ЯҢАЛЫКЛАР

12 декабрь – Россия Федерациясе Конституциясе көне. Әлеге истәлекле дата уңаеннан Үзәк авылы китапханәсендә «Илебезнең төп законы» дип исемләнгән мавыктыргыч гражданлык дәресе үткәрелде. Чара 6 сыйныф укучылары өчен оештырылып, аларны Конституциянең төп нигезләмәләре белән таныштыру һәм илебезнең һәр гражданы өчен аның әһәмиятен аңлату максатын куйды.

Әлеге үткәрелә торган бәйге балаларның юл-транспорт травматизмын кисәтү һәм мәктәпкәчә яшьтәге балаларда урам һәм юлларда куркынычсызлыкның тотрыклы күнекмәләрен формалаштыру мәсьәләсен хәл итүгә системалы якын килүне оештыру максатыннан үткәрелә.

Китапханәчеләрнең һәр килүе - китап сөючеләр өчен зур шатлык. “Күчмә китапханә”нең һәр укучысы китапханә хезмәтләреннән зур теләк белән файдалана, киләсе очрашуны түземсезлек белән көтеп ала. Барлык укучылар да китапханә хезмәткәрләренә еш килүләре һәм китапларга кызыклы күзәтүләр ясаулары өчен рәхмәтле.

Әлеге дәрес махсус хәрби операциядә хәрби бурычын үтәгәндә һәлак булган Газизов Рәзил Фаел улының әти-әнисе белән очрашу форматында узды. Бу җылы һәм тәэсирле очрашу безгә Геройның йөрәге куркудан көчлерәк булган гади кеше икәнлеген, буыннар арасында ныклы күпер булып торуын, ватанга чын мәхәббәт, намус һәм батырлыкның асылын искә төшерде. Шулай ук бу дәрес геройны тәрбияләп үстергән гаиләгә тирән хөрмәт, рәхмәт һәм мәңгелек хәтер бүләге булды.

12 декабрь көнне Әбде авылы китапханәсендә мәдәният хезмәткәрләре мәктәп белән берлектә «Конституция — дәүләтнең төп законы» дип исемләнгән мәгълүмат сәгате үткәрделәр. Чарада катнашучылар әлеге мөһим документның кабул ителү тарихы, Россия Федерациясе Конституциясе тарафыннан гарантияләнгән гражданнарның төп хокуклары һәм бурычлары белән таныштылар. Балалар өчен кызыклы викторина да үткәрелде, анда алар «Угадай право» һәм «Права в сказках» уеннарында үзләренең белемнәрен, тапкырлыкларын күрсәттеләр. Чара ахырында укучылар Конституциянең барлыкка килү тарихы һәм конституцион корылыш нигезләре турында бай мәгълүмат тупланган китап күргәзмәсе белән таныштылар.

Бу көн — рухи көчнең, намусның, батырлыкның иң югары әхлакый сыйфатларын, Ватан алдындагы җаваплылыкны чагылдыручы, лаеклы рәвештә герой дип аталган барлык кешеләргә хөрмәт һәм дан багышлау көне. Шул уңайдан Баландыш авылы китапханәсендә авылдашыбыз, Ленин һәм Хезмәт Кызыл Байрагы ордены кавалеры Сафин Миннегали Мәгъсүм улына багышланган күргәзмә куелды. Күргәзмәдә авылның горурлыгы, легендар шәхесе булган Миннегали абый турында мәгълүматлар, аның хезмәт юлына багышланган альбомнар һәм папкалар урын алды. Батырлар онытылырга тиеш түгел — аларның каһарманлыклары һәм хезмәте безнең күңелләрдә мәңге яши.

Әлеге көннең төп максаты — кешеләрнең хокукый мәсьәләләрен хәл итү, тигезсезлеккә каршы көрәш алып бару һәм хокук бозуларга җәмәгатьчелекнең игътибарын җәлеп итү. Шул уңайдан, 9 декабрь көнне Айдар авылы китапханәсендә “Хокукларыбызны белеп яшик!” дип исемләнгән аралашу сәгате үткәрелде. Китапханәче катнашучыларга бу көннең тарихы, дәүләтебезнең төп законнары турында сөйләде, шулай ук хокуклар белән беррәттән, һәркемнең үтәргә тиешле бурычлары да барлыгын искәртте. Мондый чаралар үз хокукларыңны һәм ирекләреңне тирәнтен аңларга, үз абруеңны тоярга, башкаларның шәхси хокукларына ихтирам белән карарга ярдәм итә, җәмгыятьтә тынычлык һәм гаделлек урнаштыруга этәргеч бирә.

Халыкара коррупциягә каршы көрәш көне уңаеннан Шармыш авылы китапханәсендә «Коррупциясез дөнья төзибез» дип исемләнгән тематик китап күргәзмәсе куелды. Ул укучыларны әдәби әсәрләр дөньясына чумарга чакыра, анда авторлар вак түрәләрнең кимчелекләрен — куркаклыгын, югарырак торучылар алдында икейөзлелеген һәм акчаны кешелек кыйммәтләреннән өстен куярга омтылышларын тирән мәгънә белән ачып сала. Күргәзмәдә коррупциянең күпкырлы һәм мәңгелек темасына багышланган классик әдәбият коллекциясе тәкъдим ителде. Үзенең күптәнге булуына карамастан, бу проблема бүгенге көндә дә зур актуальлеккә ия булып, даими игътибар һәм көрәш таләп итә.

Бу көн рухи көче, намусы, батырлыгы югары әхлакый сыйфатларны һәм Ватан алдындагы җаваплылыкны чагылдыру үрнәге булган, лаеклы рәвештә герой дип аталган барлык кешегә кагыла. Ватан Геройлары көне алдыннан Теләче балалар китапханәсендә «Сезнең батырлыгыгыз белән горурланабыз, Геройларыбыз» дип исемләнгән батырлык дәресе узды. Китап укучыларыбыз Теләче районыннан чыккан геройлар белән таныштылар. Алар арасында якташларыбыз -  Советлар Союзы Герое Александр Ксенофонтов, Социалистик Хезмәт Геройлары Габделхак Галиев, Николай Капитонов һәм Гөлбикә Каримовалар бар. Укучылар аларның батырлыклары, казанышлары турында бик кызыксынып тыңладылар.

Күргәзмәдә Ватан геройларының батырлык тарихы, Россиянең бөек каһарманнары, шулай ук төрле сугышларның тарихи вакыйгалары турында бай мәгълүмат бирүче китаплар тәкъдим ителде. Әлеге китаплар укучыларга илебезнең героик үткәненә тарихи сәяхәт ясарга, Россия гаскәрләренең Ватан язмышында мөһим роль уйнаган данлы җиңүләре белән танышырга мөмкинлек бирәчәк. Күргәзмә йөрәкләрдә патриотик хисләр уята, яшь буынны Ватанга мәхәббәт һәм горурлык белән тәрбияләүгә хезмәт итә.