ЯҢАЛЫКЛАР
Чәчәкләрне үз кулларың белән сәйләннән ясау буенча гаҗәеп чара, чөнки чәчәкләр һәрвакыт кешенең игътибарын җәлеп иткән, алар белән йортларны һәм киемнәрне бизәгәннәр.
Бу бәйрәм - китапка гашыйк, кызыксынучан балалар һәм өлкәннәр, яңа әдәби ачышлар һәм күңелле маҗаралар бәйрәме дә.
Өмәдә барлык коллектив актив рәвештә катнашты. Карлар таратылды, йөри торган сукмаклар себерелде. Бакчабыз яны бик матур, чиста булып калды.
Ханс Кристиан Андерсен - Дания язучысы һәм сәяхәтчесе, 30 дан артык илдә булып кайткан. Аның әкиятләре классикага әверелде һәм әлегә кадәр бөтен дөнья буйлап балаларны һәм өлкәннәрне илһамландыра. Әлеге көн уңаеннан Үзәк урта гомуми белем бирү мәктәбендә китапханәче әкиятче – язучы, әкиятләре балалар арасында популяр булган Андерсен турында мәгълүмат сәгате үткәрде. Укучылар аның тормышы һәм иҗаты турында бик күп яңалыклар белделәр, шулай ук зур кызыксыну белән аның әкиятләрен укыдылар. Чара ахырында балалар авторның әкиятләре укучыларны игелеккә, мәхәббәткә, шәфкатьлелеккә өйрәткәнен аңладылар.
Кеше наркотиклар тәэсирендә булганда уйланылмаган гамәлләр кыла ала. Китапханәче бу матдәләрнең зыяны турында сөйләде, наркотикларга каршы социаль видеоролик күрсәтте, уен уздырды. Уен барышында һәр катнашучы наркотик матдәләр һәм аның нәтиҗәләре турында язылган капчыктан карточка тартып чыгардылар. Барлык катнашучылар наркотикларның бәйлелеккә китерергә мөмкинлеген аңладылар, кешенең сәламәтлегенә һәм тормышына зарарлы йогынты ясау турында белделәр. Чара ахырында аларга наркотикларның зыяны һәм аларга каршы көрәш ысуллары турында мәгълүмат буклетлары таратылды.
27-31 март көннәрендә Түбән Новгород өлкәсендә Татарстан җыелма командасы 19 яшькә кадәрге яшүсмерләр арасында (ишетмәүчеләр спорты) бадминтон буенча Россия беренчелегендә катнашты. Республика җыелма командасы өчен Теләченең ДООЦ һәм Баландыш төп гомуми белем бирү мәктәбе укучысы Тимербаев Раил чыгыш ясады һәм ир-атлар арасында ялгыз разрядта 3 нче, ир-атлар арасында парлы разрядта 3 нче урынны алды. Раилне котлыйбыз.
Аның максаты - кошларның төрләрен һәм санын саклау. Әлеге көн уңаеннан Урта Мишә авылы китапханәсендә клуб белән берлектә «Кошлар -безнең дуслар!» дип исемләнгән экологик дәрес үткәрелде. Чара барышында балалар кошлар дөньясы белән таныштылар, кошлар турында ничек кайгыртырга кирәклеген, күп кошларның юкка чыгу алдында торуын белделәр. Экологик сәгать ахырында катнашучылар үзләренең яраткан кошларын сурәтләделәр һәм бу рәсемнәрдән «Исәнмесез кошлар, безнең дуслар!» исемле күргәзмә оештырдылар.
2025 елның 3 апрель көнне Теләче муниципаль районы ҖЧҖ «Август Теләче» хуҗалыгында тракторларга хәм арбаларга дәүләт техник карау уздырылды.
Балалар китабы киләчәк буынны тәрбияләүдә, тормышта дөрес юнәлеш сайлауда зур ярдәмче булып тора. Китап укып үскән баланың күңеле чиста, уйлау сәләте югары дәрәҗәдә була. Әлеге көн уңаеннан Казаклар авылы китапханәчесе Олы Кибәхуҗа башлангыч мәктәбендә «Китап - сер, китап - хәзинә, китап - балаларның иң яхшы дусты» дип исемләнгән әдәби сәгать үткәрде. Чара барышында балалар викторина сорауларына җаваплар бирделәр. Ахырдан китапханәче балаларны күргәзмәдәге кызыклы китаплар белән таныштырды, балалар күңелләренә ошаган китапларны алып укыдылар. Әдәби сәгать файдалы һәм мавыктыргыч булып үтте.
Нәкъ менә шул көнне дусларны һәм хәтта әти-әниләрне дә шаяртырга мөмкин. Матур, күңелле итеп көлү - ул искиткеч витамин һәм тормышның иң куәтле, иң кыйммәтле эликсиры. Шуңа күрә көлүнең кеше сәламәтлегенә уңай йогынты ясавына ышанырга була. Бәйрәм көнне Шәтке авылы мәдәният хезмәткәрләре «Көләргә рөхсәт ителә» дип исемләнгән чара үткәрделәр. Чарада катнашучылар тормышта булган кызыклы вакыйгалар белән уртаклаштылар, дуслары өчен скетч куйдылар. Әлеге көнне беркем дә үз хисләрен белдерергә оялмады, тирә-юньдәгеләргә күтәренке рух һәм шатлык бүләк итте.