ЯҢАЛЫКЛАР
10 июль көнне Теләче муниципаль районы «Ахметова Г.Ф.» крестьян-фермер хуҗалыгында ашлык җыю комбайннарына дәүләт техник карау үткәрелде.
Ашлык җыю комбайннарын техник карау үткәргән вакытта, механизатор белән тәэмин ителүве, тракторист - машинист таныклыгы булувы, комбайнның документлары хәм йөртү рөхсәте тикшерелде.
11 июльдә спорт паркында «Татарстанда җәй» акциясе кысаларында Гаилә, мәхәббәт һәм тугрылык көненә багышланган бадминтон буенча Турнир узды. Балалар уеннан уңай хис-кичерешләр алдылар. Һәм ахырда катнашучыларның һәркайсы татлы бүләкләр алды.
Ләкин безнең укучылар бу вакытта да китапханә турында онытмыйлар һәм буш вакытларын безнең белән үткәрәләр. 10 июль көнне Урта Мишә авыл китапханәчесе клуб хезмәткәре белән берлектә балалар өчен «Ачык һавада укыйбыз» дигән әдәби беседка оештырды. Балалар саф һавада китап-журналларны рәхәтләнеп карадылар, викториналарда катнаштылар һәм табышмакларга җаваплар бирделәр, күңелле һәм гыйбрәтле әкият геройлары – хайваннар турында фикер алыштылар. Ачык һавада уку күңелле, файдалы һәм кызыклы гына түгел, уңайлы да.
9 июль көнне Югары Кибәхуҗа авылы китапханәсендә, җәйге каникул чорында, "Җәй китап белән күңелле" исемле җәйге уку программасы эшләде. Китапханәче балаларның буш вакытларын файдалы үткәрү максатыннан әдәби сәяхәтләр, кычкырып укулар, укылган китаплар буенча фикер алышулар, викторина, кызыклы уеннар оештырды. Ачык һавада уку файдалы гына түгел, кызыклы да, уңайлы да.
Аның барышында китапханәче төрле халыкларның иҗаты, бәйрәмнәре һәм йолалары, иске татар фольклоры, аларның халык телендә барлыкка килү тарихы һәм татар теле турында сөйләде. Чара барышында катнашучылар мәкальләр һәм әйтемнәрнең сөйләмне якты, бай һәм сәнгатьле итүен, аларның сөйләм теле белән аерылгысыз бәйләнештә булуын белделәр. Мәкальләр һәм әйтемнәр ярдәмендә кешеләргә характеристика биреп, төрле хәлләрне: байлык һәм ярлылык, шатлык һәм кайгы, эссе һәм суыкны ничек тасвирлап була икәнлегенә төшенделәр. Белемнәрне ныгыту өчен дүрт турдан ("Мәкальне тәмамла", "Мәкальне җый", "Нинди предмет турында сүз бара икәнен тап", "Мәкальнең мәгънәсен аңлат") торган әдәби уен оештырылды.
9 июль көнне "Пушкин картасы" проектын гамәлгә ашыру кысаларында Иске Җөри авыл модель китапханәсе китапханәчеләре Иске Җөри урта гомуми белем бирү мәктәбе укучылары белән “Татарский орнамент” дип исемләнгән мастер класс үткәрделәр.
Фетрдан ясалган бизәкләр көндәлек һәм бәйрәм киемнәрен камилләштерә ала, образларга яктылык бирә.
Мастер-класста катнашучылар татар милли орнаментының үзенчәлекләре белән таныштылар, аның әһәмиятен ачтылар. Чара барышында балаларга татар халык декоратив-кулланма сәнгате белән танышу өчен «Татар халкының милли үрнәкләре» дигән китап күргәзмәсе тәкъдим ителде.
Гасырлар буе телдән телгә күчеп килгәнлектән халык аларны тыңлау, мавыктыргыч итеп сөйләү өчен уңай бер формага салган. Әкиятләрнең теле гади, аңлаешлы.
Казаклар авыл китапханәсендә «Чикләр белмәс әкият» дип исемләнгән видео – сәгать үтте. Китап укучылар серле әкиятләр дөньясына сәяхәт итте. Алар үзләренең яраткан әкиятләрен искә төшерләр, әкиятләрне рәсемнән танып, геройларының исемнәрен әйттеләр. Шулай ук балалар яраткан әкиятләрен видеодан карадылар.
8 июль көнне Иске Җөри авылы модель китапханәсендә китапханәчеләр «Юл хәрәкәте иминлеге» ТР профилактик эшләр буенча Саба бүлекчәсе начальнигы Ягафарова Гүзәл Назыйф кызы белән бергә гаилә, мәхәббәт һәм тугрылык көненә багышланган чара оештырдылар. Бәйрәм кысаларында уеннар, әңгәмәләр һәм ата-аналар һәм балалар белән «Куркынычсызлык ромашкасы» ясау буенча мастер-класслар үткәрелде.
Ничек кенә гадәти яңгырамасын, кеше язмышында иң мөһим, кирәкле һәм аерылгысыз урынны аның гаиләсе алып тора. Әлеге дата уңаеннан Урта Мишә авыл китапханәсендә клуб белән берлектә “Гаилә – балалар күзлегеннән” исемле темага укучылар арасында рәсем конкурсы үткәрелде. Һәр гаиләгә тигезлек, тынычлык, муллык, сәламәтлек, бәхет һәм мәхәббәт телибез!
Ул әсәрләрен 1975 елдан бастыра башлый, ә 1980 елда Казан мәдәният институтын тәмамлый. Беренче китабы 1981 елда чыга. Үз иҗатында ул гади кешене күрергә, аның шатлыклары һәм кайгылары турында сөйләргә, сәләтле күзәтүче автор буларак чыгыш ясый. Күпчелек әсәрләре хезмәт кешеләренә багышлана. Ул татар фольклоры, сатирасы, ирониясе белән оста эш итә, шулай ук, телевидениедә юмористик тапшырулар авторы буларак чыгыш ясый. Күкчә авыл китапханәсендә “Камил Кәримов-күренекле язучы” дип исемләнгән темага китап күргәзмәсе оештырылды. Китапханәче балаларга язучының иҗаты турында сөйләде һәм биографиясе белән таныштырды. Язучының юбилеена багышланган чара бик кызыклы булды.