ЯҢАЛЫКЛАР

Җиңүнең 70 еллык юбилей уңаеннан " Җиңүгә илткән юллар!" фестивале кысаларында 7 май көнне район мәдәният йортында Айдар җирлеге үзешчәннәре көче белән куелган С. Шакуровның «Саф күңелгә тап төшми» драмасы сәхнәләштерелде.

Әсәр эчтәлекле, эпизодларның да тетрәндергеч булуы, күңелгә үтеп керердәй һәм күз яшьләрсез карап утыру мөмкин булмаган күренешләре белән аерылып тора. Тол калган хатыннар,  улларын җуйган аналар, мәһәббәт һәм нәфрәт турында барган әлеге әсәрнең эчтәлеген ачып бирә алды Айдар мәдәният йорты үзешчәннәре. 

Татар теле фәненнән бердәм республика тестлары.

12 нче апрель көнне IX  сыйныф укучылары өчен Мәгариф һәм фән министрлыгының   2015 ел  13 нче мартында расланган № 1518/15 боерыгы нигезендә татар теленнән бердәм республика тестлары үткәрелде.Татар теле  фәненнән тест бирүдә, Теләче урта мәктәбеннән 60 укучы катнашты. 

9 май-Бөек Җиңүнең 70 еллыгы уңаеннан уздырылган бәйрәм Ямбулат авылында иң элек һәйкәл янында митинг булды.

Аннан соң Ямбулат авылы клубында ветераннар һәм сугыш чоры балалары каршында "Алар даны мәңгелек" дип исемләнгән концерт программасы күрсәтелде.  Бәйрәм кичәсе чәй табыны артында дәвам итте.

8 май көнне Олы Мишә авыл җирлегендә Бөек Җинүнең 70 еллыгына багышланган бәйрәм чарасы узды.

Олы Мишә авыл җирлегендә һәйкәл ачылды. Һәйкәл ачу тантанасына авылның яше- карты, Бөек Ватан сугышы һәм тыл ветераннары җыелды.

2015 елның 11 маенда Арчада Бөек Җиңүнең 70 еллыкка багышлап, 2002-2003 елда туган ир-егетләр арасында алкалы хоккей буенча турнир булып үтте.

Спорт мәктәбе тренеры Галимов Н.М. һәм вәкиле Салахов Н.А. җитәкчелегендә Теләче мәктәбе укучыларыннан торган безнең район командасы да чыгыш ясады.Барлыгы 4 команда,70 яшь хоккейчы катнашты.

9 май көнне Бөек Җиңүнең 70 еллыгына багышланган тантаналы митингта Әбде урта мәктәбе укчылары катнашты.

Бәйрәмгә  безнең мәктәп укучылары сугышта катнашкан бабаларының фоторәсемнәрен күтәреп чыгып  “Үлемсез полк” акциясендә катнаштылар.Укучылардан һәм укытучылардан торган колонна Әбде авылы урамы буйлап үтте. 

8 май көнне Урта Мишә авыл клубында китапханәче , мәктәп белән берлектә Бөек Җиңүнең 70 еллыгына багышланган «Һәр тарафта җинү шатлыгы,күңелләрдә сугыш ярасы» - исемле бәйрәм кичәсе үткәрелде.

Кичәгә авылыбызның тыл ветераннары һәм сугыш чоры балалары чакырылды. Бәйрәмгә килгән өлкәннәребезне котлап укучылар чыгыш ясадылар. Бәйрәм җыр, биюләргә бай булды. Бәйрәм кичәсе чәй өстәле артында дәвам итте.

Югары сыйныф укучылары өчен «Экология и энергетика -2015» 9 нчы Халыкара Олимпиада.

Шармыш төп гомуми белем бирү мәктәбенең 8 нче сыйныф укучысы Христофоров Е.  Интернетта  югары сыйныф укучылары өчен «Экология и энергетика -2015» 9 нчы Халыкара Олимпиадада катнашты һәм 1 нче урынны алды (җитәкчеләре:   география укытучысы Христофорова Е.В.,  химия укытучысы Пашагина С.П.).

6 май көнне Субаш башлангыч мәктәбендә мәдәният хезмәткәрләре белән берлектә Бөек Җиңүнең 70 еллыгы уңаеннан митинг үткәрелде.

Бәйрәмгә сугыш һәм тыл ветераннары чакырулы иде. Бәйрәм кичәбез авыл үзешчәннәренең матур җырлары белән үрелеп барылды. Ахырдан бәйрәм чәй табыны артында үтте.

«Родные лица Победы».

7 май көнне Балалар иҗат үзәге  түгәрәгенә йөрүче Шайхлисламова Рәмилә Рамил кызы, өстәмә белем бирү педагогы Нигматзянова Ландыш Илсур кызы җитәкчелегендә, Татарстан Республикасы президенты Миннеханов Рөстәм Нургали улы һәм район главаларының Бөек Ватан сугышы ветераннары, тыл ветераннары белән очрашуында катнашып кайттылар.