ЯҢАЛЫКЛАР
1991 елның 29 ноябрендә ТР Югары Советы республиканың дәүләт символларының берсе сыйфатында Татарстанның заманча флагын кабул итте. Бу көн республикада рәсми рәвештә билгеләп үтелми, әмма Татарстан өчен дә, дөньяның барлык татарлары өчен дә тарихи вакыйга булып тора. Шул уңайдан Кукчә авылы мәдәният хезмәткәрләре Татарстан Дәүләт флагы көне темасына әңгәмә үткәрделәр. Алар үзләренең мәдәни мирасын аңлауның, аны саклап калуның һәм киләчәк буыннарга тапшыруның мөһимлеге турында сөйләделәр. Шулай ук балаларга беренче әләмнәрнең кайчан пәйда булуы, триколор төсләре, ТР флагы нинди очракларда күтәрелүе турында сөйләделәр. Балалар өч рәсми символ - Татарстан Республикасы флагы, гербы һәм гимны турында кызыклы фактлар белделәр.
29 ноябрьдә Татарстан Республикасы Дәүләт флагы көне билгеләп үтелә.
Безнең Теләче 3нче номерлы балалар бакчасының барлык төркемнәрендә «Бер флаг – бер Татарстан» дигән тематик әңгәмәләре үткәрелде, төркемнәрдә төрле продуктив эшчәнлек башкарылды.
Бу атнада мәктәпкәчә яшьтәге төркем тәрбиячеләре методик берләшмәдә тәҗрибә уртаклаштылар. Безнең Теләче 3нче номерлы балалар бакчасыннан үз тәҗрибәсе белән 1 категорияле тәрбиячеләр Шакирова Г.И., Хафизова А.Р. Хазинурова Г.Р. уртаклаштылар. Дөрес сайланган материал, сабыйларны оештыра белү - ул һәр тәрбияченең шәхси тәҗрибәсе генә түгел, ә иң беренче чиратта, ачык күрсәтүләр вакытында алган тәҗрибә дә.
Татарстан Республикасы флагы көне ел саен 29 ноябрьдә билгеләп үтелә. Бу көнне 1991 елда ТР Югары Советы республиканың Дәүләт флагын раслады. Бу вакыйга барлык татарстанлылар өчен тирән әһәмияткә ия һәм бердәмлекне, ватанпәрвәрлекне һәм Ватаныбыз өчен горурлыкны символлаштыра.
28 ноябрь көнне Урта Мишә авылы мәдәният хезмәткәрләре Әниләр көненә карата «Йөрәк җылым сиңа, әнием!» исемле әдәби кичә үткәрделәр. Кадерле әниләребезгә җырлар-шигырьләр, матур теләкләр бүләк иттек. Чараны уздыру барышында әниләр үзләре дә төрле уеннарда актив катнаштылар. Тормыш мәшәкатьләрен бераз гына булса да оныттырып, күңелле итеп ял иттек. Бәйрәм программасы тәмле күчтәнәчләр белән бергәләп чәй эчү белән тәмамланды.
Сәламәт яшәү буенча эш алымнары күп төрле. “Минем сәламәтлегем – минем кулда” дип исемләнгән спорт сәгате дә балаларда, яшьләрдә спортка карата уңай караш тәрбияләү максатыннан чыгып үткәрелде. Кеше сәламәтлеге-ул безнең һәрберебезнең тормышының төп кыйммәте. Аны бернинди акчага һәм кыйммәтле әйберләргә сатып алып булмый. Сәламәт тәндә – сәламәт акыл.
2024 елның 28 ноябрендә Кукмара шәһәрендә, өстәмә белем бирү педагогы Рөстәм Габделгазиз улы Хәбировның яшүсмерләр командасы, 2007- 2008 елда туган егетләр арасында мини – футбол буенча Татарстан Республикасы беренчелегенең зона этабында катнашты. Уен нәтиҗәләре буенча безнең команда 2 нче урынны алды. Уеннар нәтиҗәләре буенча безнең команда 2 нче урынны алып финалга чыкты. Финал уеннары 2024 елның декабрендә Буа шәһәрендә узачак.
27 ноябрь көнне Теләченең "Киләчәк" яшьләр үзәгендә Теләче җирлекара китапханәсе оештырган "Сүзләр балкышы" нәфис сүз бәйгесенең йомгаклау тантанасы булып узды. Конкурста 5 яшьтән 21 яшькә кадәр яшь аралыгында өч категориягә бүленеп 142 бала катнашты. Конкурсның җиңүчеләре l, ll, lll дәрәҗә диплом һәм истәлекле бүләкләр белән бүләкләнделәр. Әлеге чарада катнашучылар шигърият дөньясының никадәр матур булуына тагын бер кат инандылар.
2024 елның 28 ноябрендә Кукмара шәһәрендә, өстәмә белем бирү педагогы Рөстәм Габделгазиз улы Хәбировның яшүсмерләр командасы, 2007- 2008 елда туган егетләр арасында мини – футбол буенча Татарстан Республикасы беренчелегенең зона этабында катнашты. Уен нәтиҗәләре буенча безнең команда 2 нче урынны алды. Уеннар нәтиҗәләре буенча безнең команда 2 нче урынны алып финалга чыкты. Финал уеннары 2024 елның декабрендә Буа шәһәрендә узачак.
Халыкара инвалидлар көне алдыннан Теләче 3нче номерлы балалар бакчасы педагог-психолог Саетова Д.Р. мәктәпкә әзерлек төркеме балалары белән «Җылылык нурлары бүләк итәбез» исемле иҗат сәгате үткәрде. Балалар төсле карандашлар, акбур, гуашь краскаларын кулланып, катнаш рәсем техникасы буенча рәсем ясадылар. Балалар бакчасы фойесында тәрбияләнүчеләрнең рәсемнәреннән күргәзмә оештырылды.