ЯҢАЛЫКЛАР
Ел саен 19 апрельдә бөтен ил буенча Бөек Ватан сугышы елларында нацистлар һәм аларның булышчылары тарафыннан совет халкын геноцидлау истәлегенә Бердәм гамәлләр көне үткәрелә. Әлеге тарихи көн уңаеннан, язгы мәрхәмәтлек атнасы кысаларында, Иске Җөри гомум белем бирү мәктәбендә «Без срока давности» дип исемләнгән мәгълүмәт сәгате үткәрелде. Чарада көннең максатлары һәм бурычлары, Бөек Ватан сугышы елларында тыныч халык фаҗигасе, геноцид корбаннары, нацистлар җинаятьләре, совет халкының кешелек тарихындагы иң катгый сугышта җиңүенең әһәмияте, «геноцид», «нацистлар» төшенчәләре турында тарих укытучысы чыгыш ясады.
Шул уңайдан, 21 апрель көнне Теләче урта мәктәбендә Тукай шигырьләрен оста итеп башкаручы укучылар барланды.
Әлеге чара балаларны татар шагыйре Габдулла Тукайның тормыш юлы һәм иҗатына, аларның игътибарын татар шигърияте дөньясына җәлеп итүгә юнәлтелгән иде. Сайлап алу турында катнашучылар сәнгатьле уку осталыгын һәм үзләрен образда тота белүләрен күрсәттеләр. Тукаебыз иҗатыннан яттан шигырь сөйләүче балаларның күп булуы сөендерә.
Быел урманнарны саклау һәм яңадан торгызу проблемаларына җәмәгатьчелек игътибарын җәлеп итү максатыннан «Хәтер бакчасы» халыкара акциясе уза, ул Бөек Ватан сугышында Җиңүнең 80 еллыгын бәйрәм итүгә һәм Россиядә, Татарстан Республикасында Ватанны саклаучылар елын уздыруга багышлана. Акциянең төп максаты - Бөек Ватан сугышында һәлак булган һәр кешенең истәлегенә 27 миллион агач утырту. Шулай ук, акция сугыш елларында һәлак булган совет кешеләренең хәтерен саклауга һәм махсус хәрби операция геройлары хөрмәтенә юнәлдерелгән.
Безнең район данын Олы Мәтәскә, Олы Мишә, Теләче урта мәктәпләре укучыларыннан торган команда яклады. Олы Мишә мәктәбенең 10 сыйныф укучысы Гайнетдинова Назлыгөл олимпиада призеры булды! Укытучысы Сәхәбиева Люция Заһит кызы. Котлыйбыз!
19 апрельдә Россиядә Бөек Ватан сугышы вакытында совет халкы геноциды корбаннары истәлегенә багышланган «Бердәм гамәлләр көне» Бөтенроссия акциясе уза. Бердәм гамәлләр көне - тарихи дөреслекне саклау һәм киләчәктә мондый фаҗигаләрнең кабатлануына юл куймау мөһимлеген искә төшерү.
19 нчы апрель көнне Урта Мишә авылы клубында районыбызның танылган шагыйрәсе, «Теләче» газетасының актив хәбәрчесе Дамира Миннебаеваның «Язсын иде туган җирләремдә үткәрергә гомер көзләрем» дип исемләнгән иҗат кичәсе булып узды. Чарада аның туганнары, авылдашлары, хезмәттәшләре, укучылары һәм сыйныфташлары катнашты. Кичә юбилярның шигырьләре һәм җырлары белән үрелеп барды. Котлаулар белән муниципаль район башкарма комитеты җитәкчесенең социаль мәсьәләләр буенча урынбасары Динар Гыйниятуллин, муниципаль район Советының оештыру бүлеге җитәкчесе Рафаэль Яруллин, шулай ук Баландыш авылы җирлеге башлыгы Рөстәм Мөхәммәтшин чыгыш ясады.
Бәйгенең максаты - туган якның тарихын өйрәнү һәм саклауда, үстерүдә һәм гамәлгә ашыруда актив катнашучы яшь гражданнарны ачыклау һәм аларга ярдәм итү. Россия Федерациясенең 86 төбәгеннән өч меңнән артык гариза кабул ителгән әлеге бәйгедә Баландыш төп мәктәбе укучысы Рәйлә Гайнетдинова өченче дәрәҗә диплом белән бүләкләнде! Ул «Җирле үзидарә лидерлары» номинациясендә җиңү яулады. Котлыйбыз! Шул уңайдан Райләне әлеге зур җиңүе белән Баландыш җирле үзидарә җитәкчесе Мөхәмәтшин Р.Ш. та котлады.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 07 маенда 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
21 апрель көнне «Батыр» спорт комплексында 1-2 класс, 3-4 класс, 5-6 класс,7-8 класс укучылары арасында Ватанны саклаучылар елына һәм Бөек Ватан сугышында Җиңүнең 80 еллыгына багышланган, бадминтон буенча Теләче муниципаль районы Беренчелеге булып узды. Беренчелектә районның 7 мәктәбеннән 84 яшь бадминтончы көч сынашты. Әлеге ярышта Баландыш төп мәктәбе командасы 1 урынны яулады.
Әлеге көн уңаеннан Максабаш авылы китапханәсендә яшь укучылар өчен хәтер дәресе үткәрелде. Чара барышында балалар тарихи вакыйгалар белән таныштылар. Китапханәче Бөек Ватан сугышының иң фаҗигале битләре – оккупацияләнгән территорияләрдә нацистларның һәм аларның булышчыларының җинаятьләре, сугыш елларында совет халкының газаплары, әсирләрнең кешелексез сынаулары һәм кешеләрне аяусыз юк итү турында сөйләде. Шулай ук, укучылар кыскача миллионлаган совет гражданнары һәлак булган үлем лагерьлары тарихлары турында белделәр. Тыныч халыкка каршы нацизм җинаятьләре халык тарафыннан беркайчан да онытылмаячак.