ЯҢАЛЫКЛАР

6 гыйнвар көнне  Сауш авыл китапханәсендә "Ак калфак"  берләшмәсе  активлары катнашында  Татарстан Республикасының күренекле халык язучысы,  Г.Тукай исемендәге Дәүләт премиясе лауреаты Г.Бәшировның тууына 125 ел тулуга багышлап "Туган як һәм гүзәллек җырчысы" дигән әдәби кичә үткәрелде. Чарада катнашучылар язучының биографиясе, беренче хикәяләре – туган җир темасын чагылдырган беренче "Яңа сугыш" китабы белән таныштылар. Шулай ук "Туган ягым – яшел бишегем" повестеннан өзекләр дә укылды. Анда әдип  милли гореф-гадәтләрне бик яхшы итеп тасвирлый. Китапханәдә Г.Бәширов иҗаты буенча китап күргәзмәсе куелып, язучының иҗатына күзәтү дә үткәрелде.

9 гыйнвар көнне Теләче балалар китапханәсе хезмәткәрләре балалар өчен «Яраткан китапларыбыз шатлык бүләк итә» дип исемләнгән кычкырып китап уку сәгате оештырдылар. Чарага кече яшьтәге мәктәп укучылары чакырылган иде. Башта китапханәче укуның файдасы, китапларның тәрбияви роле, фикерләү сәләтен үстерүе турында сөйләде. Балалар китапханәченең: Ни өчен китап укырга кирәк? Китап уку нәрсә бирә? Ни өчен мөмкин кадәр күбрәк кычкырып укырга кирәк? кебек сорауларына җавап бирделәр. Уку фикерләрне җиңел һәм төгәл итеп әйтеп бирергә мөмкинлек бирә, сүзлек запасын арттыра, дикцияне яхшырта. Шуңа күрә даими рәвештә кычкырып уку матур һәм грамоталы сөйләшергә өйрәтә. Китапханәдән кулланучы балалар Н. Носовның «Мишкина каша», В.Ю. Драгунскийның «Денискины рассказы» әсәрләрендәге геройларның күңелле маҗаралары турында өзекләр укыдылар. Шулай ук, «Яраткан китаплар патшалыгына сәяхәт» дип исемләнгән китап күргәзмәсе төзелде.

Табигатьнең могҗизалары күп. Шуларның берсе-ел фасылларының үзенчә матур һәм кызыклы алмашынуы. Һәр сезонның үз сере, табышмагы, әкияте. Елның иң матур чоры - кыш – Кыш безгә күпме шатлыклы мизгелләр бүләк итә – санап бетерерлек түгел! Карда уйнау, таудан чанада шуу, кар бабайлар ясау һәм, ниһаять, кыш темасына язылган әкиятләр уку! Балалар өчен үткәрелгән әлеге чарада кыш, Яңа ел, кар, буран турында табышмаклар әйтелде. Чарада катнашучылар иң элек кышкы әкиятләр буенча мультфильм карадылар, аннан «Морозко», «Мороз Иванович», «Госпожа Метелица» әкиятләренең геройларын таныдылар, шигырьләр һәм җырларны искә төшерделәр. Барлык сорауларга да дөрес җавап биргән өчен татлы призлар өләшенде. Чара азагында балалар «Карлы–кышның назлы әкияте» китап күргәзмәсендәге әле бер дә укымаган «кышкы» әкиятләр белән таныштылар һәм үзләренә ошаган китапларны өйләренә укырга алдылар.

Балаларның ялын кызыклы, белемле һәм күңелле итү уңаеннан 5 гыйнвар көнне Айдар авыл китапханәсендә «Яңа ел китап карнавалы» исемле күңелле китаплар уку сәгате үткәрелде. Әлеге чараның максаты балаларны интернеттан читкә юнәлтү һәм бер-берсе белән аралашырга мөмкинлек бирү, китап белән аралашуның мөһимлеген һәм кирәклеген күрсәтү, шулай ук китап уку теләген стимуллаштыру һәм китап төрлелеге турында дөньяга карашны киңәйтү. Чарада катнашучылар үзләре яраткан китапларны сайладылар. Һәркем яраткан хикәясен укыды һәм башкаларны да кызыксынып тыңлады. Чара ахырында китапханәче укуның файдасы, китапларның яхшылыкка һәм гаделлеккә өйрәтүе турында сөйләде.

