ЯҢАЛЫКЛАР

Максабаш авылы китапханәсендә Пушкин картасы кысаларында «Кыш Бабайның туган көне» дип исемләнгән танышу - күңел ачу чарасы уздырылды. Без барыбыз да балачактан ук Яңа ел бәйрәмнәре белән Кыш бабайның безнең өйгә килүенә күнеккәнбез. Китапханәче балаларга рус мифологиясендә Кыш бабайны ничек атаулары, ни өчен туган көне ноябрьдә, ничә яшь, бу көнне туган ягында Бөек Устюгта нәрсә эшләве турында сөйләде. Китапханәдә шулай ук теләкләр һәм бүләкләр күргәзмәсе эшләнде.

Әни сүзе дөньядагы иң кадерле сүз дисәк, һич тә ялгыш булмас, чөнки әни — безне үз карынында саклап йөртеп, якты дөньяга аваз салган көннән башлап кайгыртучы, олы тормышка аяк баскач, үзенең киңәшләрен бирүче, безнең өчен һәрвакыт догада булучы иң якын һәм изге кеше. 

«Пушкин картасы» проекты кысасында 24 ноябрь көнне Сауш авыл китапханәсендә алмаз бөртекләре белән чигү техникасында картиналар ясау буенча осталык дәресе үткәрелде, аны алмаз мозаикасы дип тә атыйлар.

Чара башында китапханәчеләр балаларга язучының биографиясе һәм иҗаты турында сөйләделәр. Балалар Н.Н.Носовның «Живая шляпа», «Фантазеры», «Огурцы», «Мишкина каша», «Витя Малеев в школе и дома» китаплары белән таныштылар. Чара барышында балалар викторина сорауларына җавап бирделәр, әсәрләр буенча экран ярдәмендә яраткан мультфильмнарын искә төшерделәр.

Милли мәдәниятләр һәм гореф-гадәтләр елы уңаеннан 24 ноябрь көнне Урта Мишә авыл китапханәсендә “Гаилә көнкүрешендәге мәдәният һәм гореф-гадәтләр” дип исемләнгән танып-белү сәгате үткәрелде. Чарада катнашучылар татар халкының мәдәнияте: татар милли киемнәре, татар халкының көнкүреше, бәйрәмнәре белән танышты. Шулай ук  “Йола, гореф-гадәт һәм бәйрәмнәребез – безнең рухи мирасыбыз, байлыгыбыз” исемле китап күргәзмәсенә күзәтү үткәрелде.

Күкчә авыл китапханәчесе балалар язучысы, драматург, киносценарист Николай Николаевич Носовның тууына 115 ел тулу уңаеннан Николай Носовның "Бобик в гостях в Барбосе" исемле хикәясе буенча презентациядән фрагментлар күрсәтү оештырды. Носов китапларын илнең барлык балалары да белә һәм ярата. Бу китаплар кызыклы, күңелле һәм уйланырга мәҗбүр итә торган. Әсәрләрнең төп геройлары - балалар, хыялыйлар, еш кына мәгънәсез хәлләргә эләгә торган фантазерлар. Шулай ук китапханәдә "Николай Носов хикәяләре битләре буенча" дигән темага китап күргәзмәсе дә оештырылган иде.

Аның балалар өчен язган шигырьләре фантазия байлыгы, иксез-чиксез юморлы булуы белән балаларны үзенә җәлеп итә. Автор тарафыннан 30 га якын китап язылган, аңа бу хезмәтләре өчен Ганс Христиан Андерсен исемендәге халыкара премиясе бирелә. Танылган татар язучысы Шәүкәт Галиевнең тууына 95 ел тулу уңаеннан Кукчә мәдәният хезмәткәрләре “Шәүкәт Галиевка кунакка” дип исемләнгән әңгәмә үткәрделәр.  Алар яшь укучыларны язучының биографиясе, иҗаты белән таныштырдылар. Әңгәмә барышында “Тылсымлы сүзләр” берләшмәсенә йөрүче балалар аның кызыклы шигырьләрен яратып укыдылар.

Бу Владимир Иванович Дальның туган көне, бөек рус теленең аңлатмалы сүзлеген төзүче. Сүзлекләр көне - бик кирәкле бәйрәм, чөнки бүгенге көндә төрле яклардан килгән чиксез мәгълүмат агымында дөреслекне билгеләү кыенрак булган чаклар да аз түгел. Шулчак, безгә ышанычлы булган  сүзлекләр ярдәмгә килә.

Татар балалар язучысы Шәүкәт Галиевнең тууына 95 ел тулу уңаеннан Казаклар авыл китапханәсендә “Юмор – шагыйр табигатендә“ дигән әдәби сәгать узды. Китапханәче балаларны шагыйрьнең биографиясе һәм иҗаты, аның китаплары белән таныштырды. Шигърият сөючеләр аның шигырьләрен укыдылар. Чарага «Шәүкәт Галиев – балаларга» дип исемләнгән китап күргәзмәсе әзерләнде. Ахырда балалар Шәүкәт Галиев китаплары уку өчен кызыклы, гыйбрәтле һәм буш вакытларын күңелле уздырырга ярдәм итә дигән нәтиҗәгә килделәр.

24 ноябрь көнне Теләче балалар китапханәсендә кече яшьтәге мәктәп укучылары белән «Йөрәк җырым сиңа, әнием...» дип исемләнгән әдәби сәгать булып узды. Әниләр көне – ул искиткеч матур, күңелгә үтеп керә торган бәйрәм. Бу көн һәрберебезнең тормышында иң мөһим кеше әни булуын искә төшерә. Балалар белән төрле уеннар, конкурслар үткәрелде. Кичә әниләр турында шигырьләр уку белән тәмамланды.