ЯҢАЛЫКЛАР
21 октябрь көнне Казаклар авыл китапханәсендә Кече Кибәхуҗа төп мәктәбенең һәм Олы Кибәхуҗа башлангыч мәктәбенең башлангыч сыйныф укучылары өчен мәдәни дәрес үткәрелде. Укучыларны китапханәче Альбина Рахматуллина китапханә белән таныштырды. ”Китаплар өе” дигән китап күргәзмәсенә күзәтү үткәрелде. Шулай ук укучыларга тантаналы рәвештә ”Мәдәни көндәлек” тапшырды. Бу көндәлек республикабызның тарихи-мәдәни урыннары һәм мәдәни чаралар белән танышырга ярдәм итәчәк. Ә дәрескә кадәр Татарстанның дәүләт символлары һәм истәлекле урыннарына багышланган презентацияләр белән таныштылар.
21 октябрь көнне «Шигьри тәлгәшләр» берләшмәсенә йөрүче балалар белән «Көзге мизгелләр»дип исемләнгән әдәби музыкаль кичә үткәрелде. Бу кичәдә алар бигрәк тә Фәнис Яруллинның туган якка, табигатькә багышлап язылган шигырьләрен бик яратып укыдылар.
Очрашуда Габдрәүф абый үзенең үткәне турында бик күп сөйләде.
Анын бердәнбер улы Рафик хәрби хезмәттә 1983 елның май аенда очкыч
шартлап һәлак була. Барлык авырлыклар онытыла, бала хәсрәте хич тә йөрәктән китми,- ди ул.
Хәзерге вакытта Кече Кибәхуҗа җирле үзидарәсенә кергән Олы Кибәхуҗа авылында яңа ачылган мәдәният йорты янәшәсендә авыл халкы ярдәме белән хоккей площадкасы төзү эшләре башланып киткән. “Авыл яшьләре безгә бик теләп булыша бу эштә, рәхмәт аларга!” - дип хәбәр итте безгә мәдәният йорты директоры Рафил Хуҗин.
Бүген, 21 октябрь Олы Мишә урта мәктәбендә “Укучының мәдәни көндәлеге” дигән дәрес үткәрелде. Әлеге мәдәни тәрбия һәм белем бирүгә юнәлдерелгән проект нигезендә башлангыч сыйныф укучылары, әти-әниләре белән үзләре яшәгән шәһәрдәге, райондагы музей, театр, китапханә, концерт залларына йөрерләр, башкалабыз Казанның тарихи урыннарына сәяхәт итәрләр. Көндәлек нәниләргә республикабызның тарихи-истәлекле урыннарына, төрле мәдәни чараларга юл күрсәтер һәм рухи байлыкларыбыз белән якыннанрак танышырга ярдәм итәр. Бу проект Татарстан Республикасы Мәгариф һәм фән министрлыгы ярдәме белән Татарстан Республикасы Мәдәният министрлыгы тарафыннан гамәлгә куелган.