Балалар бакчасында тәрбияләнүчеләр ел саен кышлаучы кошларга ярдәм күрсәтүдә актив катнашалар. " Кыш  көнне кошларны ашатыгыз!" акциясе кысаларында ата-аналар белән бергә төрле материаллардан җимлекләр ясалды, әлегә бу эш дәвам итә. Балалар белән безнең якларда кышларга кала торган кошлар турында әңгәмәләр үткәрелде.

Иске Җөри авылы китапханәсендә Һади Такташның тууына 125 ел тулу уңаеннан “Такташ көчле талант, шигърият чишмәсе”- дип исемләнгән китап күргәзмәсе эшләнде. Һади Такташ иҗаты — сугышка кадәрге чор татар совет поэзиясенең иң югары ноктасы. Аның әдәби мирасы татар әдәбияты тарихында әһәмиятле урын алып тора. Күргәзмәдә Һади Такташның төрле елларда иҗат иткән әсәрләре урын алды. Күргәзмәгә күзәтү ясалды.

Күренекле татар язучысы Гомәр Бәшировның тууына 125 ел тулу уңаеннан  8 нче гыйнвар көнне Иске Җөри авылы китапханәсендә “Күренекле әдип” дип исемләнгән китап күргәзмәсе куелды һәм авыл яшьләре белән әдәби сәгать үткәрелде. Чара барышында язучының тормышы һәм иҗат юлы белән таныштырылды. Әсәрләренә күзәтү үткәрелде, шулай ук кайбер әсәрләреннән өзекләр кычкырып укылды.

Яңа ел бәйрәмендә бөтен гаилә җыела, барысы да бер-берсенә бүләкләр бирә. Барысы да Яңа ел кәефен тели. Һәм монда кыш һәм Яңа ел турындагы балалар китаплары ярдәм итәчәк. Нәкъ менә аларда яңа ел чоры тутырылган могҗизалар һәм тылсым табарга мөмкин. 8 нче гыйнвар көнне Иске Җөри авылы китапханәчеләре «У леса на опушке жила зима в избушке» дигән темага видеокүзәтү ясадылар. Презентациядә тәкъдим ителгән китаплар яңа ел кәефен тоярга, могҗиза буласын сиздерергә, тылсымга һәм гади кеше яхшылыгына ышанырга мөмкинлек бирде.

Балалар үзләренең белемнәрен, зирәклекләрен күрсәттеләр һәм дуслары белән күңелле вакыт үткәрделәр. Кайбер сораулар командаларда җанлы дискуссияләр уятты! Балаларның бер-берсе белән ничек аралашуларын, иптәшләренә ярдәм итүләрен күзәтү аеруча игътибарга лаек иде. Бу команда рухын ныгытуга һәм дуслык мөнәсәбәтләрен үстерүгә ярдәм итте. Иң актив катнашучыларга призлар тапшырылды. Әмма иң мөһим нәтиҗә-барлык катнашучылар да бик күп уңай хис-кичерешләр һәм яңа белемнәр алды.

6 январь көнне Иске Җөри  авылы мәдәният йортында китапханә белән берлектә "Төкле аягың белән Яңа ел” дигән исем астында балалар өчен чыршы бәйрәме үткәрелде. Бәйрәмдә барлык балалар әти-әниләре белән бергәләп бәйрәм кичәсендә күңел ачтылар. Чыршы әйләнәсендә җыр җырлап әйләнделәр, биеделәр, шигырьләрен сөйләделәр һәм уеннар уйнадылар. Кыш бабай бәйрәм барышында иң яхшы җырлаучы, шигырь сөйләүче балаларны бүләкләде.