ЯҢАЛЫКЛАР
Ә җәйне китап белән үткәрү - тагы да кызыклырак. 19 июль көнне Югары Кибәхуҗа авыл китапханәчесе “Җәй, китап, мин - дуслар” исемле җәйге эскәмия уздырды. Китапханәнең төп байлыгы китаплар булса, иң кадерлесе – андагы китапларны укырга яратучыларның күп булуы. Яңа, матур китаплар һәркемне үзенә тарта - аларны тотасы, рәсемнәрен карыйсы һәм, ниһаять, укыпйсы килә башлый. Укучылар ачык һавадагы күргәзмәдән яңа китаплар белән танышты. Һәр укучы үзе сайла алган китабыннан шигырьләр, әкиятләрдән өзекләр укыды.
17 июльдә Россиядә «Бердәм фольклор көне» бәйрәме билгеләп үтелә. Бу яңа һөнәри бәйрәм, ул Россия халыкларының фольклор мирасын саклап калуга, үстерүгә һәм популярлаштыруга ярдәм итә.
Халкыбызның гореф-гадәтләре, йолалары, тормыш-көнкуреше чагылыш тапкан бу уеннар балаларда үз көчеңә ышану, күмәклек, ярдәмләшү, шулай ук кешелеклелек, шәфкатьлелек кебек күркәм сыйфатлар тәрбияли. Әлеге датага карата Урта Мишә авылы мәдәният хезмәткәрләре балалар белән "Гөлбану" һәм "Казларым кайтыгыз" исемле татар балалар уеннары уйнадылар. Бердәм фольклор көне Россия халыкларының фольклор мирасын саклауга һәм популярлаштыруга ярдәм итә, халык иҗатын өйрәнүне дәвам итәргә булыша.
Ел башыннан Социаль фонд инвалид балалары булган ата-аналарга өстәмә ял көннәре өчен якынча 95,2 млн. сум акча түләгән. Айга дүрт көн тәшкил иткән мини-отпуск ата-аналарга, опекуннарга һәм попечительләргә бу көннәрне инвалид баланы тәрбияләүгә багышлый алсын өчен бирелә. Гомумән алганда, әти-әниләргә ял көне өчен акча түләнгән.
Шармыш авыл китапханәсендә урта яшьтәге укучылар өчен "Онытма, синең максат - исән калу" дигән видео сәгать үткәрелде. Чара барышында катнашучылар терроризмның асылы, аның максатлары белән таныштылар һәм гражданлык позициясе турында сөйләштеләр. Видео сәгатьтә вакытында террористик һөҗүм булган очракта үз-үзеңне тоту кагыйдәләре турында аңлатылды. Балалар “Әгәр дә…” дискуссия уенында катнаштылар, анда сорауларга җавап биреп үз белемнәрен күрсәттеләр. Ахырда балаларга "Гомуми куркынычсызлык кагыйдәләре" дигән белешмәлекләр бирелде.
Программада, кызыклы уеннар, җыр - бию, фольклор коллективлар һәм гармунчылар чыгышы, Чалгычылар ярышы, "Татар милли киеме" бәйгесе, кайнар чәй, балалар өчен батут, поп-корн, бик күп сәүдә нокталары һәм башка кызыклы чаралар каралган.
Казаннан махсус кунаклар - танылган артистлар да кайтуы көтелә!
Шулай ук, бу көнне «Теләче” газетасына язылучылар арасында Бүләкләр уйнатылачак! Төп приз- Бозау!
СЕЗНЕ БӘЙРӘМ ЧАРАСЫНДА КӨТӘБЕЗ!
26 июль көнне муниципаль район башлыгы Нәҗип Хаҗипов, муниципаль район Башкарма комитеты җитәкчесе Илнур Хәмидуллин һәм республикабызның “Төп төзелеш идарәсе” Дәүләт бюджет учреждениясе директоры урынбасары Илнур Кәлимуллин белән берлектә, районда төзелеш объектлары белән танышты.
27 июль көнне Теләче балалар китапханәсе, район мәдәният йорты хезмәткәрләре белән берлектә ял паркында «Китап сөючеләр утравына сәяхәт» дип исемләнгән әдәби уен үткәрделәр. Балалар гадәти булмаган урыннарга: Шигырьләр күленә, Әкиятләр сараена, Табышмаклар планетасына һәм Китап сөючеләр утравына сәяхәт иттеләр. Малайлар һәм кызлар «Әкияттә кунакта» уен-викторинасында, балаларның яраткан шагыйрьләре - С.Маршак, С.Михалков, А.Барто шигырьләрен кычкырып укуда, «Теремкәй», «Әтәч һәм тавыклар» кебек хәрәкәтле уеннарда бик теләп катнаштылар. Утрауга килеп җиткәч төп хәзинәнең, үзләреннән бик күп кызыклы хикәяләр, әкиятләр һәм шигырьләр укып була торган китаплар икәненә төшенделәр.
«Экология традицияләрдә» Республика экологик рәсемнәр конкурсында Баландыш авыл китапханәсеннән Сафин Тимур катнашты. Ул «Өйдәге йорт хайваннары» темасы буенча 3 нче урынны алды һәм диплом белән бүләкләнде.
Пушкин картасы проекты кысаларында Айдар авыл китапханәсендә Милли мәдәниятләр һәм традицияләр елына багышланган "Минем нәсел шәҗәрәм" дип исемләнгән туган якны өйрәнү квесты үткәрелде. Татар халкында элек-электән ата-баба нәселен, җиде буынны белү изге бурыч булып саналган. Үз ыруыңның кабатланмас тарихын белү, фамилияңнең һәм ата-бабаларның язмышын өйрәнү, шәҗәрәсен төзү гаиләдә буыннар чылбырын өзелмәслек итеп бәйләргә, балалар белән ата-аналар арасындагы мөнәсәбәтләрне ныгытырга ярдәм итә.