ЯҢАЛЫКЛАР
Балыклар сусыз, җәнлеклэр урмансыз, урманнар агачларсыз була алмаган кебек, кешеләр дә табигатьсез яши алмый. Кеше кая гына яшәмәсен, ул һәрвакыт үсемлекләр, хайваннар, кошлар, бөҗәкләр белән янәшә. 21 август көнне Айдар авылы китапханәсе балаларны «Табигать могҗизалары һәм серләре» исемле экологик ассортига чакырды. Балалар белән бергәләп китаплар аша табигать дөньясына мавыктыргыч сәяхәт ясалды. Безнең төбәкнең нинди кызыклы булуы, урманнарыбызда нинди агачлар, үләннәр, чәчәкләр, җиләкләр үсүе, нинди кошлар һәм хайваннар яшәве, елгаларыбызда яшәүче балыклар турында белделәр. Табигать турындагы табышмакларны чиштеләр. Кызыксынган китапларны өйләренә яздырып алдылар.
Балаларга үз Ватаны өчен горурлык хисен кечкенәдән үк тәрбияләргә кирәк. Китапханәче аңлаешлы һәм кызыклы формада, нәниләргә флагның нәрсә булуы һәм ни өчен аның һәр ил өчен шулкадәр мөһим булуы турында сөйләде. Балалар зур кызыксыну белән флагның да үз «туган көне» булуы турындагы хикәяне тыңладылар. Бу факт аларда чын-чынлап гаҗәпләнү һәм соклану уятты! Балалар Россия флагының ак, зәңгәр һәм кызыл төстәге өч полосадан торганын белделәр. Танып-белү әңгәмәсеннән соң, балалар иҗат процессына актив кушылдылар. Һәр балага Россия флагын буярга тәкъдим ителде. Кечкенә рәссамнар мавыгып, үз флагларын иң матур һәм пөхтә итеп ясарга тырышты.
Әлеге чараның төп максаты - Россия Федерациясенең дәүләт символларын өйрәнеп, катнашучыларда гражданлык һәм ватанпәрвәрлек хисе тәрбияләүдән гыйбарәт. Чара барышында Россия Дәүләт флагы, аның әһәмияте һәм символикасы турында тарихи фактлар сөйләнелде. Катнашучылар флагның ничек формалашуы, аның тарихы белән бәйле вакыйгалар турында белделәр. Мондый чаралар үсеп килүче буынны тәрбияләүдә мөһим роль уйный, чөнки алар дәүләт символларына карата ихтирам тәрбияләүдә ярдәм итә.
Бу истәлекле вакыйга уңаеннан Күкчә авылы мәдәният хезмәткәрләре балалар өчен танып белү сәгате үткәрделәр. Алар балаларга бәйрәмнең тарихы, Россия дәүләт символларының әһәмияте һәм мөһимлеге турында сөйләделәр. Танып белү сәгате барышында балалар Россия флагының төсләренең символикасы белән таныштылар. Ак төс тынычлык, чисталык, сафлык һәм камиллекне аңлата. Зәңгәр төс иман һәм тугрылык, даимилекне символлаштыра. Кызыл төс исә Ватан өчен коелган көчне һәм батырлыкны күрсәтә. Мондый чаралар балаларда ватанпәрвәрлек хисе тәрбияләргә, дәүләт символларының әһәмиятен аңлатырга ярдәм итте. Аларның күңелендә үз иленә карата горурлык һәм мәхәббәт уятты.
22 август көнне Әбде авылы китапханәсендә мәктәп, мәдәният йорты һәм социаль хезмәткәрләр белән берлектә «Зәңгәр, ак, кызыл төс – дан һәм Җиңү символы» дип исемләнгән мәгълүмат сәгате үткәрелде.
Әлеге дата - күпмилләтле бөек дәүләтнең чын гражданины булып саналучы, аның көчле һәм мул тормышта яшәвен теләгән һәркем өчен олы бәйрәм.
- 5 елның 26 августында район мәдәният йортында «Бала шәхесенең яшәеш кыйммәтләрен формалаштыру нигезе буларак укыту һәм тәрбия бердәмлеге» темасына педагогик хезмәткәрләрнең традицион август конференциясе булып узды. Төп доклад белән Теләче муниципаль районы Башкарма комитетының мәгариф бүлеге начальнигы Карпова Наталья Владимировна чыгыш ясады.
25 август көнне, «Мәктәпкә җыенырга ярдәм ит» республика акциясе кысаларында, район мәдәният йортында 124 булачак беренче сыйныф укучысына һәм аз керемле гаиләләрнең 2-4 сыйныфларыннан булган 104 укучыга портфельләр һәм мәктәп әсбаплары тапшыру тантанасы узды. Шулай ук, быел әлеге акция кысаларында, махсус хәрби операциядә катнашучыларның балаларына да ярдәм күрсәтелде.
Казаклар авылы китапханәсендә китапханәче Д. Гайнетдинова, Н. Хәсәнов, Ф. Хөсни, М. Хәсәнов, Р. Низами һәм Ф. Галиев кебек якташ шагыйрьләр һәм язучыларның иҗатларына күзәтү үткәрде. Чара барышында китапханәче авторларның әсәрләрендә Ватанга, кешеләргә, якташларга һәм аларны чолгап алган дөньяга мәхәббәтнең ничек чагылыш табуын сөйләде.
20 август көнне Казаклар авылы китапханәсендә «Пушкин картасы» программасы кысаларында “Татар орнаменты” исеме астында мастер-класс узды. Бу чара татар халык орнаментларының бай мирасын таныту һәм балаларның иҗади сәләтләрен үстерү максатын куйды.