ЯҢАЛЫКЛАР
Аларны әзерләү осталыгы бик күптәннән килә. Шуны күздә тотып, 14 май көнне Максабаш авылы мәдәният хезмәткәрләре “Табын күрке - милли ризык” дип исемләнгән әдәби музыкаль кичә оештырдылар. Кичә барышында “Ак калфак” оешмасы хатын-кызлары үзләре пешереп килгән милли ризыкларны башкаларга тәкъдим иттеләр, аларны үзләренә генә хас булган әзерләү серләре белән уртаклаштылар, кызлар исә өлкәннәрдән аш-су пешерү буенча күп кенә үзенчәлекләрне өйрәнделәр. Чара үлән чәйләре эчеп, табын артында матур җырлар белән дәвам итте.
Иске Җөри балалар бакчасы тәрбиячесе Зиннәтуллина З.Р. "Иң милли тәрбияче" республика конкурсының йомгаклау этабында катнашты, анда барлык җиңүчеләргә Дипломнар һәм истәлекле бүләкләр тапшырылды. Безнең педагог "Татар телендә белеем бирүче иң яхшы шөгыль» номинациясендә җиңүче Дипломы белән бүләкләнде. Конкурсантлар өчен Биектау районының Ямаширмә "Йолдыз" балалар бакчасында танып-белү-күңел ачу программасы оештырылган иде, ул мастер-классларны, Биектау районы педагоглары һәм тәрбияләнүчеләре чыгышларын үз эченә алды.
Чара барышында катнашучылар гаилә, аның традицияләре, тынычлык, хөрмәт һәм иминлек кебек төшенчәләре турында сөйләште. Гаилә турында мәкальләр һәм әйтемнәр, гаилә проблемаларын яктырткан китапларның исемнәре искә төшерелде. Балалар Э. Успенскийның «Дядя Фёдор, пёс и кот и другие истории о Простоквашино» китабыннан өзек укыдылар. Очрашу ахырында барысына да «Венец всех ценностей - Семья» күргәзмәсеннән өйдә уку өчен китаплар тәкъдим ителде.
17 май көнне Халыкара балалар ышаныч телефоны көне билгеләп үтелә. Балалар өчен бердәм ышаныч телефоны – 8-800-2000-122 номеры авыр тормыш хәлендә калган балаларга ярдәм итү максатыннан кертелә. «Балаларның ышаныч телефоны» - психологик хезмәт, анда балалар һәм ата-аналар үз проблемаларын хәл итүдә ярдәм сорап мөрәҗәгать итә алалар.
14 май көнне, Теләчестадионында быел 27 февральдә Украинада махсус операция вакытында һәлак булган райондашыбыз, ефрейтор Кириллов Олег Анотольевич исәтәлегенә багышланган күптөрле ярышлар буенча (многоборье буенча) Спартакиада булыпүтте.
16 май көнне Фатих Хөсни исемендәге Олы Мәтәскә урта мәктәбендә транспорт һәм юл хуҗалыгы министры урынбасары белән очрашу булып узды. Тимур Викторович Никонов 8,9,10 һәм 11 нче сыйныф укучыларына «Саннар дәресе» проекты кысаларында дәрес үткәрде. Тимур Викторович «Виртуаль һәм тулыландырылган чынбарлык» темасы буенча бик күп кызыклы фикерләр җиткерде, үз тәҗрибәсе белән уртаклашты.
Укучылар дәрестә актив катнаштылар, инновацион технологияләр буенча үз фикерләрен белдерделәр.
14 май көнне Лаеш шәһәрендә ата-аналар комитетларының «Тату сыйныф серләре» дигән Республика конкурсының финал өлеше булып узды. Иң яхшы сыйныф исемен билгеләү өчен республикабызның 25 районыннан 27 команда килде. Конкурс программасы 3 сынаудан гыйбарәт иде: «Безнең күңелле дус сыйныф» визит карточкасы, иҗади проектны яклау һәм «Цифрлаштыру елында ата-аналар» иҗади номеры. Бу чарада Теләче районы данын безнең Олы Мишә урта мәктәбе яклады. Конкурс сынаулары нәтиҗәләре буенча без мактаулы призлы урынга лаек булдык. Мәктәбебез диплом һәм портатив колонка белән бүләкләнде.
14 май көнне, Теләче стадионында быел 27 февральдә Украинада махсус операция вакытында һәлак булган райондашыбыз, ефрейтор Кириллов Олег Анотольевич исәтәлегенә багышланган күп төрле ярышлар буенча (многоборье буенча) Спартакиада булып үтте.
Математика атналыгы кысаларында, Караширмә башлангыч мәктәбендә, математик КВН үткәрелде. Балалар математиканың серле һәм кызыклы дөньясы буйлап сәяхәт иттеләр. Мәсьәлә, ребус, кроссвордларны дөрес чишү өчен балаларга аеруча зирәк, тапкыр һәм игътибарлы булулары ярдәм итте.
14 нче май көнне Теләче муниципаль районы гомуми белем бирү мәктәпләренең 5-10 нчы сыйныф укучылары арасында, безнең Олы Мишә урта гомуми белем бирү мәктәбенең чыгарылыш сыйныф укучысы ефрейтор Кириллов Олег Анатольевич истәлегенә багышлап, җинел атлетике буенча спартакиада үткәрелде. Бу ярышта безнең укучылар командасы да катнашты, шулай ук ярышларны ачу тантанасында активистларның иҗади төркеме Олег Анатольевич якты истәлегенә сәламләү сүзе белән чыгыш ясады. Киеренке көрәш барышында Вәлиев Рамил һәм Шәрипов Динар граната ыргыту һәм автомат сутеп-җыю буенча 3 нче урынны яуладылар. Котлыйбыз!