ЯҢАЛЫКЛАР

Бу көнне Россиядә Советлар Союзы Геройларын, Россия Федерациясе Геройларын һәм Изге Георгий ордены һәм Дан ордены кавалерларын хөрмәтлиләр. Әбде авылы китапханәсе мәктәп һәм мәдәният йорты директоры белән берлектә «Батырлар даны белән горурланабыз» дигән батырлык дәресе үткәрде. Чара Советлар Союзы Герое Ксенофонтов Александр Кузьмич һәйкәленә веноклар салудан башланды. Балалар бәйрәмнең тарихы белән таныштылар, Борынгы Русь чорыннан килгән геройларның исемнәрен, 1812 елгы Ватан сугышының легендар гаскәр башлыкларын, шулай ук 1941-1945 елгы Бөек Ватан сугышы геройларын, Әфган, Чечен сугышларында катнашкан якташларын белделәр. Шулай ук балалар белән безнең бүгенге көн турында сөйләшенде – Украинадагы махсус хәрби операция турында, хәзер безнең сугышларның Украина нацистлары белән ничек батырларча көрәшүләре, рус телле халыкны юк итүдән азат итүләре турында. Бу дәрес яшь буынга Ватанга тугрылык, батырлык һәм горурлык хисләрен тәрбияләүдә мөһим адым булды, киләчәк буынны үз геройларыбызның данын сакларга, үстерергә өндәде.

12 декабрь көнне Баландыш төп мәктәбендә " Нәрсә? Кайда ? Кайчан?” уены үткәрелде . Уенда район мәктәпләреннән 9 команда катнашты. Йомгаклар буенча " БНС " Баландыш төп гомуми белем бирү мәктәбе командасы 3 нче урынны яулады. Команданы Гыйләҗева Э. Р . әзерләде. Котлыйбыз!

Коррупциягә каршы дөньяга караш формалаштыру максатыннан Әбде авылы китапханәсендә мәктәп белән берлектә коррупциягә каршы эшчәнлек атналыгы оештырылды. 9 декабрь — Халыкара коррупциягә каршы көрәш көненә багышлап, тематик күргәзмә әзерләнде һәм аңа күзәтү үткәрелде. Мәгълүмат сәгате кысаларында, социаль видеоролик карау белән үрелеп барган очрашуда укучылар коррупциянең килеп чыгу сәбәпләре һәм аның ил икътисадына җимергеч йогынтысы турында тирән фикер алыштылар. «Гадел яшәргә кирәк!» акциясе кысаларында балалар чыршыны якты шарга чын күңелдән язылган теләкләр белән бизәделәр. Бу чара яшь буынның чиста һәм намуслы тормышка омтылышын чагылдырып, җәмгыятьтә әхлакый кыйммәтләрне ныгытуга зур өлеш кертте.

1-10 декабрь көннәрендә инвалидлар декадасы уза. Шул уңайдан Югары Кибәхуҗа авылы китапханәсендә «Аларның тормышы безгә үрнәк» дип исемләнгән китап күргәзмәсе куелды, укучылар белән җылы әңгәмәләр үткәрелде. Күргәзмәдә мөмкинлекләре чикле булуга карамастан, зур талантка ия булган шәхесләр — татар язучылары Фәнис Яруллин һәм Гакыйль Сәгыйровларның тормыш юлы һәм иҗатлары белән якыннан танышырга мөмкинлек бирелде. Аларның рухи көчләре һәм иҗади үрнәкләре һәркемгә илһам чыганагы булып тора.

Шул уңайдан Югары Кибәхуҗа авылы китапханәсендә «Батырлыгың синең мәңгелек!» дип исемләнгән патриотик сәгать үткәрелде. Әлеге чараның төп максаты — укучыларны Билгесез солдат көне тарихы белән таныштыру, патриотик тәрбия бирү, туган якка мәхәббәт һәм туган илебез тарихына тирән хөрмәт уяту иде. Чарада билгеләп үтелгәнчә, Билгесез солдат көне — ул Бөек Ватан сугышында һәлак булганнарны искә алу һәм хөрмәтләү генә түгел, ә сугышларда һәм хәрби конфликтларда һәлак булган, хәбәрсез югалган барлык каһарманнарны берләштерү көне дә. Шулай ук китапханәдә бу темага багышланган китап күргәзмәсе куелып, укучыларга тәкъдим ителде, аларга тарихи хәтерне саклауның әһәмияте турында тагын да тирәнрәк аңлау мөмкинлеге бирелде.

