ЯҢАЛЫКЛАР

20 ноябрь көнне  башлангыч сыйныф укучылары мәктәп китапханәсендә  кунакта булдылар. Китапханәче  Сафиуллина Р.З. китапханәгә килүче газета- журналлар белән таныштырды.  Укучылар “Ялкын”,  “Сабантуй”, “Салават күпере” журналларын бик кызыксынып карадылар. Сафиуллина Р.З. журналлар буенча әңгәмә үткәрде. Бергәләп табышмакларга җавап эзләделәр, кроссворд, ребуслар чиштеләр. Ахырдан укучылар үзләрен кызыксындырган сорауларга җавап алдылар.

Жюри әгъзалары җибәрелгән видеоязмаларны карап бәя бирде. Халыкара әдәби бәйгегә районыбыздан барлыгы 183 эш кабул ителде, шуның 42се – китапханәчеләр тарафыннан җибәрелгән иде. Ел саен уздырыла торган әлеге конкурс сөйләм телен үстерү һәм матур әдәбиятка кызыксыну уяту, шигъри сүзнең асылын һәм аһәңен тоярга өйрәнүне максат итеп куя. Барлык катнашучыларга рәхмәтебезне җиткерәбез, алдагы бәйгеләрдә дә актив катнашуыгызны көтеп калабыз.

18 ноябрьдә, ел саен үткәрелә торган «Экологлар – яшь табигать сакчылары» Бөтенроссия дәресе кысаларында, бакчабызда экологик шөгыльләр үткәрелде. Шөгыльләрнең максаты- балаларның экологик белемнәрен тирәнәйтү,экологик яктан  җаваплык формалаштыру.

Экология дөньякүләм әһәмиятле, мөһим мәсьәләләрнең берсе булып тора. Ул үзенең актуальлеге белән бүген бөтен кеше алдына килеп басты. Бүгенге көндә табигатьне саклау, балаларга экологик тәрбия бирү иң зур проблемаларның берсе булып тора. Чөнки сулаган һавабыз, эчәр суыбыз пычрак, үстергән җиләк-җимешләребез төрле авырулар китереп чыгара

 башлады. Табигать , бөтен тереклек зур куркыныч астында. Куе кара урманнар, яшел болыннар,тирән сулы елгалар кая китте? Бу сораулар һәркемне уйландыра. Менә шуның өчен бөтен көчебезне табигатьне саклауга, экологик хәлне яхшыртуга юнәлдерергә тиешбез.Табигатьнең киләчәге, бөтенлеге кеше кулында. 2020 елның 18 ноябрендә  Шәдке  балалар 

бакчасында «Экологлар – яшь табигать сакчылары» -дигән темага  шөгыль узды. 

Татарстан Республикасы Хезмәт, халыкны эш белән тәэмин итү һәм социаль яклау министрлыгының «Родник» халыкка социаль хезмәт күрсәтү үзәгенең өйдә социаль хезмәт күрсәтү бүлеге хезмәткәрләре график буенча финанс грамоталылыгы буенча онлайн дәресләр тыңлыйлар. "Онлайн-дәресләр финансграмоталылыгы", безнең хезмәткәрләргә база дәрәҗәсе финанс белемнәрен алырга ярдәм итә. Экспертлар финанс планлаштыру, инвестицияләү, иминиятләштерү, банк карталарын куллануның өстенлекләре турында сөйлиләр. Финанс  базарында  куркынычсызлык кагыйдәләренә һәм финанс хезмәтләреннән файдаланучыларның хокукларын яклауга аерым игътибар бирелә.

Лекцияне оештыручы-Россия Федерациясенең Үзәк банкы.Онлайн-лекцияләрнең уңай ягы, турыдан-туры эфирда элемтә булу. Бүгенге көндә лекцияләрне 16 кеше тыңлады.

Бу бәйге татар телен, мәдәниятен саклау һәм үстерү, Муса Җәлилнең иҗади мирасын популярлаштыру, бөек шагыйрь иҗатына кызыксынуны арттыру, яшь буынга патриотик тәрбия бирү, яшь талантларны ачыклау максатыннан үткәрелә. 17 ноябрь көнне Ямбулат авылы китапханәсе укучысы Гыйльфанова Азалия Муса Җәлилнең "Җилләр" шигыре белән бу бәйгегә кушылды.

Балалар зур кызыксыну һәм сокланулы караш белән китапханәченең сөйләвен тыңладылар. Ул  китаплар белән ничек дөрес эш итәргә, китапларны ничек сайларга һәм китапханәдә үзеңне ничек тотарга кирәклеге турында сөйләде. Укучылар төрле китаплар, журналлар белән таныштылар, китапларның китапханәдә нинди принцип буенча тезелүен белделәр.  

Кече яшьтәге балаларны йорт хайваннары белән таныштыру. Хайваннар дөньясы-безнең тормышыбызның мөһим өлеше. Һәр бала әйләнә-тирә дөньяны танып, аны тотып карарга, уйнарга тырыша. Табигатькә мәхәббәтне балачактан ук тәрбияләргә - аны кайгыртырга һәм сакларга өйрәтергә кирәк. Тәбигатьнең мөһим өлешен хайваннар алып тора. Барыннан да элек, бала хайваннар дөньясын белә, аның янәшәсендә яшәүчеләр белән таныша.

18 ноябрьдә Теләче урта мәктәбендә юл йөрү кагыйдәләрен үтәү, юлларда куркынычсызлык турында сыйныф сәгатьләре үтте.

18 ноябрьдә Россия Федерациясе Мәгариф министрлыгының «Чараларда катнашу турында» 30.10.2020 ел, №06-1191  ,Татарстан Республикасы Мәгариф һәм фән министрлыгының 05.11.2020 ел, №12715/20 хатлары нигезендә, Татарстан Республикасы Теләче районы Баландыш төп гомуми белем бирү мәктәбендә  «Экологлар- табигатьне саклаучы яшьләр " Бөтенроссия экология акциясы  кысаларында  экология дәресе  үткәрелде. Дәреснең максаты булып :  тәрбияләнүчеләрнең экологик  белемнәрен арттыру,  экологик тәртип формалаштыру, табигый-фәнни грамоталылыкны үстерү тора.