ЯҢАЛЫКЛАР
6 сентябрь көнне Айдар авылы китапханәсендә «Пушкин картасы» федераль программасы кысаларында «Әдәби калейдоскоп» интеллектуаль уены үткәрелде. Чарада укучылар «Хәрефләр буталды», «Ә син беләсеңме?», «Акыл өчен зарядка» кебек мавыктыргыч логик уеннарда катнаштылар. Шулай ук «Әдәби терминнар», «Геройны уйла», «Әдәби калейдоскоп» конкурслары да оештырылды. Укучылар әдәби сорау һәм җаваплар иленә сәяхәт кылдылар, танылган язучыларның тормышы һәм иҗаты турында кызыклы фактларны искә төшерделәр. Уенда катнашучылар китаплардан цитаталар, афоризмнар тыңладылар, авторларны һәм әсәрләрнең исемнәрен билгеләделәр. Чара дустанә атмосферада узды һәм укучыларның әдәбиятка булган кызыксынуын арттырды.
11 сентябрь көнне, Бөтенроссия аеклык көне кысаларында, сәламәт һәм аек яшәү рәвешен пропагандалау максатыннан, Теләче үзәк китапханәсе хезмәткәрләре «Трезво жить здорово» дип исемләнгән мәгълүмати-профилактик акция үткәрделәр. Акциядә катнашучыларга алкогольнең кеше организмына зыяны һәм кире кайтарылмый торган йогынтысы турында мәгълүмат бирүче буклетлар тапшырылды. Әлеге акция кешеләрне алкоголь куллануның куркынычлары турында уйланырга, үз сәламәтлегенә җаваплы карарга этәрә.
Олы Мишә урта мәктәбе укучылары, Ватанны саклаучылар елы уңаеннан патриотик тәрбия бирү максаты белән, Бөек Ватан сугышы турындагы китаплар һәм авылыбызның сугыш һәм тыл ветераннары турында мәгълүмат тупланган альбомнар белән таныштылар.
10 сентябрь көнне “Туган авыл” кафесында Теләче җирлекара китапханәсе һәм балалар китапханәсе хезмәткәрләре “Чәй өстәле – гаиләнең җаны” милли аш-су әзерләү буенча РСФСРның Атказанган сәүдә хезмәткәре Юныс Әхмәтҗәнов исемендәге район бәйгесендә катнашып “Десерт” номинациясендә I урынга лаек булды.
8 сентябрь көнне Баландыш төп гомуми белем бирү мәктәбендә ата-аналар җыелышы булып узды.
"Янгын куркынычсызлыгы, финанс мошенниклыгына, шулай ук мәгълүмат-телекоммуникация технологияләрен кулланып наркотик чараларның законсыз әйләнешенә каршы тору». Әлеге тема буенча әңгәмә узды. Җыелышта янгын куркынычсызлыгы темасы буенча МОНД һәм ПРНЫҢ Саба һәм Теләче муниципаль районнары буенча УНД һәм Россия гадәттән тыш хәлләр министрлыгының Татарстан Республикасы буенча Баш идарәсе өлкән инспекторы Л.М. Хәкимуллин чыгыш ясады. Чарада шулай ук Татарстан Республикасы Теләче муниципаль районы РМБ методисты Л.Д. Шакирова да катнашты. Ул укучыларның туклануы темасына чыгыш ясады һәм анкета үткәрде.
1 сентября стал не только днем знаний, но и стартом акции «Бегущая книга-2025», в которой активно участвовали сотрудники Старозюринской сельской модельной библиотеки. «Бегущая книга» – это ежегодная масштабная социокультурная акция, объединяющая десятки тысяч библиотекарей и любителей чтения. Она вдохновляет людей на знакомство с литературой, расширяет горизонты и создает уникальную атмосферу общения и обмена знаниями. Книга – это бескрайнее море знаний и приключений, в котором каждый может найти что-то свое. Пусть любовь к чтению никогда не угасает, а страницы книг продолжают открывать новые миры и дарить вдохновение!
3 сентябрь көнне Иске Җөри авылы модель китапханәсе китапханәчеләре Иске Җөри урта гомуми белем бирү мәктәбенең 5 нче сыйныф укучылары белән бергә терроризмга каршы көрәштә теләктәшлек көненә багышланган «Тормыш тамчысы» Бөтенроссия акциясенә кушылдылар. Акциянең символы булып сулы савыт тора, катнашучылар кулларына су җыялар һәм терактларда һәлак булганнарның якты истәлегенә багышлап, чәчәкләргә су сибеп, үзләренең хөрмәтен һәм кайгысын белдерәләр. Бу чара укучыларда бердәмлек, тынычлык һәм хәтерне саклау хисләрен тәрбияләүдә мөһим роль уйный.
Бу көн, безнең барыбыз өчен дә, авырту, күз яшьләре һәм ачы сагыш белән бәйле. Теләсә нинди теракт яки сугыш – ул кешеләрнең, бигрәк тә балаларның, газап чигәчәген аңлата. Бүген Россиядә Беслан корбаннары истәлегенә «Бер тамчы тормыш» Бөтенроссия акциясе уздырыла. Шәтке авылы мәдәният хезмәткәрләре дә бу акциягә кушылып, хәтерне саклауны һәм бердәмлекне күрсәттеләр. Акциянең символы булып тормыш бүләк итүче су тора һәм аның чәчәкләргә сибелүе – хәтер, теләктәшлек һәм тыныч киләчәккә өмет белдерүне аңлата. Әлеге көн турында мәгълүматны тыңлаганнан соң, балалар чәчәкләргә су сиптеләр, бу аларның корбаннарга карата хөрмәтен һәм киләчәккә тынычлык теләүләрен күрсәтте.
4 сентябрь көнне Шармыш авылы китапханәсендә «Пушкин картасы» программасы кысаларында «Татарстан – бөек Россиянең кисәкчәсе» дип исемләнгән мавыктыргыч тарих экскурсиясе узды. Чарада катнашучылар мәдәни программага чумдылар, ул аларны туган якның бай мирасы һәм гореф-гадәтләре белән таныштырды.
Ел саен 3 сентябрьдә Россиядә истәлекле дата - терроризмга каршы көрәштә бердәмлек көне билгеләп үтелә һәм «Тормыш тамчысы» Бөтенроссия акциясе уздырыла.
Акция 2004 елның беренче сентябрь көннәрендә Бесланда булган фаҗигале вакыйгаларга багышлана. Ул вакытта, 1 нче номерлы мәктәптә террорчылык акты вакытында берничә йөз кеше һәлак булган, алар арасында күпчелеге балалар. Өч көн тоткынлык дәвамында алар бер тамчы су да эчә алмадылар...