Әлеге чарада иң актив яшь укучылар катнашып, үзләренең әдәби белемнәрен һәм иҗади сәләтләрен күрсәттеләр. Батл барышында катнашучылар яшүсмерләр арасында иң популяр булган китаплар белән танышып, алар турында кызыклы мәгълүматлар алдылар. Викторина сораулары классик һәм заманча әсәрләрне үз эченә алып, һәр командага үз белемнәрен сынап карау мөмкинлеге бирде. Шулай ук укучылар яраткан әсәрләре турында фикер алышып, үзләренең күңелләрендә калган тәэсирләре белән уртаклаштылар. Әдәби батл яшьләрне китап укуга җәлеп итүче, белемнәрен баетучы һәм иҗади фикерләү сәләтен үстерүче әһәмиятле, күңелле чара булып истә калды.

Халыкара коррупциягә каршы көрәш көне ел саен 9 декабрьдә зур әһәмият белән билгеләп үтелә. Коррупция — теләсә кайсы дәүләт һәм җәмгыять өчен җитди сынау, хәзерге заманның иң кискен һәм актуаль проблемаларының берсе булып тора, аңа бүгенге көндә зур игътибар бирелә. 6 декабрь көнне Айдар авылы китапханәсендә «Ришвәтчелеккә каршы көрәш – бөтен җәмгыять эше» дип исемләнгән мәгълүмати күргәзмә куелды. Күргәзмә материаллары укучыларны «коррупция» төшенчәсенең мәгънәсе, аның төрләре һәм формалары, төп сәбәпләре, тискәре нәтиҗәләре белән җентекләп таныштырачак. Биредә тәкъдим ителгән мәгълүмат һәркемгә бу куркыныч күренешкә каршы тору юлларын аңларга һәм җәмгыятьтә коррупциягә каршы җаваплы мөнәсәбәт формалаштырырга ярдәм итәчәк.

Бу мөһим дата — барлык авырлыкларга карамастан, актив һәм тулы тормыш алып барган, сабырлык күрсәткән кешеләргә хөрмәт символы. Халыкара инвалидлар көне безгә янәшәдә яшәүче, ярдәмгә һәм игътибарга мохтаҗ кешеләргә ихлас ярдәм күрсәтү кирәклеген искәртә. Шәтке авылы мәдәният хезмәткәрләре 5 декабрьдә әлеге дата уңаеннан «Игелекле эшләр белән бизик дөньяны» дип исемләнгән җылы аралашу сәгате үткәрделәр. Бу көн безгә кыенлыкларны җиңеп, алга бару мөмкин булуын искәртә. Мәдәният хезмәткәрләре барлык катнашучыларга сәламәтлек, бәхет һәм иминлек теләделәр. Халыкара инвалидлар көне — кешенең көче аның физик мөмкинлекләрендә түгел, ә рухында, күңелендә һәм тормышка омтылышында икәнен искәртүче бәйрәм.

Халыкара коррупциягә каршы көрәш көненә багышлап, 6 декабрьдә Урта Мишә авылы китапханәсендә клуб белән берлектә “Без коррупциясез тынычлык яклы” дип исемләнгән күргәзмә куелды һәм әңгәмә үткәрелде. Күргәзмәдә Россиядә коррупциягә каршы дәүләт сәясәте һәм аның белән көрәшү чаралары турында бай мәгълүматлы материаллар, буклетлар тәкъдим ителде. Коррупция — бүгенге заман җәмгыятенең иң җитди һәм кискен проблемаларының берсе булып тора. Иң куркынычы шунда ки, ул көннән-көн гадәти хәлгә әверелеп, безнең тормыш рәвешенә кереп бара, җәмгыятьнең нигезләрен какшата.

Конституция — дәүләтебезнең төп һәм иң югары законы булып, аның нигезендә мөһим социаль программалар тормышка ашырыла, яңа технологияләр җәмгыятькә керә, төрле милләт вәкилләре арасында татулык һәм дуслыкны ныгыту өчен ышанычлы нигезләр салына. Әлеге көн уңаеннан Теләче үзәк китапханәсендә «Конституция — төп закон» дип исемләнгән китап күргәзмәсе куелды. Анда Россия Федерациясе Конституциясе, хокук, шулай ук Россия тарихына багышланган кодекслар һәм дәреслекләр тәкъдим ителде, алар укучыларга илебезнең закон нигезләрен һәм тарихи үсешен тирәнрәк аңларга ярдәм итә.