” үткәрелде.
Кичә башында халкыбызның милли йолалары, гореф- гадәтләре турында сөйләнде. Кичәдә халкыбызның милли уеннары “Йөзек салыш”, “Мәкаль әйтеш”,”Орчык тәгәрәтеш”,”Түгәрәк” һ.б. уеннар уйналды. Кул эшләре татар халык  җырлары блән бергә үрелеп барды. Кичә  халкыбызның милли ризыклары тулы өстәл артында дәвам итте. Бу кичәнең максаты - яшь буынга халкыбызның милли йолаларын, гореф – гадәтләрен, уен җырларын тапшыру.
11 октябрь – Авыл хуҗалыгы һәм эшкәртү сәнәгате хезмәткәрләре көне.
Тормышыбызның бер көнен дә табын күрке - икмәктән башка күз алдына китерү мөмкин түгел. Шул уңайдан Теләче җирлекара китапханәсендә фидакарь игенчеләребезнең, иртә таңнан караңгыга кадәр алны-ялны белми тырышып эшләүче терлекчеләребезнең, белгечләребезнең, хуҗалык җитәкчеләренең авыр хезмәтен чагылдырган күргәзмә эшләде. 
Көз – иҗат итү өчен иң кулай вакыт.
Табигый материалларның  күптөрлелеге,  балаларга иҗади сәләтләрен үстерү өчен мөмкинлекләр бирә. Балалар бакчада гына түгел, өйдә әти-әниләре белән бергәлектә дә эшли алалар. Теләченең беренче номерлы балалар бакчасында  уртанчылар төркеменә йөрүче балалар һәм аларның әти-әниләре белән бергәлектә, көзге нигъмәтләрдән  күргәзмә оештырылды. Әти-әниләр үзләренең осталыкларын күрсәттеләр.
5 октябрь көне Максабаш башланыч мәктәбендә Хезмәт көне буларак үтте.
Укучылар һәм аларның әти-әниләре көче белән мәктәп территориясендә җиләк-җимеш куаклары утыртылды. Катнашучыларның барысына да рәхмәт белдерәбез. Мәктәбебез киләсе елга тагын да матуррак һәм ямьлерәк булыр дип ышанып калабыз.
Без уйнарга яратабыз.
Уен – баланың тормышка әзерләнү күнекмәсе ул.Балаларны туган телдә дөрес һәм матур сөйләшергә өйрәтүдә, аларда сәнгатьле сөйләм күнекмәсе булдыруда сюжетлы-рольле уеннар аеруча нәтиҗәле. Шушы уеннар  вакытында баланың шәхесе формалаша, аң дәрәҗәсе үсә, ихтыяр көче арта.  
12
октябрь, 2015 ел
дүшәмбе
2015 елның 9 октябре көнне Мәдәният йортында Авыл хуҗалыгы һәм эшкәртү сәнәгате хезмәткәрләре бәйрәме көне уңаеннан Теләче районы Башлыгының кабул итү тантанасы булып узды.
Очрашуда Министрлар Кабинеты ветеринария идарәсе начальнигы урынбасары Гараев А.Р. һәм  ООО «Саба ПМК» ген.директоры Талипов И.И. катнаштылар. Тантанада 60 тан артык авыл хуҗалыгы алдынгылары тәбрикләнде.
Ак калфак".
Шәтке авылы китапханәсендә эшләп килүче "Ак калфак" хатын-кызлар берләшмәсе чираттагы утырышына җыелды. Алар  "Уятмакчы булсан халык күңелләрен" дигән фестивальдә чыгыш ясау өчен милли  уен йолаларын өйрәнә  башладылар.
Өмә уздырганнар.

Шушы көннәрдә  Ачы  авылы  мәдәният  йорты  каршындагы  яу кырында ятып  калучылар хөрмәтенә куелган һәйкәл янында өмә  уздырганнар.  
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International