ЯҢАЛЫКЛАР

2025 елның 3 мартында Югары Кибәхуҗа урта мәктәбенең «Кече Кибәхуҗа төп гомуми белем бирү мәктәбе» филиалы базасында «Табигый һәм төгәл фәннәр», «Гуманитар фәннәр», «Кеше белеме», «Культуралогия» юнәлешләре буенча кече сыйныф укучыларының тикшеренү эшләре һәм проектлары буенча «Мин - тикшеренүче»район конкурсының йомгаклау этабы үткәрелде. Конкурста 17 укучы катнашты.

Бөек Ватан сугышында Җиңүнең 80 еллыгы уңаеннан бүген Теләченең 3нче номерлы  балалар бакчасында мобилизацияләнгән сугышчыларга "Барысы да Җиңү өчен"дигән гуманитар ярдәм җыю акциясе узды. Акциянең максаты солдатларның сугышчан рухына  күтәрү,ярдәм итү, гражданнарның бердәмлеген күрсәтү, бергә булу, ватандашларыбызны һәм хәрби хезмәткәрләребезне ташламау. Хезмәткәрләр һәм педагоглар озак вакыт саклау продуктларны (тиз әзерләнә торган ашлар, чәйләр ), шәхси гигиена әйберләрен, перчаткалар җыйдылар һәр бер төре 80 дәнә.

Хезмәткәрләргә һәм педагогларга әлеге акциядә актив катнашулары өчен зур рәхмәт. Иң мөһи­ме – ир-егетләр безнең ярдәмне тойсыннар, исән-имин әйләнеп кайтсыннар.

Яшьләрнең игътибарын сәламәтлекне саклау һәм ныгыту мәсьәләләренә җәлеп итү максатыннан Теләче үзәк китапханәсе хезмәткәрләре «Җылылык бүләк итәм» урам акциясе үткәрделәр.                             Кеше өчен сәламәтлек – тормышның төп кыйммәте ул. Акция кысаларында укучыларга сәламәтлекләрен саклау буенча файдалы киңәшләр язылган буклетлар тапшырылды. Әлеге буклетлардан укучылар кеше үзе актив тормыш алып барырга – көннең рациональ режимын тотарга, дөрес тукланырга, тиешле хәрәкәт активлыгын сакларга икәнлеген белә алдылар.

Укучылар белән кеше сәламәтлегенә йогынты ясый торган факторлар, сәламәт яшәү рәвеше кагыйдәләре, сәламәтлекне саклау һәм ныгыту ысуллары турында сөйләшенде. Физик яктан гына түгел, акыл ягыннан да сәламәт булу өчен күп белергә һәм укырга кирәк. Сәламәтлегеңне ничек ныгытырга соң? Авырулардан котылу өчен нәрсәләр белергә кирәк? Нәрсә ул сәламәт яшәү рәвеше? Әлеге һәм башка сорауларга җавапларны балалар чара вакытында белделәр. Чара ахырында балалар: «Һәр кеше үз сәламәтлеген булдыручы, шуңа күрә физкультура, чыныктыру һәм шәхси гигиена кагыйдәләрен үтәү бик мөһим», - дигән нәтиҗәгә килделәр. Шулай ук укучылар өчен «Сәламәт тәндә – сәламәт акыл» дип исемләнгән китап күргәзмәсенә күзәтү үткәрелде.

Китапханәче бу искиткеч бәйрәмнең барлыкка килү тарихы турында сөйләде. Яшь укучылар «Кызыклы китап артыннан», «Әкият героен тап», «Китап турында беләсеңме?» әдәби уеннарында бик теләп катнаштылар. «Исәнме китап йорты» дип исемләнгән китапханә буенча экскурсия балалар өчен күңелле һәм истә калырлык узды, ә «Балачакның яраткан китаплары» квест - уены барысына да ошады. Балалар китабы атналыгы тәмамланды, ләкин яраткан китаплар белән очрашулар беркайчан да бетмәячәк.

2 апрель көнне Халыкара балалар китабы көне уңаеннан Иске Җөри авылы модель китапханәсендә «Китап иле - серле дөнья» дип исемләнгән әдәби сәгать үткәрелде. Балалар бәйрәмнең барлыкка килү тарихын — Халыкара балалар китабы көнен, әлеге көнне Даниянең бөек язучы - әкиятчесе Ханс Христиан Андерсен белән бәйле икәнен белделәр. Шулай ук, китапханәче Андерсенның балачагы, иҗаты белән белән таныштырды. Аннары балалар «Әкият викторинасы»нда, китап турындагы мәкальләр һәм әйтемнәр буенча белемнәрен күрсәттеләр. Чара Андерсен әкияте буенча мультфильм карау белән тәмамланды.

Бу датаның нәкъ менә шушы көнне билгеләп үтелүе очраклы түгел. Ул, балалар яратып укый торган эчтәлекле дә, кызыклы да булган бик күп китаплар авторы, әкиятче -  Ханс Кристиан Андерсен белән бәйле. Әлеге көн уңаеннан Субаш авылы китапханәсендә китап укучы балалар белән танып - белү сәгате үткәрелде. Алар китапханәче белән серле китап иленә сәяхәт кылдылар. Шулай ук, китапханәдә «Китаплы балачак илендә» дип исемләнгән күргәзмә эшләде, анда яшь укучыларга әкиятләрнең тылсымлы дөньясын ачкан Х. К. Андерсенның искиткеч әсәрләре тәкъдим ителде.

6 апрель көнне 1 төркем укучыларыбыз бадминтон буенча шәхси кубок ярышларында  унышлы катнашып кайттылар. 8 нче сыйныф укучысы Җаббарова Фәридә 1нче урынны, 7 нче сыйныф укучысы Гайнетдинов Рәсүл һәм 9 нчы сыйныф укучысы Тимербаев Раил 3 нче урыннарны, ә тренер Җаббаров А.Ф. 2 нче урынны  яулады. Котлыйбыз аларны!

2004 елдан бирле үткәрелә торган Акция белемне, рус теленә кызыксынуны арттыруга, рус сөйләм мәдәниятен саклауга һәм үстерүгә юнәлдерелгән. Бу көнне барлык теләүчеләр дә рус теленнән белемнәрен тикшерә алдылар. Диктантны язуда Теләче урта мәктәбе укучылары катнашты. Текстны Теләче урта гомуми белем бирү мәктәбенең рус теле һәм әдәбияты укытучысы Нуртдинова Елена Яковлевна укыды.

Ул - киңәшче дә, ярдәмче дә, уйландыручы да, дөреслеккә юл күрсәтүче дә. Балалар китабы киләчәк буынны тәрбияләүдә, тормышта дөрес юнәлеш сайлауда зур роль уйный. Китап укып үскән баланың күңеле саф, фикерләү дәрәҗәсе югары була.                                                                        Халыкара балалар китабы көне уңаеннан 3 апрель көнне Урта Мишә авылы китапханәсендә клуб белән берлектә «Могҗизалы китап илендә» дип исемләнгән әдәби сәгать үткәрелде. Китапханәче балаларны бу көннең барлыкка килү тарихы белән таныштырды. Шулай ук, «Китапны яратыгыз» китап күргәзмәсенә күзәтү ясады.